اطبع الصفحة | اغلاق النافذة

هنا ســــــــــــــــما القاهره

طبع من : منتديات شبيك لبيك
وصلة الموضوع : http://www.shobiklobik.com/forum/topic.asp?TOPIC_ID=271646
طبع فى : 01/10/2014

الموضوع:


كاتب الموضوع: محمد1982
عنوان الموضوع: هنا ســــــــــــــــما القاهره
كتب فى: 26/01/2010 18:56:25
الموضوع:


هبدا واقول بسم الله الرحمن الرحيم


الموضوع عامله ليا انا او لاي حد عاوز يستفسر عن حاجه معينه في الطبيخ بالخصوص

هدخل كل يوم يا باشا واقولك عاوز اتغدي النهارده حاجه معينه ويا ريت طبعا لو سمح وقتك

تشرحيلي طريقه عمايلها ولو امكن توصفيها كده بالبلدي

متقوليش تضيف كوب من الماء ومعلقه من الشاي والكلام ده

لا .........تحكيلي كده بالعاميه

ولو بردو نقول ان انتي تقترحي لي اكله معينه انتي بتحبيها وطريقه عمايلها

ها ايه رايك في الفكره لو مش عجباكي يبقي امسحي الموضوع يا باشا

ومفيش زعل بجد

يلا اعرف رايك وبعد كده نبدا


سي يو ماي دير

الردود:


كاتب الرد: snoow white
الرد فى: 27/01/2010 04:01:34
الرسالة:

مش قادره امسك نفسي والله

انت مش هتجوز وتريحنا بقي

لا وجاي يقولك كل يوم

شكله عنس ولا ايه


كاتب الرد: سما القاهره
الرد فى: 27/01/2010 09:47:19
الرسالة:

صباح الفل علي اعضاء ومراقبين وزوار شبيك لبيك

فكره جميله اوي يا محمد

اتكل علي الله وانا معاك

صباحك فل


كاتب الرد: محمد1982
الرد فى: 27/01/2010 10:15:18
الرسالة:


صباح الخير سما

مش عاوز بس اكون تقيل عليكي بجد

شوفي بقا يا ست الكل انا بروح علي الساعى 6 كده بس ممكن

اتغدي علي 7 او 8 ببيبقي عندي صبر ساعه ساعتين لغاية ما اجهز الغداااا

يبقي النهارده عاوز اكل خفيف كده

يعني الخلطه بتاعة المحشي عرفاها مش هفضي طبعا احشي ولا حاجه

بس يا ست الكل مطلوب منك تحضري خلطه الرز مع الخضروات وكده انتي فهماني

وصباحك سكر ونادي يا ست الكل


كاتب الرد: محمد1982
الرد فى: 27/01/2010 10:17:45
الرسالة:

سنووايت لما هتجوز مش هتلاقيني هنا خاااااااااالص

يبقي احسن خليني عازب ماشي

يلا روحي فكري في اكله بكره عشان الليله الاربعاء وبكره الخميس وانتي عارفه الخميس بالنسبه ليا


كاتب الرد: سما القاهره
الرد فى: 27/01/2010 10:57:50
الرسالة:

صباحه محشي

بص يا سيدي

انا حشتري البقدونس والكسبره ولا اقلك


انت روح اشتري الخضره دي لغايه ما


اخلط الطماطم في الخلاط


اصبر بس اما مشورتك النهارده


يلا بقي اجري انت لسه واقف يعني


عايز محشي وبتتلكع


محشي ربنا يسامحك ده النهارده ورايا مذاكره وبكره امتحان كورس الانجلش


بس وحياتك لاخلصه قبل الساعه 2


كاتب الرد: محمد1982
الرد فى: 27/01/2010 11:36:49
الرسالة:

هههههههههه

لا مشوري براحتك انا بتاع المشاوير

ها وبعدين بس حاجه علي زوقك وكتري الشطه


كاتب الرد: سما القاهره
الرد فى: 27/01/2010 11:50:24
الرسالة:

محمد شكله مش عايز يجيب حاجه كسلان زي كل الرجاله طبعا

وعايز ياكل علي الجاهز


فانا مش حعمل حاجه الا لما يجيب الخضره من السوق

هو بيقول متقوليش المقادير ونضع


حقول المكونات ههههههههههه

وده شكله بعد ما يخلص ام شاء الله

وربنا جوعت اه ياني

كرنبه مسلوقه في ماء وملح وشطه حمرا وفلفل اخضر وكوسه

وباذنجان ابيض

ورز وطماطم وخضره بقدونس وكسبره وشمر

وزيت ومرقه دجاج و2 كوب من شوربه لحمه

علشان المحشي يتميز بالدسامه والطعم الحلو والنكهه الجيده


وفلفل اخضر وشطه حمرا وطبعا التوابل الملح والفلفل


وجوزه الطيب والمستكه والحبهان


انا خلطت الطماطم وحمرت البصله والتوم المفروم في الزيت وبعد ما تصفر البصله


والتوم اضع عصير الطماطم

وحبتدي احشي بقي

اضع قليل من الزيت في الحله وسمنه بلدي

وارص المحشي الكرنب لوحده والفلفل والكوسه والباذنجان في حله اخري


واضع الحلتين واسقيهم بعصير الطماطم المكون من شوربه لحمه وطماطم معصور

وزيت وتوابل ومرقه الدجاج وشطه حمرا


واتر ك الحله مغطاه نص ساعه واضيف قليل من العصير واتركها نص ساعه كمان

ودلوقتي بقي استوي ويلا بالف هنا وشفا

يارب يعجبكوا

الشيف سما

عاشقه الكتاكيت


كاتب الرد: سما القاهره
الرد فى: 27/01/2010 12:05:58
الرسالة:

اانا نسيت اسمعكوا انا بسمع ايه وانا بطبخ في المحشي


هههههههههههههه



كاتب الرد: محمد1982
الرد فى: 28/01/2010 09:37:29
الرسالة:


صباح الخير علي اجمل سما

واقولك ايه بس علي اجمل محشي وعلي اطعم اكله

اليوم بقا مروح بدري وهسيبك انتي تظبطي اكله علي مزاجك

ويا رب ما نتحرم من اكلك ابدا


كاتب الرد: سما القاهره
الرد فى: 28/01/2010 10:23:34
الرسالة:

لالالالالالالالا انت تختار وانا انفذ

ايه التدبيسه دي


كاتب الرد: سما القاهره
الرد فى: 28/01/2010 10:52:44
الرسالة:

امري الي الله

محمد دبسني وجري

بصوا بقي انا اعز الحمام جدااااااااااااااااا

وطبعا النهارده الخميس

وبما اني لازم اخد بالي من صحتكوا فحاكلكوا حمام


هييييييييييييييييييييييييييه

طبعا محمد حيطير من الفرحه


4 حمامات طبعا انا حاكل اتنين


والمنتدي كله في الاتنين التانيين اتصرفوا بقي

ربع كيلو فريك
ملعقتين زبدة
ملح وفلفل وبهارات
2 بصلة متوسطة مبشورة أو مقطعة قطعا صغيرة

التجهيز:
قطعى كبدة الحمام الى قطع متوسطة وايضا القوانص قطعيها قطع صغيرة ولا تخلطيهم معا
أغسلى الفريك جيدا واتركيه منقوع فى الماء لمدة ساعة على الأقل

الطريقة:
سيحى الزبدة على النار واضيفى اليها البصل واتركيهم على النار حتى يصبح لونها ذهبى
أضيفى القوانص المقطعة للبصل مع التقليب لمدة 3 دقائق
ثم أضيفى الكبدة بعد ذلك لمدة 3 دقائق
أضيفى التوابل ( الملح ويمكن استبداله بمكعبات مرقة الدجاج لأنها بتخلى طعمه أطيب) والفلفل والبهارات (كل منهم مقدار نصف ملعقة صغيرة ).
صفى الفريك من الماء وضيفيه للخليط السابق وقلبيه جيدا واتركيه لمدة 5 دقائق
أضيفى للفريك مقدار كوب من المرقة واتركيه على نار هادئة حتى يشرب كل المرقة.
ملحوظة: لا تزيدى المرقة لأن الفريك يجب ان يكون نصف مطهو

الحمام طبعا يكون مجهز ، مغسول جيدا بالدقيق والملح والخل
ثم ابدئى بحشو الحمام بالخليط ولا داعى لأن تكبسيه بالفريك حتى تعطى الفريك فرصة للنضج
أغلى مقدار من الماء ( تقريبا 4 أكواب ماء ) وأضيفى له بصلة مبشورة و2 مكعب مرقة دجاج وفلفل أسود

ضعى الحمام فى الماء طبعا وهى بتغلى واتركيه حتى ينضج ( حوالى نصف ساعة )

ثم يحمر الحمام فى زيت أو زبدة حسب الرغبة


كاتب الرد: محمد1982
الرد فى: 28/01/2010 12:05:06
الرسالة:


الله الله

حمام

واجيبه منين الحمام هنا

انتي كده هتخلي الميززانيه تخرب ههههههههههه

بس علي قولك بجد

النهارده الخميس ولازم نظبط النهارده

هههههههههههههه

تسلمي يا ست البنات


كاتب الرد: علاء الامبراطور
الرد فى: 28/01/2010 12:56:01
الرسالة:


احلى صباااااااااااح على محمد حبيب قلبى انت فين يا عمنا

زعلان قووووووووووى منك مش بتسال علينا كده وحشنى قووووووى

وبعد اذنك يا محمد هسال اختنا سما على وصفه للاكل الشهى


صبااااااااح الورد يا سما القــــــــــــــــــاهره

بصفتك استاذه المطبخ وفى فن الاكل والوصفات الشهيه

وانتى عارفه اخوكى الامبراطور ذواق من الدرجه الاولى بحب الاكل قووووووووووى

عايز طريقه مثاليه لطريقه عمل الجلاش باللحمه المفرومه

صبااااااااااحك سكر يا سما يا سكر


كاتب الرد: سما القاهره
الرد فى: 28/01/2010 13:43:42
الرسالة:

بص يا محمد يا خويا انت تشوفه تشبع علي طول

ماشي يا اخو ست الستات


كاتب الرد: محمد المتعب
الرد فى: 28/01/2010 13:47:19
الرسالة:

جميل جدا


تسلم ايدك سما


ومستنين احلى الاكلات منك


محمد عصام المتعب


كاتب الرد: سما القاهره
الرد فى: 28/01/2010 13:48:53
الرسالة:

عيوني يا علاء

بكره ان شاء الله نعمل الجلاش


كاتب الرد: سما القاهره
الرد فى: 28/01/2010 13:50:32
الرسالة:

علي ايه يا محمد المتعب ده اقل واجب

بس انت تعالا

تجد ما يسركم


كاتب الرد: محمد1982
الرد فى: 28/01/2010 14:18:18
الرسالة:


يا هلا بعلاء باشا والله انتي اللي وحشني بس انت اللي مختفي

انا مقيم هنا بس يبقي تعالي زورني هههههههههه

تسلم يا راجل يا ذوق والله انت منور اي مكان تبقي موجود فيه


كاتب الرد: محمد1982
الرد فى: 28/01/2010 14:23:23
الرسالة:


سما بكره بقا الجلاش مش عارف بايه كده يبقي تعمليه

وبجد شكلي هبقي فيل من ورا اكلك هههههههههه

تسلميلي


متعب عاوزك تقترح بردو كده وتشد حيلك انا اعرف ان انت خبير في الاكل وده باين من خطك وضحكتك ههههههههههه


كاتب الرد: snoow white
الرد فى: 28/01/2010 16:26:04
الرسالة:

ده الفيل لو سمعك هيتخض

وانهارده الخميس

يا تري هتاكل ايه


كاتب الرد: AiShWaRyA
الرد فى: 29/01/2010 01:41:14
الرسالة:

فيل مين يا اوزعه انتى كمان


روحى نامى

بصراحه موضوع جميل جدا وفكرة حلوة موت


وادينا بنتعلمو حاجات حلوةمصريه


ربنا يباركلنا فى طبختنا سما



كاتب الرد: سما القاهره
الرد فى: 29/01/2010 02:38:11
الرسالة:

ربنا يخليكوا ليا يا بناويتي

منورين وربنا


كاتب الرد: سما القاهره
الرد فى: 29/01/2010 11:45:39
الرسالة:


احلي صباح يا مصر

صباح الفل صباح الياسمين علي احلي مصريين

والنهارده حنعمل الجلاش علشان علاء وحبايب شبيك لبيك

جلاش باللحمه المفرومه



عجينة جلاش .

نصف كيلو لحمة مفرومة مع بصل وصنوبر .

كوب حليب .

بيضة .

فلفل أسود (تخفق سوياً) .

الطريقة :

نحضر عجينة الجلاش ثم نفردها ونأخذ طبقة واحدة منها ونقيسها على مقياس البايركس التي لدينا ثم نضعها فوق الطبقات الباقية ونقصها على الحجم نفسه .

ثم نحضر قالب زبدة مسيحة على النار، وندهن البايركس بالزبدة ثم نضع أول طبقتين وندهن السطح بالزبدة بواسطة الفرشاة ثم نكرر العملية حتى يصبح لدينا نصف مقدار رقائق الجلاش .

ثم نفرد الحشوة على الوجه ثم نعيد الكرة بوضع كل طبقتين وندهن وجههما بالزبدة حتى تنتهي الكمية ثم نقطع الصينية جيداً بسكين حاد للقاع .

ثم نحضر الحليب والبيضة ونخفقهما ونسكبهما على وجه الصينية ثم نضعها في فرن حام لمدة نصف ساعة أو أكثر حتى يحمر القاع والوجه.

يمكن أن تحشو العجينة نفسها بالجبنة والبقدونس (3 أنواع جبنة حلوم + شدر + موزريلا + بيضة وفلفل أسود).


كاتب الرد: محمد1982
الرد فى: 30/01/2010 08:57:38
الرسالة:

صبااااااااااااااااااح الخير

هههههههههههه

انا متعبك انا عارفه بس اعزريني الجمعه كان عندي غسيل مكنتش فاضي خالص للطبيخ
ههههههههههه

يلا نقول بسم الله

اللوبيا مع الارز ومعاها لحمه يلاا عاوز اتغدي يا قمر

وصبااااااااح الخير علي كل من بيحبوا الطبيخ


كاتب الرد: snoow white
الرد فى: 30/01/2010 09:09:19
الرسالة:

طاب قول الفطار الاول

داخل ع الغدا ع طول

ربنا يكون في عونك سمسمه


كاتب الرد: محمد1982
الرد فى: 30/01/2010 09:11:23
الرسالة:


يا سنوووووووووو صباح الخير باين عليكي منمتيش

بس انا تؤتؤ ما في فطار

مبيحبنيش خاااااااااالص


كاتب الرد: snoow white
الرد فى: 30/01/2010 09:18:11
الرسالة:

هو اللي مبيحبكش باردو

وانا اه لسه صاحيه يرضيك تده

اهئ اهئ شكلي مش هناك دلوقتي *3


كاتب الرد: سما القاهره
الرد فى: 30/01/2010 11:38:31
الرسالة:

صبــــــــــــــاح الفــــــــــــــــــــــــــــل يا مصـــــــــــــــــــــــــر


اللوبيا الخضراء باللحمه

المقادير

1 كجم لوبيا خضراء
500جم لحم مقطع
1 بصلة كبيرة
1 حزمة كزبرة خضراء مفرومة
1 ملعقة صغيرة ثوم
1 ملعقة صغيرة ملح
نصف ملعقة صغيرة بهار مشكل
ربع كوب زيت نباتي



طريقة الطبخ

يسخن الزيت في الإناء علي النار ثم يضاف البصل والثوم ويقلب جيدا ثم تضاف قطع اللحم وتقلب إلي إن يجف الماء عنه .
تضاف الكزبرة الخضراء والبهار والملح إلي اللحم وتقلب جيدا , ثم يضاف إليه مقدار 3 أكواب من الماء ثم يغطي الإناء ويترك علي نار هادئة .
تغسل حبات اللوبيا وتنزع الخيوط من الجوانب ثم تقطع إلي قطع صغيرة , ثم تضاف إلي اللحم علي نار مرتفعة حتى تغلي ثم تخفض الحرارة ويترك حتى تنضج اللوبيا واللحم ثم توضع في طبق التقديم .

يوضع الارز في قدر الطبخ و يحمر على نار عاليه الحراره

الى ان يميل لونه الي اللون الدهبي

ثم يوضع مرقه اللحمه ونص مكعب مرقه الدجاج مع تقليل درجه حراره النار

حتي ينضج.


وبالهنا والشفا


ملحوظه :كتبت الطريقه 4 مرات والنت علق ربنا يسامحك يا محمد

اصعب طابخه حتي الان



كاتب الرد: محمد1982
الرد فى: 30/01/2010 11:51:18
الرسالة:


ههههههههههههههه

والله انا عارف ان انا متعبك معايا بس استحملي لحد ما اتجوز

هههههههههههه


كاتب الرد: سما القاهره
الرد فى: 30/01/2010 12:03:10
الرسالة:

والله شديت في شعري

حموت من الغيظ من النت ده


كاتب الرد: snoow white
الرد فى: 30/01/2010 13:14:13
الرسالة:

وتقطعي شعرك وتفضلي قرعه كده

جوزك يقولنا ايه جوبتهالي قرعه مستوتش

زي ما انتي والنيعمه ما انتي متهوره *9


كاتب الرد: سما القاهره
الرد فى: 30/01/2010 14:10:14
الرسالة:

نعمل ايه بس يا سوسو


اللوبيا دي اصلها بقوليات

ودايما بتعمل غازات


يعني لازم يطلب لوبيا

متخفيش هي دعوه واستجابت

نغم قالت المطبخ ده حيجننك اكتر ما انتي مجنونه


ههههههههه


كاتب الرد: محمد1982
الرد فى: 31/01/2010 08:59:32
الرسالة:

هههههههههههه

طيب نقول صباح الخير علي احلي شيفه عندنا

ويا رب يكون النت عندك متظبط

سمعت اقاويل ان بيقولوا ان محمد بقا تخين خالص

وميقدرش يقوم من علي الارض الا بمساعدين يعني من كتر التخن

عشان كده يا باشا مش هنقضيها كل يوم طبيخ ولحمه

خليها بقا اكله شعبي

يلا فرجينا علي احلي اكله شعبي من اللي بتحبيهم

وصبااااااحك اجمل يا باشا


كاتب الرد: سما القاهره
الرد فى: 31/01/2010 09:18:20
الرسالة:

صباح الفل يا بلادي

صباح الخير يا محمد

والحمد لله النت كويس والجو حلو علشان النهارده النصر الكبير ان شاء الله

ويارب يتمم فرحتنا يارب احنا بقلنا كتير مفرحناش

واكيد لو قلنا اكله شعبيه علي طول حنقول


الكشــــــــــــــــــــــــــــــــــــــــــري


1 كوب عدس بجبة (العدس اسود)
2 كوب أرز
1 كوب مكرونة صغيرة
نصف كوب شعرية
نصف كوب حمص شامي
4 بصلة كبيرة

2 كوب عصير طماطم
1 ملعقة صلصة طماطم
3 فصوص ثوم مدقوقين
خل و ملح و كمون

2 حبة طماطم متوسطة
زيت ذرة


الطريقة:

- نغسل العدس جيدا و نتركه ينشف ثم ننقيه ثم نسلق العدس في كوبان ماء و بعد السلق نتركه في ماء سلقه .
- نقطع البصل أربع إرباع ثم شرايح رقيقة جدا , نضع في اناء صغير كمية من الزيت لتحمير شرايح البصل و نقلب البصل باستمرار حتى يصبح لونه ذهبي مائل للاحمرار .
- نبعد الحلة عن النار و نميل الحلة على جانب حتى يفصل الزيت عن البصل و نرفع البصل من الزيت بالملعقة ثم نضعه في طبق مسطح مفرود و نوزعه بالملعقة كي لا يلتصق بعضه ببعض .
- في نفس الزيت نضع العدس المسلوق بمياهه (أنها سبب لون الكشري المتعارف عليه شبه رمادي) و نضيف نصف ملعقة ملح و نتركها تغلي ثم نضيف الأرز بعد تنقيته و غسله و يجب أن يغطي الماء الأرز و العدس , نقلبهم جيداً و نغطي الحلة , و عندما يبدأ الرز بشرب الماء نوطي النار و نطبخه مثل الارز العادي.
- نسلق الحمص في ماء مملح و نصفيه من الماء .
- نسلق المكرونة في ماء مملح و نصفيها .
- نسخن زيت ثم نضع المكرونة و نقلبها في الزيت تقليبتين ثم نهدي النار و نتركها دقيقتين .
- نحمر الشعرية في القليل من الزيت ثم نضيف لها القليل من الماء الساخن و نغطيها و نملحلها و نطبخها مثل الأرز.
- لتحضير الصلصة : ناخد الجزء الأكبر من الثوم المدقوق و نقلبه في القليل من الزيت إلى أن يصفر لونه ثم نضيف عصير الطماطم و ندعها حتى تتسبك ( أي ينشف منها الماء ) .
- نضيف لها الصلصة و الخل و الملح و الكمون و نقلبهم , ثم نضيف لها ماء حتى يصبح قوامها متوسط مثل الصوص ( لا غليظة و لا خفيفة ) و نطفي عليها النار لما تغلي.
- لتحضير سلطة الدقة : نقطع الطماطم مكعبات و نضيف لها خل و ملح و كمون و بقية الثوم المدقوق و ماء و تبقى سلطة بالدقة , ممكن الإستغناء عن الطماطم و اضافة شطة حمراء مطحونة فنحصل على الدقة .

- تقديم الطبق :
- نضع الكشري (الأرز بالعدس) و فوقه الشعرية ثم المكرونة ثم التقلية (البصل المحمر) ثم الحمص و يقدم بجواره الصلصة و السلطة بالدقة أو الدقة وحدها .





كاتب الرد: سما القاهره
الرد فى: 31/01/2010 09:23:46
الرسالة:

الحلو بقي : لقـــــــــــــــــــمه القــــــــــــــــــــــــــــاضي

الكمية تكفي: 5 أشخاص

وقت التحضير: 10 دقائق

وقت الطهي: 15 دقيقة

المقادير: نصف كيلو دقيق

معلقه زيت

3 معالق كورن فلور او نشا

نصف معلقه صغيره سكر

نصف معلقه صغيره ملح

نصف كوب ماء دافى ء
كوب ماء بارد
شراب ثقيل او سكر بودر للتحليه

معلقه كبيره خميره

التحضير: ندوب الخميره بالسكر والماء الدافىء

نضع فوق الخميره معلقه الزيت والملح ونتركها تخمر فى مكان
دافىء نصف ساعه

نضع الخميره فوق الدقيق ونقلب
ثم ندوب النشا بكوب ماء ونضعه فوق الدقيق
تمزج المكونات جيدا ليتكون عجينه لينه نوعا نغطيها ونتركها تخمر


الطبخ: نحضر زيت ساخن ونقطع العجينه

للتقطيع الجيد ليكون شكلها مدور

نحضر ملعقه صغيره وطبق به ماء ونمسك العجينه بيد و اليد
الاخرى بها الملعقه

نغمس الملعقه فى الماء نقطع بها الجينه واليد الاخرى تطغط

لتكون كره تقطع بالملعقه

ونضعها بالزيت مع التقليب للتحمر من كل الجهات

نغمسها بالشراب او نرش فوقها سكر بودره


وبالف هناء وعافيه


كاتب الرد: محمد1982
الرد فى: 31/01/2010 09:33:07
الرسالة:


الله ينور عليكي يا قمر

بجد ده احلي اكله بحبها جدا

بس تعرفي ازاي اعمل شطه مولعه زي المطاعم كده يعني


كاتب الرد: سما القاهره
الرد فى: 31/01/2010 11:51:54
الرسالة:

عاتي

حط شطه حمرا علي

ماء وخل ولمون وتبقي مولعه


كاتب الرد: snoow white
الرد فى: 31/01/2010 18:19:12
الرسالة:

كتر الشطه يجيب بواسير


كاتب الرد: سما القاهره
الرد فى: 01/02/2010 09:36:41
الرسالة:



صبــــــــــــــــــــــــــــاح الفـــــــــــــــــــــــــــل

واخيرا انكتبت ملحمه رجاله مصر


بفوز ساحق ماحق عن جداره واستحقاق


الف مليون مبروك يابلادي


ومبروك علينا النصر وعشت يا مصر


دائما شامخه ابيه باهلك وناسك الطيبببن



كاتب الرد: سما القاهره
الرد فى: 02/02/2010 13:27:23
الرسالة:

صباح الفل علي الكل


وباين ان محمد المدير زنقه

وربنا يستر ويسمعنا عنه سمع خير

حقدملكم طريقه انا بفضلها للحمه ويارب تعجبكم


اللحمه الكمونيه مع طبق الارز بالخضار المشكل




المقادير
500 جرام لحم خروف بدون دهون
3 ملاعق كبيرة زيت نباتي

2 سن ثوم + بصلة مفرومة +كمون
بهارات، ملح، بقدونس، فلفل أخضر(حسب الحاجة)
ربطة صغيرة كرفس
نصف لتر ماء


الطريقة
نضع اللحم مع البصل والثوم والملح والبهارات في الزيت ونتركها تتحمص
يسكب الماء شيئاً فشيئا.
يضاف الكرافس والفلفل الأخضر (حسب الحاجة).
نضيف بقية الماء ونتركه إلى أن يتناقص حجم المرق وينضج اللحم على نار هادئة.

نرش عليه البقدونس المفروم يدوياً.
يقدم الطبق ساخناً بصحة وعافية وشهية طيبة


كاتب الرد: محمد1982
الرد فى: 03/02/2010 09:11:23
الرسالة:

ههههههههههههه

ايه اللي عرفك ان المدير قفشني

يا صباح الجمال يا صباح كل شئ جميل

يا صباح علي الروائح اللي تجنن اول ما ادخل القسم

يا رب تكوني فاضيه النهارده عشان بقالي كام يوم صايم وعاوز اكله بحبها كتير

اممممممممممممم

دجاج تكا ومعاها اللوازم علي كيفك


كاتب الرد: سما القاهره
الرد فى: 03/02/2010 09:52:52
الرسالة:

صبــــــــــــــــــــــاح الفــــــــــــــــــــــــل

يارب تكون جت سلامات يا محمد


دجــــــــــــــــــــــــــــــــــاج التكـــــــــــــــــــــــــــــــــا



الكمية تكفي: 4 أشخاص

المقادير


1_ فرخه مقطعه اربع اجزاء
2_ بهارات تكا
3_كوب زبادى
4_ 4فصوص ثوم مفرومين
5_بابريكا حمرا _ خل _ ملح وفلفل _ مرقه دجاج مكعب
6_ جنزبيل طازج مفروم


التحضير
:

تخلط المقادير وتقطع الدجاجه وتترك فى الخلطه لمدة لاتقل عن ساعتين

الطبخ:


توضع الدجاجه فى كيس الشوى وتوضع فى الفرن لمدة ساعه وتقدم مع البطاطس والعيش البورى والرز الهندى والسلطات

ملاحظات:

ان لا تقل فترة التتبيل عن ساعتين توضع فى فرن متوسط الحرارة

اذا لم تتوفر لديك بهارات التيكا نضع الكارى مع اضافه كسبرة خضرة ومفرومه


ارز بالفرن

اسلقي رز حسب المقدار الذي تودين نصف سلقة


احمسي قطع البصل مع قطع الدجاج والبهارات والثوم والزنجبيل والطماطم وقليل من الزبادي


ثم اسكبيه في صينيه بايركس

ثم ضعي الرز فوقه


ثم اقلي مكعبات البطاطس في الزيت وملحيها ثم ضعيها فوق الرز وافرمي كزبرة خضراء فرما ناعما ووزعيها عليه واذا احببتي فلفل احمر

ثم غطيه بقصدير وادخليه الفرن حتى ينضج تماما

وهاذي النتيجه النهائيه بعد خروجه من الفرن


وبامكانك اعداد سلطة اللبن المكونه من زبادي وخيار ونعناع وكزبرة خضراء وفلفل اخضر وملح ورشف فلفل اسود



كاتب الرد: محمد1982
الرد فى: 03/02/2010 10:04:42
الرسالة:


يا سلام علي الحلاوه والجمال والطعامه

ايه ده صباحك نادي يا ست البنات

تسلمي علي زوقك اللي يجنن

ومتخافيش الامن هنا مستتب وكله علي ما يرام


كاتب الرد: سما القاهره
الرد فى: 03/02/2010 11:35:53
الرسالة:

الحمد لله وربنا يسترها معاك دايما

يا ابن بلدي

هههههههههه

وربنا بنتي بتدعيلك وبتقلي يارب

عمو يتجوز ويريحك يا مامي


كاتب الرد: رمانه الميزان
الرد فى: 03/02/2010 13:19:00
الرسالة:

وبعدين بقى هاتأكل لوحدك يامحمد متعزمنا معاك اصل اكل سما روعة وبعدين الاكلة دى بتقولك تكفى اربع افراد اعزمنا بقى لحسن بصين فى الاكل لاحسن تزور
والنبى وانا ادعيلك مع بنت سما انك تتجوز واكل اكل سما لوحدى


كاتب الرد: سما القاهره
الرد فى: 03/02/2010 19:36:53
الرسالة:

محمد انت مرديتش علي الموضوع ده


http://www.shobiklobik.com/forum/topic.asp?TOPIC_ID=267187&whichpage=5


كاتب الرد: غاليه
الرد فى: 04/02/2010 09:09:54
الرسالة:

بقلك ايه يا سما

بما انه اليوم الخميس واحنا الستات عندنا شغل ياما
وهما الرجاله عاوزين اكل سريع
اهدي اليهم هذا الطبق وسيبك انتي ده كده بزياده

بيض بالبولوبيف

المقادير لشخص واحد :

بيضتين ويفضل انه يكون بيض بلدى

7 معالق زيت او معلقة سمنه كبيره

ربع علبة بولوبيف

شوية ملح وحبة فلفل اسمر

طريقة التحضير :

يلا هنولع البوتجاز وهنجيب طاسه متوسطة الحجم هنحط فيها الزيت او السمنه ونسيبهم حوالى دقيقه ونص عـ النار لحد ما الزيت او السمنه تئدح يعنى

هنرفع الطاسه خالص من عـ النار وهنضيف البولوبيف وبمعلقه كده ونشوح البولوبيف تشويحه خفيفه ونقلبه فـ الزيت او السمنه
لحد ما يكتسب اللون الاحمر الداكن

بعد كده نفقش البيضتين ونحط الطاسه تانى عـ النار ونقلب البيض مع البولوبيف لمدة دقيقتين ونقوم طافيين عليهم

بعد كده هنضيف الملح وشوية فلفل اسمر وبالهنا والشفا

واتمنى ان طبق النهارده يكون عجبكم

والى ان نلتقى فى طبق اخر اترككم فى رعاية الله وامنه ،،،

--------------------

الي مش عارف الملح او البيض او البوتجاز يتفضل يسئل


كاتب الرد: محمد1982
الرد فى: 04/02/2010 09:20:07
الرسالة:

صباح الخير علي الناس الحلوه

رمانه والله قايل من اول الموضوع ان الاكل مش ليا لوحدي ومبحبش اكل لوحدي

وعاوزك تدعي زي بنت سما بس يا ريت بذمه ههههههه
لاحسن سما يتخليها تدعي عشان تترحم مني وخلاص

منورانا والله يا رمانه وعاوزك تقولي اكله بردو انت يبتحبيها

زورونا تجدوا ما يسركم


كاتب الرد: رمانه الميزان
الرد فى: 04/02/2010 09:28:53
الرسالة:

صباح الخير على منتدانا الجميل بأعضاءه الحلوين
اشكرك يامحمد على دعوتك الجميلة دى
حاضر ياعم هادعيلك وخصوصا ان بكرة الجمعة وفيها ساعة استجابة على الله ان تستجاب ويفرحنا بيك وبشباب المنتدى وبناته عن قريب يارب
انت وقعتنى فى اختيار صعب قوى لان الاكل كله عندى واحد الحمد لله
وربنا يخلى لينا سما يارب بأكلاتها الذيذة وبقلبها الجميل الحنون صباحك جميل زيك ياسما
تحياتى ويسعد صباحكم يارب


كاتب الرد: سما القاهره
الرد فى: 04/02/2010 09:29:17
الرسالة:

صباح الفل يا محمد رديت علي الموضوع بتاعك
انت نسيته ولا ايه انا بعتلك الرابط بتاع

يوميات


كاتب الرد: سما القاهره
الرد فى: 04/02/2010 09:43:16
الرسالة:




الله الله

غاليه عندنا يا هلا يا هلا

والله منوره المطبخ

ايوه كده تعالي ساعديني


الا محمد والحلوين طلباتهم كتيره


انا بقي عليا الحلو





كاتب الرد: سما القاهره
الرد فى: 04/02/2010 09:52:05
الرسالة:


كنــــــــــــــــــــافه بالقشــــــــــــــــــــــــده



الكمية تكفي: 7 أشخاص

وقت التحضير: 30 دقيقة

المقادير: 1/2 كيلو كنافة.
4 اكواب من القشدة الطازجة ، او الجبن الحلو.
2 كوب من السمن او الزبدة الحلوة.
1/2 كوب من الفستق المطحون.
2 كوب من الشربات او القطر.

التحضير: تفرك شعيرات الكنافة باليدين ، و يضاف اليها نصف كمية السمن.
توضع نصف كمية الكنافة في صينية صغيرة ذات حافة قصيرة مدهونة بالزبدة او السمن.
تكبس بالملعقة و يوزع فوقها الجبن و تغطى بالقسم الثاني من العجينة و يضغط عليها باليد.
يوزع باقي السمن على السطح و الجوانب و توضع في فرن متوسط الحرارة.
عندما يحمر السطح ، تخرج من الفرن و تسقى بالقطر و تزين بالفستق وتقدم.

ملاحظات: الكنافة العثملي طبق لبناني .
يجب مباشرة الكنافة اثناء وجودها في الفرن ، فاذا وجدت قاعها احمر ، واعلاها لم يحمر اقلبيها بحذر.



كاتب الرد: غاليه
الرد فى: 04/02/2010 10:07:42
الرسالة:

بصي يا سما انا حناقش مع المسؤولين
امر ابعاد محمد 82 عن المطبخ
يا اوووووووووختي اصلك انتي الي مدلعاهم
انا لو منك ااكلهم كل يوم عدس
ويحلوا ببسبوسه وبس


كاتب الرد: سما القاهره
الرد فى: 04/02/2010 10:20:21
الرسالة:


والله مش بحب اكسر بخاطر حد


بيصعبوا عليا مساكين

زي محمد كده في الغربه

والمسكين كمان


مش نعمله الي نفسه فيه


ده يبقي حرام

ربنا يخليكوا لياواعملكوا الي انتوا بتحبوه

وان شا الله مااعدمك




كاتب الرد: محمد1982
الرد فى: 04/02/2010 12:27:44
الرسالة:


هههههههههههه
طيب استني بس يا سما انا كنت هرد عليكي واقولك ان انا فعلا شوفت الموضوع واجلته ليوم الخميس عشان ارد عليه برواقه
بس جات بقا الكابسه الكبيره وروحت المعارض وزوغت بدري بدري

ههههههههههههه


كاتب الرد: محمد1982
الرد فى: 04/02/2010 12:30:03
الرسالة:

مين هنا غاليه ام دماغ عاليه والله هتقوليلي طنجره والكلام اللي مبفهموش ده هقولك لا كتر خيرك هههههههه

بس بتقولي طاسه وئدح الزيت يبقي انتي كده في السليم
الله ينور عليك يا غاليه وبجد اكله جميله جداااااااااااا

وتسلمي يا رب وما نتحرم من ئدح زيتك ابداااااااااااا ههههههههه


كاتب الرد: محمد1982
الرد فى: 04/02/2010 12:32:11
الرسالة:


رمانه الميزان

انتي تنوري في اي وقت ويا رب تدعيلي كل يوم مش يوم الجمعه بس ههههههههههه

ويلا بقا ورينا الهمه بكره انتي بس تختاري الاكله وحبيبتنا سما هي هتعمله اصل اتعودت علي الملاعق بتاعتك هههههههههه


كاتب الرد: محمد1982
الرد فى: 04/02/2010 12:34:17
الرسالة:


سما مش عارف اقولك ايه بجد

ويا رب احنا ما نتحرم من وجودك في المطبخ ابداااااااا

بجد انتي عملتي اضافه جميله للقسم ده

ونعنشتيه كده وبقا ريحته كلها توابل وبهرات وزفر ههههههه

تسلمي يا ست الكل علي حلوياتك والنبي انتي جريتي ريقي

وهقول لبوي جوزني بسرعه هههههههههه


كاتب الرد: سما القاهره
الرد فى: 04/02/2010 12:58:28
الرسالة:

هههههههههه

يارب نفرح بيك يا محمد

ويارب اكون اسعدتكم فعلا


كاتب الرد: غاليه
الرد فى: 05/02/2010 00:35:19
الرسالة:


ئدح اه ئدح
بتتريئ حضرتك
حقول لشريفه
اخت جميله حتشوف شغلها معاك يا محمد
82


كاتب الرد: محمد1982
الرد فى: 06/02/2010 08:55:02
الرسالة:


صبااااااح الانوار

صباح الخير علي عيونكم


كاتب الرد: محمد1982
الرد فى: 06/02/2010 08:57:06
الرسالة:


لو الواحد مضايق ولا كئيب ممكن ياكل ايه في الحاله دي

ولا ما ياكلش خاااااااااااااااااااااااااااالص


كاتب الرد: رمانه الميزان
الرد فى: 06/02/2010 09:12:20
الرسالة:

صباح الخير والسعادة والهناء يارب
انا داعيتلك يامحمد زى ماوعدتك يوم الجمعة
والنهاردة ربنا يرزقك ببنت الحلال ويسعدك يارب
هيههههههههههههههه هاتطلب ايه من سما النهاردة
ليه الكأبة والحزن خليك مع الله وهو هايرفع عنك
طيب ايه رائيك فى صنيه الصيادية
اعتزازى وتقديرى


كاتب الرد: رمانه الميزان
الرد فى: 06/02/2010 09:15:20
الرسالة:

صباح الخير ياسما صباح الهنا والسعادة يارب
هاتطبخيلنا ايه النهاردة
مشتاقة لاكلاتك الجميلة
صباح الصداقة الحلوة ياسما


كاتب الرد: محمد1982
الرد فى: 06/02/2010 09:18:13
الرسالة:


صباحك جميل يا رمانه

ويا رب يتقبل منك جميع الدعوات

طيب كويس انك اختارتي الصياديه

ونشوف سما هتعملها ازاي

صباحكم ورد بس لونه اصفر


كاتب الرد: رمانه الميزان
الرد فى: 06/02/2010 09:22:43
الرسالة:

اشمعنى الورد الاصفر
الون الاصفر دليل على الغيرة
على العموم صباح الفل والياسمين
تحياتى يامحمد


كاتب الرد: سما القاهره
الرد فى: 06/02/2010 19:16:45
الرسالة:

ازيكم يا جماعه معلش في ظروف غصب عني مقدرتش ادخل النهارده


لاني للساعه 4 وانا بعمل اكلات في المنتدي فصحيت متاخر

وبما ان محمد مكتئب فهو الي حيعمل الصياديه النهارده

هو حينزل كالعاده يجيب الطلبات السمك والطماطم

والخضره والفلفل الشطه بص يا محمد حتيجب الحاجات دي بالظبط


معايا :


نصف كيلو سمك فيلية
-نصف كيلو طماطم(عصير)
-4فلفل حار
-3بصلات وسط
-كسبرة خضراء
-كرات افرنجى
-كرفس افرنجى
-عصير ليمون
-ثوم

عمل سمك صيادية



محمد يتبل السمك الفيلية بالملح والفلفل,

و توضع طاسة على النار وبها الزيت ويقلى فيها السمك, يقطع البصل والفلفل على شكل شرائح ,ويقطع ايضا الكرفس والكسبرة والثوم ويتم تحميرهم فى الزيت,وبعد ان تتم عملية التحمير يصب عليهم عصير الطماطم وعصير الليمون ويضاف اليهم الملح والفلفل ويقلب جيدا ,وبعد ذلك يوضع السمك الفيلية ثم يوضع فى الفرن حتى يتحول لونة الى الذهبى

ارز صياديه :



4 كوب ارز مصرى
2 كوب عصير طماطم
2 كوب ماء
2 ملعقة صلصة
1 ملعقة صغيرة قرفة
ملح و فلفل حسب الرغبة
1 ملعقة صغيرة ثوم مفرى
1 بصلة مفرية
5 ملاعق كبيرة زيت

انا بقي حعمل الرز علشان مش يبوظ منه ويعجن
حله ونضع الزيت والبصل ويشوح الخليط ثم نضع عصير الطماطم والماء والتوابل والصلصة وعندما يغلى الخليط نضع الارز الذى سبق غسلة وتصفيتة ويترك الاناء على نار هادئة لمدة 30 دقيقة ويقدم مع السمك .


كاتب الرد: سما القاهره
الرد فى: 07/02/2010 11:20:15
الرسالة:

صباح الفل محمد عايز تاكل ايه بقي النهارده ؟


كاتب الرد: محمد1982
الرد فى: 07/02/2010 11:29:38
الرسالة:


يا صباح الجمال علي عيونك يا سما

شوفي بقا يا باشا

انا نفسي اليوم راحت علي المسقعه

ظبطيها بقا يا جميل عشان اليوم انا اللي مش هعملها هقعد كده اوصفها وهو ينفذ ههههههه


كاتب الرد: سما القاهره
الرد فى: 07/02/2010 12:42:06
الرسالة:

هههههههههه

حاضر يا محمد من عيوني


بص يا سيدي احنا دايما بنعمل المسقعه باللحمه المفررومه

انا حجربها بقي بقطع لحمه مقطعه صغير مكعبات

حتبقي تجنن لو مش عايزها كده يبقي

تعمل اللحمه المفرومه بنفس الطريقه اوك

2 فلفلايه رومى متوسطه او واحده كبيره
4 بطاطس متوسطه او كبيره (على حسب الرغبه)
2 بصله (واحده مفرومه وواحده شرايح)
1طماطمايه كبيره ,, عصير 2 طماطم
3فصوص ثوم
بهارات (بهارات مشكله, فلفل اسود, كمون, مكعب ماجى,ملح,1 حبهان(هيل)

لحمه مسلوقه طبعا
شوفوا بقى الخطوات وهتعرفوها ...........

اولا: حمرت الباذنجان

والبطاطس وجزء من الفلفل الرومى

نيجى للحمه تكون مسلوقه نص سوا


نكون حمرنا البصل للون البيج مش الدهبى كل لون بيعمل نكهه مختلفه


نحط عصير 2 طماطم ..


وبعد ماخلصناها نجيب الصينيه ونحط شويه سمن او زيت

ونفرد البصل الشرايح والطماطم

و نص مقدار البطاطس

ونصف مقدار الباذنجان وعليه الفلفل المحمر

وتلات تربع اللحمه


ورصيت تانى باقى كميه البطاطس فوقه
والباذنجان والفلفل الرومى (مش محمر) بحبه بيدى نكهه جميييله قوى غير المحمر


وعصير الطماطم (حوالى 4 طماطم وعليهم البهارات كلها مع حبه الهيل ومكعب الماجى والثووم )
وبعدين نكون سخنا الفرن ونحطها ...............وطبعا تتابعيها ولو عندك شوربه ولقيتيها نشفت قوى حط كبشه زوئننه خاالص

ويارب تعجبك وتعجب حبايب سما

*


كاتب الرد: غاليه
الرد فى: 07/02/2010 13:20:27
الرسالة:


من يومك يا انت وانت كده


وحاسب لتبقى كده


صح يا بنات


كاتب الرد: سما القاهره
الرد فى: 07/02/2010 16:40:10
الرسالة:

والله يا اوختي كلهم كده

هههههههههههه


كاتب الرد: محمد1982
الرد فى: 07/02/2010 17:49:02
الرسالة:


اهو عجبك كده ولا هلحق اعمل مسقعه ولا هعمل حتي فول

شكلي هقضيها اكل بره

يلا اشوف فيكي يوم يا غاليه

سما اجلي الاكله لبكره
لسه في الشغل لحد دلوقتي


كاتب الرد: سما القاهره
الرد فى: 07/02/2010 19:52:17
الرسالة:

ربنا معاك يا محمد

اكل العيش مر


ههههههههههه


انصحك تاكل بسكوت


كاتب الرد: سما القاهره
الرد فى: 08/02/2010 10:07:24
الرسالة:

صبـــــــــــــــاح الفــــــــــــــــــــــــل


النهارده حعمل حاجه سريعه

البيض بالبسطرمه



طبعا الحاجات متوفره ومش حتاخد اكتر من 5 دقايق


بيض
بسطرمة (بس تكون متأكد من مصدرها)
سمنة بلدي
عيش شامي طازة


الطريقة اللولبية اللهلوبة:

اولا نسخن الطاسة بعد ان نضع عليها ملعقة سمن بلدي و اكرر سمن بلدي و ليس زيت
بعد ان تسخن الطاسة نوديها للدكتور ههههههههههه
بعد اما تسخن نقطع البسطرمة الي قطع قليلة و ندعها قليلا
((بعض الناس يتركونها حتي تتحمص مثلي و البعض الاخر يتركونها حتي يغمق لونها)
بعد ذلك نقوم بكسر البيض و نضعه علي البسطرمة و نقلبه جيدا
حتي تخطلط نكهات البيض مع البسطرمة
بعد ان ينضج المزيج نضعه في داخل عيش شامي لسا مأمرينه في الفرن
بعد ذلك نقوم بلف العيش حتي نقوم بعمل الرولز بيض بالبسطرمة
تأكل ساخنة


ملحوظة : : : :
بعض الناس تحب اكل البسطرمة وهية نيةزي واحد صاحبنا


و دي حاجة مش صحية لأن بيبقي عليهافي معظم الاوقات

ميكروبات فيجب ان نطهيها

جيدا حتي تموت و يجب ايضا التاكد من مصدر و جودة و نوع البسطرمة



كاتب الرد: غاليه
الرد فى: 09/02/2010 08:31:42
الرسالة:



ان شاء الله ما نعدمك يا سما القاهره
يا قمررررررررر
صباحك فل


كاتب الرد: سما القاهره
الرد فى: 09/02/2010 11:02:07
الرسالة:

صباح الفل علي حبايبي وحبايب الكل

حعمل حاجه بحبها اوي فراخ بالبطاطس


ويارب يا محمد تكون بخير وهانت الحميس بعد يومين


وصباحك فل يا غاليتي

بعد تنضيف الفرخه كويس بالملح والخل والدقيق


وتقطيعها كويس نجهز الطلبات بقي ال يحيجبها محمد مراسيل

بص بقي تجيب بطاطس 2 كيلو وطماطم كيلو وصلصه ومرقه دجاج

والتوابل طبعا وبقدونس ورز


الفرخه المقطعه نبشر البصله عليها ونتبلهاونتركها 12 ساعه


في التلاجه وبعدين نضعها علي النار وفصين توم وشطه وفلفل اخضر


وطماطم نص كوب ونتركها علي نار هادئه


بعد ربع ساعه

نضعها عليها البطاطس المقطع و2 ملعقه زيت


والطماطم و بصله مقطعه شرايحو مكعب مرقه الدجاج


ونتركها في 4 كوب ماء حتي تنضج

وبعدين نضعها في صينيه وفي الفرن حتي يحمر الوجه

وبالف هنا وشفا


كاتب الرد: محمد1982
الرد فى: 10/02/2010 08:52:03
الرسالة:

يا صباح الجمال

يا صباح الريحه الرايقه

يا صباح الخير علي الناس النعسانه


هيييييييييييه بكره وخلاص هااااااااانت

يا رب عدي اليوم ده بسرعه يا رب

مكرونه اه بتوحم انا علي مكرونه ولا تقوليلي بالمشاميل ولا اي حاجه

انا عاوز مكرونه وخلاص


هههههههه

يلا اشوفك بعد الشغل


كاتب الرد: سما القاهره
الرد فى: 10/02/2010 09:15:08
الرسالة:

صبــــــــــــــــــــــاح الفـــــــــــــــــــــل

اخبار ك محمد يا رب تكون بخير


مكروبه بس ؟

يعني ولا بالطماطم ولا باللحمه المفرومه ولا الصلصه البيضه !!!!!!!!


تتاكل ازاي دي؟

دي بقي سهله خالص ؟

استني بس اغسل وشي وافوقلك


كاتب الرد: سما القاهره
الرد فى: 10/02/2010 10:13:47
الرسالة:

المكرونه


نحط ميه علي النار 9 كوبات ميه في حله


نحط ملح في الميه ولما تغلي نحط كسيسين المكرونه

بعد فتح الكيسين طبعا

الا محمد يقلي مقلتيش ويحطها بالكيس

عارفاه مستعجل اوي


واول ما تستوي يعني بعد تلت ساعه كده

تبقي جاهزه ونصفيها في المصفي


وكده طريقه سلق المكرونه يا محمد بس

اي خدمه وربنا يريحك زي ما ريحتني


بكره بقي عايزه طلب خفيف ماشي


كاتب الرد: سما القاهره
الرد فى: 10/02/2010 11:17:09
الرسالة:

باركولي وهنوني اولادي الاتنين نجحوا بامتياز

الحمد لله في الترم الاول

هم في ابتدائي بس انا فرحانه اووووي ان الترم ده عدي بخير


وعقبال عندكوا يارب



كاتب الرد: رونى المصرى
الرد فى: 10/02/2010 17:45:21
الرسالة:

===={موضوع مميز الى الامام }======


كاتب الرد: رمانه الميزان
الرد فى: 11/02/2010 11:02:27
الرسالة:

[center]اختى الغاليه سما
اسمحلى يامحمد ابعث من خلال موضوعك احلى تهنئه لاحلى سما بنجاح اولادها
ملايين مبروك لنجاح اولادك ياسما وعقبال الترم الثانى وعقبال الجامعه يارب

[/center]


كاتب الرد: snoow white
الرد فى: 11/02/2010 18:24:35
الرسالة:

ههههههههههه مبروك يا سمسمه ع النجاح

وحاسبي احسن ميدو ياكل دراعك وانتي واقفه


كاتب الرد: سما القاهره
الرد فى: 12/02/2010 10:49:11
الرسالة:

الله يبارك فيكوا رومانه وسنو وايت


ربنا يخليكوا ليا يا رب

وصباح الفل يا كتكت منك ليها


كاتب الرد: سما القاهره
الرد فى: 12/02/2010 10:56:32
الرسالة:

صباح الفل


علي حبايبي وحبايب الكل

النهارده الجمعه والواحد صاحي متاخر نفطر ايه يا تري ؟


رز بلبن ايه رايكوا ؟



يلا الي المطبخ جوووووووووووووو


المكونات:

كوب رز مصري
3 أكواب لبن (حليب)
1 كوب كريمة
3 ونصف ملعقة كبيرة نشا
رشة فانيليا
6 أكواب ماء
2 كوب سكر
مكسرات


الطريقة


نأخذ كمية من اللبن لكي نذوب النشا .
يوضع الرز مع الماء على نار عالية إلى أن يغلي الماء ثم نوطي النار. .
نتركه 30 دقيقة على نار هادئة. .
نضيف اللبن والكريمة والسكر والفانيليا ونقلب. .
بعد ذلك نضيف النشا المذاب ونقلب إلى أن يغلي. .
نصب في الاطباق وتوضع المكسرات علي الوجه وبالهناء والشفاء. .


كاتب الرد: علاء الامبراطور
الرد فى: 14/02/2010 19:00:45
الرسالة:


مساااااااااااء الورد والفل والياسمين يا سما يا عسل

معلش غبت عن المطبخ شويه يا سما

طيب يا سما انا عايز ملوخيه بس تكون على مرقه دجاج

وكمان طبق رز وعليه شويه صلصه بس خلى بالك الرز بعد ما

يستوى تستنى عليه شويه وتهويه علشان ما يعجنش اوك

وكمان متنسيش السلاطات جنبها

بس بسرعه علشان اخوكى جعان قووووووووووووى

تسلمى اختى سما


كاتب الرد: سما القاهره
الرد فى: 15/02/2010 10:51:35
الرسالة:


صباح الفل علاء الامبراطور


ملوخيه علي مرقه دجاج



المقادير:

نصف كيلو ملوخية
2/1 2كوب شوربة دجاج
ملح وفلفل

2ملعقة زبدة اْو سمنة
4فص توم
1ملعقة صغيرة كزبرة ناشفة

التحضير:

1ـتقطف اْوراق الملوخية وتغسل وتوضع على قطعة قماش لتجف.
2ـثم تخرط اْو تفرم حتى تصبح ناعمة.


الطبخ:

1ـتوضع الشوربة على نار متوسطة حتى تبداْ فى الغليان ثم تضاف لها الملوخية وتخفف الحرارة.
2ـتقلب الملوخية إلى اْن تبداْ فى الغليان ثم ترفع من على النار.
فى هذه الاْثناء يضاف الكزبرة والتوم وتدق فى الهاون حتى يصبح الخليط ناعماااا
3ـتسخن السمن على النار ونضع عليها التوم حتى يصير ذهبى اللون وتضاف التقلية على الملوخية وهى ساخنة.

الصلصه الحاره:

المقادير: كيلو طماطم ناضجة، بصلة كبيرة، قليل من الملح والشطة، ملعقة صغيرة فلفل أسمر، كوب خل، 5 فصوص ثوم، 3 قرون قرنفل، ملعقة كبيرة سكر.

طريقة الاعداد: تغسل حبات الطماطم جيدا ويزال منها الأجزاء غير المرغوب فيه، ثم تعصر وتصفى في مصفاة.

يخلط عصير الطماطم بالبصل والثوم الناعم على نار هادئة، حتى يتكون مزيج غليظ ثم يصفى الخليط بوساطة منخل.

يغلى الخل مع البهارات لمدة 10 دقائق ثم يضاف إلى خليط الطماطم بالبهارات مع ، ثم يرفع على النار حتى يغلظ.


الرز :

يغسل2 كوب الرز ويوضع في حله بها سمنه بلدي وملعقتين

زيت واول ما يصبح لونه دهبي يضاف4 كوب اليه مرقه الدجاج واول ما يغلي


نهدي النار جدااا حتي يتشرب ويستوي وبهذه الطريقه يصير رز مفلفل

اي كل حبه جنب اختها

وبالهنا والشفاااااااا


كاتب الرد: سما القاهره
الرد فى: 20/02/2010 08:44:12
الرسالة:


يا صباح الفل


النهارده حنفطر


بليله


طبق شهي وبسيط ومغذي


ننقع 2 كوب قمح لمده 6 ساعات

نصفي القمح نغلي 5 كوب ماء في الدماسه (الي بندمس فيها الفول )


ونضع القمح وحين يغلي القمح نضعها علي سخان الكهربا

وبعد 7 ساعات تستوي البليله يراعي الماء حتي لا يقل


نغلي لبن ونضع السكر عليه بالمقدار الذي نحبه

وبعد ذلك نضع البليله ويا سلام لو سمنه بلدي او زبده


تبقي طعمها يجنن

ومكسرات او جوز هند او قرفه علي وجه الطبق


ودي طريقه اخري :

المقادير


لبن + قشده

3 عبوة فانيليا

3/4 كوب سكر

2 1/2 لتر ماء

2 كوب قمح

طريقة الطهى

ينقى القمح ويغسل عدة مرات فى طبق عميق لإزالة كل الشوائب.
يملأ إناء كبير وعميق بالماء و يوضع على النار حتى الغليان. يضاف القمح المغسول ويترك ليغلي.
تخفض النار لأقل درجة ويترك القمح لمدة حوالى ساعتين حتى تتفتح الحبات ويغلظ القوام مع التقليب من حين لأخر حتى لا يلتصق القمح بقاع الإناء.
تضاف الفانيليا والسكر إلى القمح ويترك على نار هادئة مع التقليب حتى الغليان..
للتقديم, يضاف اللبن إلى كمية البليلة المرغوب تقدمها, ويسخن خليط البليلة واللبن على النار وتقدم ساخنة. يمكن إضافة قليل من القرفة أو المكسرات إلى الطبق


والف هنا وشفا


كاتب الرد: محمد1982
الرد فى: 20/02/2010 09:57:06
الرسالة:

يا صباح الجمال

يا صباح البليله السخنه

ايه استعنا بالشقا باله

ايوه كده ايه الحاجات الجامده دي تغيييير جميل

ونبدا من النهارده يا باشا


كاتب الرد: سما القاهره
الرد فى: 21/02/2010 08:49:51
الرسالة:



يا مرحب بالغالي منور والله


تشرب شاي بلبن ولا لبن لا شاي بس


كاتب الرد: محمد1982
الرد فى: 21/02/2010 09:06:54
الرسالة:


هههههههههههه

شربت الشاي باللبن يا سما

صباااااح كله حليب صافي يا ست الكل

بقولك في عندي بسله بقالها عشر ايام في الكيس مش عارف اجي جنبها لانها بتغلبني في سليقها ههههههه

بعدي عنك ناشفه قوي وبقعد عشر ساعات تتسلق قوليلي علي طريقه حلوه وفعاله

وازيك بجاااااااااااا

وقوليلي في سلطه بالجبنه البيضه وطحينه وكده مره اكلتها ونفسي اعملها

يلا عاوز شغل من نااااااااار

وسلميلي علي الاولاد كتيييييييييير


كاتب الرد: سما القاهره
الرد فى: 21/02/2010 09:13:58
الرسالة:

ههههههههههه

محمد هو مديرك فين؟


كاتب الرد: محمد1982
الرد فى: 21/02/2010 09:17:45
الرسالة:

والله قاعد قدامي بس مشغول في البقسماط
هههههههههه

جبتله لب كمان عشان يحل عني هههههههههههه

ليه ها ليه


كاتب الرد: سما القاهره
الرد فى: 21/02/2010 09:24:02
الرسالة:

علشان راجع نفسك مفتوحه اوووووي علي الاكل

انت بتعوض ايام غيابك


كاتب الرد: محمد1982
الرد فى: 21/02/2010 09:35:23
الرسالة:

هههههههههههه

اه والله كنت الاول مكنش ليا نفس لاي حاجه وكنت باكل طقه واحده بس

دلوقتي بقا حاسس ان انا عاوز وارجع تاني لاني بقيت خاسس خاااااالص

لو شوفتيني هتلاقيني معضم

يلا عاوزك تظبطيني وهو مشغول لسه باللب


كاتب الرد: سما القاهره
الرد فى: 21/02/2010 10:38:43
الرسالة:

بسله وفي كيس وعشر ايام

دي تروح ترميها لو خضرا

اما لو ناشفه ؟

قلتلتك اي بقوليات تنقعها 10 ساعات وبعدين تسلقها

حتستوي في ساعه زمن ان شاء الله


سلطه بالجبنه البيضه والطحينه


نضع الطحينه في وعاء عميق
ونضيف لها الليمون بالتدريج مع الخفق بالمعلقة
ثم نضيف الملح والماء والخل التحريك المستمر
ثم نقطع الطماطم و الخيارونضع قليل كمون مطحون
على شكل شير (بشكل طولي)

ونضع جبنه بيضا


ونضيفة على المزيج

ثم نزينه بالبقدونس


كاتب الرد: محمد1982
الرد فى: 22/02/2010 09:14:33
الرسالة:


تصدقي بالله رمتها امبارح ام البسله دي

بس صلطه الجبنه بجد رووووووعه

بقولك ايه انا واخد يوم الخميس اجازه من اوله من هنا لحد اليوم ده عاوزك تجمعي كل خبراااات المطبخ في اليوم ده

ومن هلا كلها نواشف
يعني بتنجان وفول وعدس يلا يا باشا

عاوزين اكلات شعبيه من دلوقتي


كاتب الرد: سما القاهره
الرد فى: 22/02/2010 09:32:34
الرسالة:

هههههههههه

الله علي نواشفك يا محمد بيه


بقي بتنجان وفول نواشف قوم من المطبخ كده لاعورك


افتكر حتقول مكرونه بالباشميل


كفته ملوخيه بالارانب

ناس واخده علي الارديحي يا بتاع البقوليات

لا يا سيدي انا حعملك طبق فول معتبر للفطار والغدا سيبني امخمخ


كاتب الرد: محمد1982
الرد فى: 22/02/2010 09:38:29
الرسالة:

ههههههههههههه

هو النواشف مش بتنجان

هههههههههه طيب يبقي اطلع منه احسن

يوم الخميس هيبقي وحياتك محشي

يلا مخمخي يا ست الكل ومنجلكيش في النواشف
ههههههههه


كاتب الرد: سما القاهره
الرد فى: 22/02/2010 10:05:28
الرسالة:


الفول المتين

انا بحب ادمس الفول في البيت طبعا

بحطله في التدميس عدس اصفر وجزر مبشورو عصير طماطم ولمونه معصوره


بس بقي بيطلع ايه احمر ويجننن


نقوم ايه نحمر تومه ومعاها فلفل اخضر في زبده او سمنه بلدي او زيت

وبعدين نحط الفول بقيوالملح والكمون ونغرف وناكل


ومتديش الي جنبك بقي


كاتب الرد: محمد1982
الرد فى: 23/02/2010 08:41:26
الرسالة:


يا فوووووووولك المتين يا سما باشا

بردو النهارده نواشف

يلا عاوزين فول بطريقه تانيه انا هزرع فووول لحد يوم الهنا يوم الفرح يوم ولا كل الايام


كاتب الرد: سما القاهره
الرد فى: 23/02/2010 09:52:10
الرسالة:


كل يوم فول انا زوهقت يا عمونا

انا شاكه اصلا انك في الكويت

ولا انت بتوفر

يا نهار ده الناس الي معاك كتر خيرهم


بقوليات لما جبتلهم انتفاخ

طيب بقي انا حطبخلك

الاطباق الارديحي من غير زفر لو عايز تزفرها حطلها مرقه لحمه


بصــــــــــــــــــــــاره

مهي بالفول المدشوش برضوا

بس علي فكره فيناس بتعملها بالحمص زي الطعميه في ناس بتعملها بالفول


وناس بتعملها بالحمص والعدس


المقادير

1/2كيلو فول مجروش-حزمه كسبره-1/2 حزمه شبت- 1 ملعقه نعناع جاف 1 ثمره فلفل حامي- ا بصله- 4 فصوص توم-كمون

الطريقه

· تقطع الخضروات تقطيع مناسب( البصل والثوم والفلفل)
· في اناء علي النار اضع الفول المدشوش او المجروش مع البصل والتوم والخضروات وكميه مناسبه من الماء (لا ازيد كميه الماء ازود حسب الطلب)مع اضافه الملح والكمون
· احضر بصله كبيره وادعكها بالدقيق (حتي لاتحترق وتصبح مقرمشه) واحمرها في من 2 الي 3 ملاعق زيت
· احضر مصفاه سلك اصفي زيت البصله بعد التحمير فوق اناء البصاره
· بعد تمام نضج البصاره توضع في الخلاط وتخفق مع وضع فوطه ساخنه فوق الخلاط حتي لا يتطاير السائل الساخن ليحرق الايد
· تصب البصاره في طبق التقديم وتزين بالبصل المحمر
· يمكن تصفيه البصاره بعد خلطها في الخلاط


بالف هنا بس متعملش حسابي معاك انا حاكل فراخ النهارده


كاتب الرد: محمد1982
الرد فى: 23/02/2010 10:46:00
الرسالة:

ههههههههههههههه

الله الله انتي مش عاجبك الفول يعني مش هو ده سبب لقب الشيف ولا احب افكرك ههههههههه

ده عليا جمايل كتير ولو علي التوفير يبقي اجيب فراخ احسن علي فكره هههههههههه

متعرفيش ان الفول هنا شاحح قد ايه والفراخ ارخص منه

بس قوليلي الانتفاخ اخباره ايه معاكي


كاتب الرد: سما القاهره
الرد فى: 23/02/2010 11:30:03
الرسالة:


هههههههه

لا الحمد لله انا تمام


بس القولون العصبي شغال تمام

عندي امتحان النهارده

والانجلش طفح ربنا يستر


حاسه اني رجعت لايام ثانوي وحابه دور التلميذه


اووووووووووووووي

ادعولي


كاتب الرد: محمد1982
الرد فى: 23/02/2010 11:45:56
الرسالة:

ربنا يوفقك وان شاء الله ترجعي مجبوره الخاطر

ده دعا جدتي لما كنت بمتحن وزي ما انتي شايفه ببقا راجع مكسور في رجلي

بس شوفي بقا لما محمد بيدعيلك يييييييه ربنا هيكرمك علي الاخر


كاتب الرد: سما القاهره
الرد فى: 24/02/2010 08:44:01
الرسالة:

صباح الفل علي اجمل منتدي

اجمل اعضاء اجمل زوار اجمل اصدقاء

حبايبي اخواتي اخواني


انا فرحانه فرحانه اووووووووي


اخيرا الدنيا ضحكت ليا


باين


حتطرح ورد يا محمد

وشك حلو عليا


طبعا الحمد لله امتحنت كويس وشرفتكوا


بس الاحلي في خبر حلو لو تم

حاجي احتفل هنا

ادعولي يارب يتم يارب


ويعمل الي فيه الخير يارب

ادعووووووووووووووولي ....................


كاتب الرد: محمد1982
الرد فى: 24/02/2010 13:06:08
الرسالة:


ههههههههههههه

ربنا ان شاء الله يتمم فرحتك علي خير

وبجد كلامك فرحني كتير واتمني ان يكون وشي حلو عليكي علي طول

مش ايام وايام

جايب النهارده ارنبيط علي فكره

ووصيته عشان يجيلي معمول جاهز بس لربما ياتي من غير حاجه

ممكن تعملهولي عشان ادعيلك تاني بدعاء جدتي

واقول يا رب يا سما تبقي مجبوره الخاطر علي طول


كاتب الرد: سما القاهره
الرد فى: 25/02/2010 09:12:31
الرسالة:

الخـــــــــــــــــــمـــــــــــــــــــــــــــــــــــــيــــــــــــــــــــــــس


احلي يوم النهارده

الجو جميل اووووووووي


بقيت احب الخميس زيك يا ميدوووووووو

النهارده حتتحقق امنية حياتي


يارب تتم

ادعوـــــــــــــــــــــــــــــــلي


القرنبيط علشان اجمل محمد في الكويت

القرنبيـــــــــــــــــــــــــــــــــــط


اسهل حاجه بتتعمل في نص ساعه


المقادير :

- زهرة قرنبيط
- بيض
- دقيق
- توابل
- بقدونس
- ملح
- ثوم مفروم

الطريقة :

قطع زهور القرنبيط واسلقها في ماء ساخن نصف سواء .
حضري الخلطة وهى " 2 بيضة ، دقيق ، ملح ، توابل ، بقدونس ، ثوم مفروم " واخلطيهم جيداً ، ثم ضعي القرنبيط في الخلطة ثم اقليه في الزيت ويصفي ويقدم ويزين بالبقدونس .

بس


شوفت سهل ازاي

وبالف هنايارب



كاتب الرد: محمد1982
الرد فى: 25/02/2010 13:23:08
الرسالة:


هههههههههههههههه

يا سما الخميس بقا ليه مفعول السحر

اسالي انا مدوبهم كذا خميس
والقرنبيط طلع يجنن بجد لسه واكله دلوقتي بس مطلعش باللون اللي انتي جيباه ده

مش عارف ايه السبب

ههههههههههههه

تسلميلي يا قمر الزماااااااااااااااان


كاتب الرد: عفروتة شبيك
الرد فى: 25/02/2010 14:52:48
الرسالة:

يارب يا سمسم تتحقق لك كل أمنياتك يا رب


كاتب الرد: عفروتة شبيك
الرد فى: 25/02/2010 14:59:43
الرسالة:

سمسم بليز بكرة عايزة أكل عجة بالبسطرمة وسلطة خضرة

من ايدينك الحلوين


كاتب الرد: رمانه الميزان
الرد فى: 25/02/2010 22:31:38
الرسالة:

السلام عليكم ورحمة الله وبركاته
كل سنه وانتم طيبين بمولد نبى الهدى
ربنا يفرحك ياسما وينولك الى فى بالك ويسعد ايامك
سما ممكن اطلب منك طلب لو سمحتى
بصى بقى انا مدرسة تدبير ابتدائى
والترم ده فيه تحضير وجبات للصفوف الرابع والخامس والسادس
الصف الرابع وجبة افطار
الصف الخامس وجبة عشاء
الصف السادس وجبه غداء
لو سمحتى بليييز انصحينى فى الوجبات دى اعمل ايه بس والنبى رفقا بى
اختاريلى وجبات سهلة بسيطه
هانتظر ردك واشكرك ياسما


كاتب الرد: محمد1982
الرد فى: 26/02/2010 12:52:10
الرسالة:


عفروتة شبيك

صباح الخير بصباح كله محشي وكله ملوخيه مع انها مش بتحبني

وعقبالك كده سما بقت مدرسه قد الدنيا وربنا وفقها امبارح

كنت واقف علي ايدها لحد لحد ما خلصت الطبيخ قصدي المقابله وبقت مدرسه انجليزي مع انها محاسبه يلا الكوسه بقا

وبما اني كنت شيف سابقا هعملك انا بقا بايدي العجه دي والبسطرمه والسلطه
بس ربنا يستر


اولا لو انتي عندك البسطرمه جاهززه يبقي هتريحيني كتير اما لو عاوزه تعملي البسطرمه يبقي كده انتي عاوزه تعقديني في الطبيخ اكتر ما انا متعقد

بس ولا يهمك نحاول ونوصل لنتيجه

اولا المحتويات

عشر بيضات ويكونوا بلدي مش من مزارع

كيس صلصة -بصلة كبيرة - بقدونس - شبت -دقيق -ملح وفلفل وبهارات والتحبيش كده

اضربي البيض كله في بعض وحطيهم في طبق كبير عشان الكميه هتبقي كتير

قشري البصل وحطيهم علي البيض وبردو افرومي البقدونس والشبت والملح والفلفل كلهم يبقي في بعض كده

وهاتي بقا البسطرمه الجاهزه

وبردو احطيهم علي بعض

اللمهم يكونوا كلهم كده خلطبيته في بعض

ومتنسيش تحطيهم علي النار وادعيلي يا عفروته بجد هتاكلي ايدك وراكي بس يبقي اقلعي الخاتم احسن غالي

طبعا مستنيه صور بجد دورت كتير علي صوره مناسبه علي الطريقه بتاعتي ملقتش خااااااااالص

يلا هاتي حاجه صعبه وتعالي


ولو علي السلطه الخضرا اي سلطه والسلامه شوية طمماطم علي بصله علي بقدونس وشبت وخرطيهم في بعض هيبقو سلطه
مش مستاهله اوصفلك بالتفصيل الممل

يلا عاوزه حاجه علي الغدا ولا ده هيكبس فطار وغدا

زوووووووورونا تجدوووووووا ما يسركم



كاتب الرد: انجيلينا
الرد فى: 26/02/2010 15:30:22
الرسالة:


تسلم ايد سمسمة

و ميدو

اللي ماسدء ان في مطبخ في المنتدي

وعلي طول قاعد فيه

بس ايه عجة بالبسترمة دي

انا اعرف ان في بيض بالبسترمة

بيتزا بالبسترمة سمبوسة بسترمة

مكرونة بسترمة ايه تاني اممممممم

اه توست بسترمة عجة لوحدها ..

بس جديدة عجة بالبسترمة دي جبتيها منين يا حبيبة ؟!


كاتب الرد: سما القاهره
الرد فى: 26/02/2010 23:56:06
الرسالة:

السلام عليكم ورحمه الله وبركاته

اشكرك جدا يا محمد

واشكر ك عفروته وادعيلي علشان خاطري


اوي بكره اول يوم وقلقانه اوي


واشكر كل الي دعالي وربنا الحمد لله

استجاب منكوا وبحبكوا ليا بقيت مدرسة قد الدنيا


وصدقني مش كوسه بس ربك لما يريد


دي تزكيه من مدرس الكورس بتاعي اصلا


يعني والله مش واسطه

وبلاش نق يا محمد


انت حتتعب الايام الجيه اوي علشان تسد مكاني

بقيت ست عامله بقي

اوحوا كده يا جماحه

اما بالنسبه ليكي يا رمانه حبيبتي


الفطار خليه فول


الغدا فراخ بانيه

العشا جبنه بطماطم وبيض


واعتقد دي وجبات سهله جدا وانا قدمتها ونزلتها


بكره ان شاء الله حقلك طريقه تجنن للفراخ البانيه


كاتب الرد: عفروتة شبيك
الرد فى: 27/02/2010 08:57:01
الرسالة:

تسلم محمد يارب وتسلم ايدينك

أيوة يا ميس سمسومة بالبسترمة بس انتى منش اخدة بالك


كاتب الرد: رمانه الميزان
الرد فى: 27/02/2010 17:02:30
الرسالة:

مبروك ياسما وتهانئ القلبيه اليكى
وربنا يوفقك فى عملك الجديد
ولاتقلقى من اول يوم وان شاء الله ربنا هايفتح عليكى ويمدك بعونه وفضله
واديكى بقيتى زميلتى اهلا بكى فى فريق التدريس
واشكرك على الوجبات الى اقترحتيها عليا انا عارفاها لكن كنت عاوزة اقدم للتلاميذ وجبات مختلفه تزيد من اهتمامهم ويحبونها
طيب ايه رائيك فى البطاطس المسلوقه مع الشبت والبقدونس والفلفل الاخضر والطماطم
تحياتى اليكى واعتزازى بكى


كاتب الرد: رمانه الميزان
الرد فى: 28/02/2010 07:40:44
الرسالة:

صباح السعادة والهنا ياسما
اول يوم عمل ربنا يوفقك
هذه باقه ورد اقدمها اليكى فى اول يوم لكى تحياتى



كاتب الرد: سما القاهره
الرد فى: 28/02/2010 09:37:53
الرسالة:

صباح الفل

علي احبابي واصحابي

ِ
الحمد لله الذي لايحمد علي مكروه سواه


لم يكن لي نصيب في هذا العمل


والحمد لله علي كل حال


ونرجع ونقول هلا بيكوا

وبرمانه حبيبه قلبي الي منوراني


ومحمد وحبيبه وكل الي بيشوفوا مطبخ سما

ومن عيوني بوب حعملك عجه بالبسطرمه


عجة بالبسطرمة

5 حبات بطاطس مسلوقه _2طماطم _1بصل _ثوم_ 2فلفل اخضر كله مبشور

ربع بسطرمه مقطعه قطع ونصف كوب دقيق و1بيض وبقسماط او فيجتار
وكاري

الطريقه

نضع المكونات علي بعض ونحمرها علي شكل دواير مثل الطعميه

في زيت غزير .


في طريقه اخري


بيض_بسطرمه طماطم فلفل اخضر قليل من الدقيق

ونحمرها علي شكل قرص .
وتقدم ساخنه وانا حجربها واقلك الطعم يا بوب


كاتب الرد: محمد1982
الرد فى: 28/02/2010 10:33:43
الرسالة:

لا اله الا الله

قدر الله ما شاء فعل

يمكن يكون خير ليكي

معلش يا سمسم متزعليش نفسك


كاتب الرد: سما القاهره
الرد فى: 28/02/2010 12:31:18
الرسالة:


لااله الا الله محمد رسول الله

عادي الحمد لله طبعا

ربنا مش بيعمل حاجه وحشه

انا اكيد لو كنت اشتغلت كنت حسيب المراقبه

وكنت حبعد عنكوا

بس ربنا عايز ده .

علي راي متعب احنا حنموت هنا .


كاتب الرد: رمانه الميزان
الرد فى: 28/02/2010 16:52:06
الرسالة:

السلام عليكم ورحمة الله وبركاته
الخيرة فيما اختارها الله ياسما
ربنا يفتح عليكى ابواب الرزق الحلال ويسعد ايامك

متزعليش وبرده بديكى بوكيه الورد بتاع الصبح تانى
تحيه منى اليكى شكرا لكى لمواضيعك الجميلة ونشاطك فى صفحة المطبخ
نشاط جميل تسلمى عليه
اعتزازى وتقديرى اليكى


كاتب الرد: سما القاهره
الرد فى: 28/02/2010 23:44:13
الرسالة:

رمانة الميزان

ياقمر الزمان


ربنا يخليكي ليا يارب وشعورك

وصلني وحاسه انك زعلانه علشاني


بس صدقيني انا الحمد لله

كويسه دلوقتي وبطمنك علياوبوعدك


اني ححاول اقدم كل الي اقدر عليه علشان اسعدكوا


بحبك اوي اوي اوي


والاكلات مش هي الي بتقرب من التلاميذ وتحببهم في التدبير اسلوب


المدرسة وحبها لمادتها هي الي بتحبب التلاميذ في الحصه ويبقوا مستنين


الحصة بفارغ صبر حاولي تتقربي منهم وتخلقي روح مرح وتعاون وحب في الحصه


ده الي حيببهم في حصتك مع تمنياتي بالنجاح والسعاده طول العمر

مع حبي سما


كاتب الرد: رمانه الميزان
الرد فى: 01/03/2010 19:55:31
الرسالة:

اختى سما
اشكرك يااختاه على ردك الجميل
فعلا يااختى التلاميذ مش بيحبوا الماده من الاكل بس
لكنى كنت بفكر فى تحضير اكلات جديده لهم ففكرت ان اسألك
لكى شكرى يااختاه واعتزازى وتقديرى وشعورك اقدره جدا ولايفرق عن شعورى نحيتك بانك اخت لى
بصى بقى انا عاوزة اعرف ماهى اكلة كشك الماظ
وياريت تنزلى لي مكوناتها وكيف تنفذ
اشكرك


كاتب الرد: غاليه
الرد فى: 01/03/2010 23:26:13
الرسالة:


هما لسا مغلبينك بالطبخ ولا ايه؟
خلاص حاجي اساعدك انا

بصي انا اعمل كله الا الحلويات
باكلها بس



سما القاهره الطباخه الماهره
صاحبة الماكولات الفاخره
لو عرفتي تعمليلي الطبق ده
تبقي فعلا شااااااااطره

طبق الفار بالخيار
سمعتي عنه شي نهار؟
عاوزاه مع شطه تولع ناااار

وطبق الارز بالصورصار

اول ما تخلصي رنيلي عالموبايل

نمرتي خمس خمسات وتلات اصفار


كاتب الرد: سما القاهره
الرد فى: 02/03/2010 00:12:33
الرسالة:

هههههههههههههه

يا حبيبتي بس كده


من افخم سوبر بلاعه حنقي الصورصار


واكيد الفار ال وبتساعدني ال


تعالي يا رمانه لما اقلك الكشك بيتعمل ازاي اسهل


كشك الماظ


المقادير
4 ملاعق أرز مصري منقى ومغسول ومسلوق
كوب حليب
كوب شوربة (مرقة)
4 ملاعق دقيق
بصل محمر
ملح


الطريقة
يضاف الأرز المسلوق من قبل إلى باقي المقادير، ما عدا البصل المحمر الذي يضاف فيما بعد، وترفع على نار هادئة حتى يغلظ القوام. .
تصب في طبق ويوضع عليها البصل المحمر وهنا البصل المحمر في السمن ليس للتجميل هو من أساسيات الطبق. .
تقدم دافئة يقدم بجانبها لحم أودجاج.


كاتب الرد: غاليه
الرد فى: 02/03/2010 08:20:23
الرسالة:


خلاص خلاص خلاص خلاص
بلاش منه الصورصار
تعالي اعزمك عالفطار

بصي نعمل لنفسينا كوبايتين شاي بالنعناع
وممكن اوي الميرميه كمان
ونجيب كده شوية مناقيش بالزعتر
ولبنه عشان نفطر


احلى فطور..الزعتر وكرات اللبنة... لذيذ ومشهي

المقادير:
باقتا زعتر طازجة
200 غرام كرات لبنة مغموسة في الزعتر اليابس
100 غرام زيتون اخضر خال من النوى
2-3 ملاعق طعام زعتر طازج مفروم
1-2 رأس فلفل احمر حار مفروم ناعم
نصف كوب زيت زيتون

طريقة التحضير:
1. تغسل أوراق الزعتر ثم تصفى وتجفف بمحارم المطبخ.
2. تغمس كرات اللبنة في الزعتر اليابس.
3. تخلط كرات اللبنة مع الزيتون الأخضر المقطع والخالي من النوى، وأوراق الزعتر الطازجة المفرومة، والفلفل الاحمر الحار وزيت الزيتون في وعاء.
4. تسكب السلطة في طبق التقديم وتزين بالمزيد من أوراق الزعتر وتقدم بمثابة نوع لذيذ من المقبلات



كاتب الرد: محمد1982
الرد فى: 02/03/2010 09:01:51
الرسالة:

صـبـــــــــــــــــــــاح الخيــــــــــــــــــــــــــــــــر

مش قادر افتح عيني افتح علي صراصير وفيران يا غاليه

اقولك ايه بس

صباح الخير سما باشا

صباح الخير استاذتنا رمانه الميزان

وحشتوني كلكم والله اللمه دي جميله علي الصبح كده والواحد متفائل خير كتيييييييير


كاتب الرد: سما القاهره
الرد فى: 02/03/2010 09:12:31
الرسالة:


صباح الفل


محمد غاليه منورين

رمانة يا قمر


وانا كمان يا محمد اتمني يكون النهارده جي وجايب الخير معاه


املنا في يوم سعيد جميل

صباح الياسمين

يا صباح التفاؤل والحب والعمل والاصرار


كاتب الرد: غاليه
الرد فى: 02/03/2010 13:00:55
الرسالة:

يا ابني ما انا صكيت عالصراصير وجبتلكم مناقيش ولبنه
دي مشفتهاش يعني
ولا اقلك مش معمول حسابك
دي ليا انا وسما
يلا كمل نوم عشان يقفشك المدير


كاتب الرد: سما القاهره
الرد فى: 02/03/2010 13:27:40
الرسالة:

لكن قلنا صحيح يا ميدو انت مش قادر تفتح عنيك علشان

الصراصير ولا كنت في فرح من ورايا


وانتي يا غاليه ايه حبك فجأه للصراصير والفيران


ميولك بقت غريبه اليومين دول


الله يرحم طيور الزينهوالرقه والحنيه


كاتب الرد: رمانه الميزان
الرد فى: 02/03/2010 16:58:39
الرسالة:

انتوا صبحتوا
انا امسى بقى
اسعد مساء على احلى اصدقاء
يارب يسعد مساكوا
وكم احب مساء الياسمين لانه اسم غالى عليا
شكرا ياسما على الكشك لكنى اعتقد كده انى مش هاعملوا فى يوم من الايام هو حلو ياسما وطعمه لذيذ ابقى قوليلى
فطار غالية الثانى الثانى اه مش الاول فطار حلو قوى ابقى ابعتيلى طبق ياغاليه
انا استاذتك يامحمد امال سما بتعمل ايه
يالا هاتطلب ايه من سما تعملهولك ولااكتفيت بفطار غاليه
الله يسامحك ياغاليه صديتى نفسه
بحب صداقتكوا اوى حبى واعتزازى


كاتب الرد: غاليه
الرد فى: 02/03/2010 19:45:46
الرسالة:



مساء الخير يا رمانه الميزان يا قمررررررر
خلاص كل يوم فطارك من فلسطين
حجيبلك اجمل فطار من المزرعه
اصلا محمد متعود عالصراصير مزرعته معفنه


كاتب الرد: رمانه الميزان
الرد فى: 02/03/2010 19:57:08
الرسالة:

تسلمى ياغاليه
اما مزرعه جميله بشكل فين دى
فلسطين ياه يارب نفطر معا فى القدس محررا
ياستى ماله محمد بس ده شكله روح نام ولا مشغول بتجهيز الاكله الى هايكولها
اصل سما معملتش النهارده الا الكشك
وشكله معجابوش زى
ياستى ربنا يفرحنا بيه عن قريب


كاتب الرد: محمد1982
الرد فى: 02/03/2010 22:11:31
الرسالة:


هههههههههههههه

يا غاليه مزرعت مين اللي معفنه

والله يا رمانه مزرعتها دي كل يوم تتسرق والبركه فيا بيبقي اكلها طازه

سما سما انا معرفتش افتح عيني عشان كنت سهران شويا امبارح كان اجتماع علي مستوي القمه ههههههههه اصبح علي صراصير بس غاليه عليها طنجره لوبيا مفيش بعد كده

رمانه ميزان بجد انتي وجودك بقا ليه لمسه طيبه وجميله جدا

وعليكي انتي بقا الفطار بكره عشان بقالي يومين مقضيها اكل من بره مبلحقش اعمل اكل في البيت

تحسي كده ان المطبخ بيجبلي غممان في النفس واعراض كده مش ولابد ههههههههههههههه

فينك يا سما القاهره وايه الاغاني الروعه دي والنبي انتي مزاجك ميه ميه حاسس ان انا قاعد في جو محشي كده وبنلف الكرنب طبعا الجو ده احسن من جو الزهور هههههههههههههههه


كاتب الرد: غاليه
الرد فى: 02/03/2010 22:59:37
الرسالة:

ههههههههههههههههه
دي عالفيس بوك يا رمانه
وفيها رمان كمان *9
واهو الباشا وصل
حرامي الموز


كاتب الرد: سما القاهره
الرد فى: 03/03/2010 09:45:58
الرسالة:

صباح الفل والياسمين


صباح الحب والسعاده

رمانه الا اسمك ايه صحيح ؟

ميدو يا مغترب ونودي يا بنت فلسطين

صباح الورد والجمال

ويارب يوم سعيد ليكوا

صباح الخير يا مصر


ويارب المنتخب يفوز علي انجلترا 2 /1


في المبارة الهامة الودية اليوم


احلي حاجة التفائل وده الي بنحاول ناخده من بعض

انا حاكل سمك النهارده

يلا بينا علي المطبخ

السمـــــــــــــــــــــــــــــــــك

5 كيلو سمك فيليه

ثوم -بصل -خل -لمون شطه - فلفل اخضر -كمون وملح


اما بالنسبه للطاجن

طماطم وتكون مسبكه


يلا بقي نبتدي نفنن


نتبل السمك ونتركه في التلاجة8 ساعات


نغمس السمك في الدقيق ونحمره في زيت غزير


نصفيه علي مصفي نضعه في طاجن ونضع عليه


الطماطم المسبكه ونضعه في الفرن حتي يحمر الوش

ويقدم مع البقدونس وسلطة الطحينه


وبالف هنا ويارب يعجبكوا.


عاشقه الكتاكيت سمــــــــــــــا



كاتب الرد: محمد1982
الرد فى: 03/03/2010 10:35:26
الرسالة:

ايوه كده علي الاكله اللي تجنن

بجد بحبها قوي اكله السمك دي بس بتقولي اتبلها 8 ساعات وانا عاوز الاكل يتعمل في ساعه بالعافيه

بس بجد موووووووووووز الاكله دي

تحياتي ليكي يا اجمل سما في الدنيا يا رب ما نتحرم من وجودك ابدا

صباحك عسل يا ست الكل


كاتب الرد: سما القاهره
الرد فى: 03/03/2010 10:54:29
الرسالة:

هههههههههه

انت علي طول مستعجل كده


خلاص يا سيدي كتر الملح شويه واللمون

والخل والشطه وحمر وكل علي طوووووووول

اهم حاجه تكتر التوابل


وربنا يخليكواليا ويديم المعروف


كاتب الرد: غاليه
الرد فى: 03/03/2010 12:53:38
الرسالة:

طيب يا شاطر تبلها من بالليل وحطها بالتلاجه
واما ترجع تاني يوم من الشغل اطبخها


كاتب الرد: سما القاهره
الرد فى: 03/03/2010 14:17:46
الرسالة:

محمد مش بيكون فاضي بالليل يا نودي


بيكون معاة اجتماعات علي مستوي القمه

تقوليله تبل هو فاضي للكلام ده

خليك يابني في الاجتماعات


الاكل حيتاكل حيتاكل


متبل مش متبل حيتاكل

مش كده ولا ايه؟


كاتب الرد: رمانه الميزان
الرد فى: 03/03/2010 20:15:53
الرسالة:

مساء الياسمين
ازيك ياسما
انا ياسما مش اسمى ياسمين حبى لاسم ياسمين لانه اسم بنت اختى
ياسلام على اكلة السمك النهاردة جميلة زى عادتك فى اكلاتك
ايه يامحمد السمك يتاكل متبل ولامش متبل ده اسهل اكلة واحلى اكلة
وانتى فين ياغاليه النهاردة المزرعة قفلت ولا ايه
بحب قفاشاتكو بجد احلى صحبه
بحبكو يسعد مسائكوا


كاتب الرد: محمد1982
الرد فى: 04/03/2010 10:02:45
الرسالة:

صباحكم جميل بيوم الخميييييييييس

صباحكم عسل علي احلي الناس عندي

نهاركم فل يا ناس يا فل

المطبخ بقا ليه طعم تاني وشكل تاني واسلوب في الكلام تاني تاني تاني

احلي ماا ما بصبح عليه سما وغاليه ورمانه

طيب قوليلي بقا لما تبقي كده قاعده فاضيه وزهقانه هتعملوا ايه

انا عن نفسي بصبر نفسي وبشوف يوم الخميس فاضل عليه كام يوم وبقول هااااااانت

طيب انتوا بتعملوا ايه

يلا انا جايب لب عشان نتسلي

صباحكم فل يا جماعه وبلاش تريقه يا سما علي الاجتماعات اليوميه ها


كاتب الرد: سما القاهره
الرد فى: 04/03/2010 10:49:41
الرسالة:

ههههههههههه

يا صباح الاشراق والامل


يوم الخميس


يوم عيدنا يوم بقي رمز للتفاؤل


انا مبسوطه اوي

امبارح كان يوم جميل

حقكلوا ليه

امبارح اول يوم في دوره الكمبيوتر

واحب اعرفكواا علي استاذي


انا اول ما شوفته قلت مش حفهم بصراحه


لاني بركز في التفاصيل زي ما انت عارف يا ميدو


معايا يا رمانه


واخده بالك يا نودي


وحبقي مركزه واقول يا تري الكرش دي من ايه ؟

وافكر اني اجيب دبوس وافسيها


وابتدي الكورس وحضرته جه متاخر

المهم اتعرف علينا وبدا في الشرح الحقيقه كان ممتاز


المشكله بقي انه حفظ اسمي


كل شويه يقلي



في حاجه مش فاهماها ؟

وانا بقي مركزه في الكرش

اقول لالالا ابدا

بس وكانت 4 ساعات ممتعه جدا

هات اللب بقي يا ميدو خلي القعده تحلو


النهارده بقي الانجلش

وده مدرس الكورس

وانتظروني...................


كاتب الرد: غاليه
الرد فى: 04/03/2010 13:18:41
الرسالة:



حلوه حكاية التفاصيل دي يا سمسه
مساء الخير يا رمانة الميزان
ازيك يا محمد 82

خلي اللب عليا
وادي قعده عالمسطبه اما نشوف مدرس الانجلش ده قال ايه؟



كاتب الرد: رمانه الميزان
الرد فى: 04/03/2010 14:15:23
الرسالة:

مساء الهناء والسعادة
ازيك ياسما
مبروك القرص الجديد قرص الكمبيوتر
بقى والنبى مش عارفه الكرش ده منين
شكله كده من اعضاء المنتدى ومتابع اكلاتك اللذيذه
ماهو دى اخرت اكلك كرش ووزن تقيل
انتى مش قلتى هاتفتحى جامينيزيوم الزباين كتروا
عندك مشروع جميل يكسب دهب اطبخى هنا تضمنى تشغيل الجامينيزيوم


كاتب الرد: رمانه الميزان
الرد فى: 04/03/2010 14:22:02
الرسالة:

مساء الياسمين يامحمد
اه والنبى انا برضه بستنى يوم الخميس برضه
علشان بعده الجمعه والسبت الاجازة ياسلام من الاجازة ليه كل يوم ميكونش اجازة
وبرضه هادعيلك يامحمد يوم الجمعه ربنا يرزقك ببنت الحلال ويفرحنا بيك قريبا ان شاء الله


كاتب الرد: رمانه الميزان
الرد فى: 04/03/2010 14:32:17
الرسالة:

مساء السعادة والياسمين ياغاليه
ياسلام ايوة كده رتبتى لينا السهرة
بس انا للاسف مابسهرشى ادينى شويه من اللب وخلى كلام الاستاذ اتابعه الصبح انا بقى لوحدى
بحبكو قوى


كاتب الرد: سما القاهره
الرد فى: 04/03/2010 20:38:40
الرسالة:

الله نودي


انا بحب المكسرات اوي


يلا رمانه وانت يا ابو خمس تلاف

تعالوا نتكتف شويه

يعني نرغي شويه


الحمد لله انتهينا من المستوي التاني

ويوم التلات امتحان


ادعولي

كان يوم ممتع ومدرس الانجلش هو رمز التفائل الي في الدنيا

شاب طموح لو في مصر 100 منه بلدنا توصل لاعلي التقدم

الله يعين الشباب جميعهم


حبنا الانجلش من اسلوبه

علي فكره حيطلعنا رحله مع بعض وحنقابل اجانب


ونتحدث معهم اتمني يكون برنامج الرحله جيد

وحبقي احكيلكوا علي الرحله تباعا


انتظروني ................


كاتب الرد: غاليه
الرد فى: 05/03/2010 10:41:41
الرسالة:


صباح الخير
الف الف الف صباح الخير
مرسل لكم من فلسطين مع كل طير
سما القاهره good morning بالانجليزي
واحلى صباح عنجليزي ما دام وصلنا لمدرس الانجليزي

رمانة الميزان صباحك زهر الرمان قرب موسمه على فكره
والرمان له زهر وموسم ازهار مفيش اجمل من كده

ميدووووووو 82 صباح الفل
بس يا باشا احنا مريحين
واليوم مش طابخين
اجازه بقى لسما القاهره
اليوم الجمعه اتغدى ديليفري

هوا استاذ الانجلش راح فين



كاتب الرد: رمانه الميزان
الرد فى: 05/03/2010 14:02:08
الرسالة:


صباح السعادة والهناء
اشكرك ياغاليه على الصباح الجميل الى قدمتيه لنا
وهاهيا زهرة الرمان ياستى فعلا جميله
واعتزازى بالرمان انه اسم كان ينادى به لى جدى رحمه الله
وايضا انه من فاكهة الجنه
تعالى نعمل عصير الرمان النهاردة ونشرب منه مع بعض


عصير الرمان




المقادير :

- حبتان من الرمان
- عصير حبة من الليمون
- ملعقتان من السكر أو حسب الرغبة
- ملعقة من ماء الورد

الطريقة :

يعصر الرمان في الخلاط ثم يصفى بالمصفاه من الشوائب.
يضاف السكر .
يضاف عصير الليمون إلى عصير الرمان ويحرك جيداً .
يضاف ماء الورد ويحرك جيداً .
يبرد و يسكب في كاسات التقديم .


كاتب الرد: سما القاهره
الرد فى: 05/03/2010 17:26:25
الرسالة:

مساء الفل


الله يا جمال الاجازه


بصوا بقي حد يفكرلي اعمل ساندويتشات ايه في الرحله ؟

الا حتبقي من الصبح للمغرب

وحنقابل اجانب يعني عايزين حاجات خفيفة


مش محاشي وتبيخ ماشي يا جماحه

انا حروح اريح بقي لبكره

بكره الكمبيوتر ولازم اذاكر كويس علشان

ميزنقنيش مدرسي العزيز في تاني حصة


كاتب الرد: سما القاهره
الرد فى: 07/03/2010 09:09:09
الرسالة:

يا صباح الفل والياسمين


احلي احباب واصدقاء

وعلي حبيبي الوحيد منتدي


شبيك لبيك

حعملكوا الفول بالبيض علشان تفطروا وتركزوا كده معايا


الفول بالبيض


المقـــــــــــادير :

( فول مدمس جاهز مصفى من الماء -بصل مقطع

- طماطم مقطع - مكعب ماجي - ملح - معجون طماطم

- بهارات - بيض - زيت نور - ماء الفول )


الطريقـــــــــــــة :

نصب المقدار المناسب من الزيت في المقلاة الخاصة بوجبة

الفول ثم نكب عليه البصل .

نقوم بتحريك البصل.

نضيف القليل من ماء الفول على البصل حتى لا يحترق

وحتى يأخذ نكهة الفول .


ونستمر في التحريك.

نضيف الطماطم المقطع ونستمر في التحريك .


نضيف الملح والبهارات والماجي ومعجون الطماطم.


نستمر في التحريك حتى تذوب المكونات في بعضها بعد إضافة القليل من ماء الفول.


نحرك الفول مع المكونات ونستمر في التحريك مع إضافة المتبقي من ماء الفول.

بسرعة وخفة نكسر البيض على الوجه وبشكل مساوي في المنتصف.


نضع صينية الفول في الفرن على درجة حرارة مرتفعة (الجزء العلوي) لمدة 3


دقائق ثم نطفء الفرن ونترك الفول في الفرن لمدة 7 دقائق .


ونقدمه مباشرةً.


وبالهناء والعافية.



كاتب الرد: محمد1982
الرد فى: 07/03/2010 09:51:48
الرسالة:


فول ايه ده بس

انا جسمي موجعني ورجلي مش عارف اقف عليها وتعبااااااااان علي الاخر

ياااااااه كان يوم امبارح والله ما لقيت احلي من كده

خرجت من الشغل علي الحديقه علي طول واول ما دخلت رحت علي صاله التزحلق علي الجليد
وبعيد عنكم بقالي كتير ملعبتش اللعبه دي وقعت كتيييييييييييير وفي حاجات كتير ورمت ومش عارف اركز علي حته معينه اعالجها
يعني اللي هيزوقني هيلاقيني في الباي باي


كاتب الرد: ر و بــي
الرد فى: 07/03/2010 11:29:26
الرسالة:

هههههههههههههههههههههههههه

اعمليله شوربه كوارع يا غاليه فول ايه بس

علشان يرم عضمه يا عينى مش لاقى اللى يأكله

هههههههههههههههههههههههههههه

كل ده علشان ماخدتنيش معاك فى التزحلق


كاتب الرد: رمانه الميزان
الرد فى: 07/03/2010 14:22:44
الرسالة:

مساء الهنا والسعادة
على احلى اصدقاء ازيك ياسما عملتى ايه فى الرحلة
والاستاذ ابو كرش اتبسط منك
وياغاليه انتى فين وفين فطارك النهاردة

ايه مالك يامحمد الف سلامه عليك
ماشى ياعم ادى وجبه بسيطه ممكن تعملها


الملوخية مع الدجاج المحمر



المقادير:

½ كيلو ملوخية.

دجاجة حجم كبير (كيلو).

5 فصوص ثوم مفروم ناعم.

3 ملاعق صغيرة ملح.

بصلة.

حبة طماطم.

فص ثوم.

1 ملعقة فلفل.

1 ملعقة كركم.

2 ملعقة كزبرة.

طريقة التحضير:

الدجاج المحمر

يملئ نصف القدر بالماء ويوضع البصل والطماطم والبهارات في الماء.

بعد تنظيف الدجاجة توضع في الماء على نار عالية حتى يغلي الماء ثم

تهدأ النار أسفل القدر لمدة ساعة.

بعد نضج الدجاجة تصفى من مرقتها وتحمر في زيت خفيف

حتى تكتسب اللون الأحمر.

الملوخية الخضراء

شكل الملوخيه وهي خضراء

تخرط الملوخية الخضراء حتى تصبح مطحونة طحنا ناعما.

يحمر الثوم مع ملعقة سمنة حتى يكسب اللون الذهبي

ثم توضع ملعقة كزبرة مع الثوم.

توضع الملوخية في قدر مع الثوم المحمرثم توضع ثم توضع

مرقة الدجاج المصفاة وتخلط المقادير جيدا على نار هادئة.

يقدم هذا الطبق مع الأرز الأبيض والدجاج المحمر.


كاتب الرد: سما القاهره
الرد فى: 09/03/2010 08:47:05
الرسالة:

صباح الفل

وادعولي النهارده امتحان الانجلش

يارب اجيب الفول مارك

واخدين بالكوا الفول ورانا ورانا


كاتب الرد: سما القاهره
الرد فى: 14/03/2010 19:34:28
الرسالة:

الحمد لله

اجتزت الامتحان بتفوق


وبقيت كي جي ثري

باركولي بقي


كاتب الرد: محمد1982
الرد فى: 14/03/2010 19:50:02
الرسالة:


ههههههههههههههههه
الف الف الف مبروك يا سما
بس نفسي اعرف انتي لسه في كي جي ثري
يعني فاضل لسه الابتدائيه والاعداديه

انتي مشوارك لسه طويل

انا بهرج يا سماسم

والف مليون مبروك وعقبال الفاينل ان شاء الله


كاتب الرد: سما القاهره
الرد فى: 14/03/2010 20:05:15
الرسالة:

هههههههههههه

هما 12 مستوي


انا في التالت لسه


الف شكر لاهتمامك ميدو

والله يبارك فيك يارب وعقبال عندك


كاتب الرد: محمد1982
الرد فى: 14/03/2010 20:19:34
الرسالة:

عقبالي علي ايه

انتي تباركيلي لما اشيل عنك الحمل بقا وهي اللي تطبخلي
اصل انا مغلبك علي الاخر


كاتب الرد: سما القاهره
الرد فى: 14/03/2010 20:25:18
الرسالة:

هههههههه

يارب يا ميدو يارب

ربنا يعترك في بنت الحلال


وانا اجي ازغرتلك



كاتب الرد: محمد1982
الرد فى: 15/03/2010 09:40:41
الرسالة:


صباح الخير عليكي وعلي امهات المسلمين جميعا

يا رب يجعل صباحكم نادي دايما

يلا بقا عاوزين نشتغل شويا يا سماسم

عاوزين طنجره ملوخيه عشان انا مش باكلها وقولت اجربها من ايدك

في مره عملتها لقيت الملوخيه في قعر الحله
هههههههههه
متعرفيش ايه سر الخلطه

مستني منك الخلطه انا جايبك ملوخيه سهله عشان عارف ان عليكي امتحان اليوم

يلا ربنا يوفقك ومتنسيش تروحي بدري عشان تلحقي تراجعي

صباحك فل يا ست الكل


كاتب الرد: سما القاهره
الرد فى: 15/03/2010 10:18:55
الرسالة:

صباح الفل

علي اجمد محمد في الكويت


صباح جميل مشرق سعيد


صباح التفاؤل والحب والرضا


والله يا محمد منمتش من امبارح


يلا ربنا يستر


ومن عيوني الملوخيه


بص يا سيدي في عده اسباب تخلي الملوخيه

تسقط في الحله

1 _كميه الشوربه تكون مناسبه للملوخيه ويا سلام لو علي ارانب او لحمه

2_اول ما تحط الكربوناتوا علي الملوخيه تحطها في الشوربه علي طوووووول

3_تغلي شويه ولو بتحبها مخروطه تبقي سهلت لكن لو بتحبها مفروكه


ودي الي بفضلها
وبص علشان تبقي سهل يا تضربها بمضرب بيض


يا تستني تبرد شويه وتحطها في الخلاط بس تديها ضربه واحده


4_ اول ما تصفر التومه تحطها علي الملوخيه وتشهق لازم الشهقه دي


وصباحك فل وياسمين


كاتب الرد: سما القاهره
الرد فى: 16/03/2010 11:47:33
الرسالة:

صباح الفل


والياسمين

والتفاؤل


كاتب الرد: محمد1982
الرد فى: 17/03/2010 10:24:57
الرسالة:

صباح الخير علي عيونك يا سما
ايه الاخبار طمنينا

وعاوز اسال عن لو انتي حسيتي بان في يوم ولا افطرتي ولا اتغديتي وجه وقت علي الساعه 8 مثلا
ومش عارفه تاكلي ايه ظبطينا اكله مع العلم انك مفيش نفس لاي حاجه بس عشان ما اكلتيش ولازم تاكلي اي حاجه


كاتب الرد: سما القاهره
الرد فى: 17/03/2010 10:41:03
الرسالة:

هههههههههه

الاعراض دي من ايه محمد ؟

طمني انت عليك

بس انا لما بحس بكده باكل بصل وتونة


كاتب الرد: محمد1982
الرد فى: 17/03/2010 10:48:19
الرسالة:

بصل
بقولك الساعه 8 بالليل مش الفجر هههههههههههههه
عاوزه ايه من اللي بياكل بصل بالليل
شكلك كده هتبقي الليله نفخ كلها
شوفي حاجه غيرها


كاتب الرد: سما القاهره
الرد فى: 17/03/2010 10:52:00
الرسالة:

مهو علشان تنام قتيل لازم يبقي فيها بصل

بس في خبر مضايقني من امبارح او ي*13


كاتب الرد: محمد1982
الرد فى: 17/03/2010 11:08:56
الرسالة:

خير اللهم ما اجعله خير

في ايه يا باشا قلقتيني عليكي
ده بكره الخميس لازم تكوني متفائله


كاتب الرد: سما القاهره
الرد فى: 17/03/2010 11:18:19
الرسالة:

المدرب بتاع الكمبيوتر حيغيروه علشان


بيطالب بطريقة جديده وفيها افاده لينا

انا زعلانه اوي


كاتب الرد: رمانه الميزان
الرد فى: 19/03/2010 16:30:05
الرسالة:

صباح ومساء السعادة والهنا
ايه ياسما انتى فين النهاردة بدور عليكى من امبارح
طمنينى عليكى ومتغبيش علينا تانى
جعنا ومستنين اكلك الجميل يالاهاتعملى ايه النهاردة


كاتب الرد: سما القاهره
الرد فى: 20/03/2010 11:35:55
الرسالة:

صباح الفل والياسمين

علي احلي منتدي واجمل

اعضاءوزوار ومراقبين ومشرفين

معلش رومانه كنت في رحله امبارح وانا والولاد


وراجعه تعبانه جدااا


سماح المره دي بكره حظبتك


تحياتي لاجمل قمر دخل المطبخ


كاتب الرد: رمانه الميزان
الرد فى: 20/03/2010 14:13:20
الرسالة:

الحمد لله
كنت بجد فعلا قلقانه عليكى
ولو ماردتيش النهاردة كان هايزيد قلقى
سلامى ليكى انتى والاولاد
وربنا يسعدكم يارب
كل عام وانتى بخير يااحلى ام فى الدنيا
هيه جابولك ولادك ايه من الهدايا
وجابوا لمدرسينهم فى المدرسه
والنبى تجيبوا هديه لابله التدبير المنزلى
يعنى هيا مش مدرسه برضوا زى مدرسات المواد الاخرى
كل سنه وانتى طيبه ياماما


كاتب الرد: سما القاهره
الرد فى: 21/03/2010 13:18:24
الرسالة:

وانتي طيبه يا قمر

والله لسه مجبوش شكلهم

حيكنسلوا علي الهدايا

ربنا ما يحرمني منك يا رمانه يا كتكت


كاتب الرد: محمد1982
الرد فى: 22/03/2010 00:02:10
الرسالة:


هنا سما القاهر الصفحه 8 ما شاء الله هههههههههههههههه

رمانه اولا عاوز اقولك اضافتك هنا بقي ليها شكل تاني وطعم تاني


ثانيااااااااااااا نيجي لسما القاهره

انا بقولك ايه انا مكنتش فاضي اليومين دول وحسيت بكسل كتير في المنتدي ولقيت المطبخ مش مترتب

يلا بقا ورينا همتك يا ست الكل وعاوزك تنوري المكان ويا ررب يجي التفائل تاني اللي كنا بنشوفه كل يوم

مساء الفل علي احلي سما في الدنيا

نورت الدنيا ونورت معاها عيد الام

كل سنه وانتي طيبه يا سما
كل سنه وانتي طيبه يا رمانه
كل سنه وانتي طيبه يا غاليه
كل سنه وانتي طيبه يا نغم
كل سنه وانتي طيبه ماما سونا
كل سنه وانتي طيبه يا امي
ربنا ما يحرمنا منكم ابدا ولا يحرمنا من اي اام


انا بحبكم قوي قوي قوي


كاتب الرد: سما القاهره
الرد فى: 22/03/2010 13:02:59
الرسالة:

صباح الفل

واو نورت ميدووووووو

منوره رمانة

منورين حبايب مطبخ سما


وكل سنه وانت طيب يا محمد


وربنا يخلي كل ام في مصر


كاتب الرد: سما القاهره
الرد فى: 24/03/2010 11:53:04
الرسالة:

يا صباح الخير يلا معانا

الكروان غني وصحانا


كاتب الرد: محمد1982
الرد فى: 24/03/2010 23:22:19
الرسالة:

يا مساء الانوار علي اجمل سما في الدنيا

انا عارف ان انا بقيت مقصر كتير

بس عاوز اقولك اخوكي الصغير بقا مسئول حبتين
وظروف الشغل بقت لا تطاق ووشك حلو علينا وبقينا في مركز اعلي ويا رب يوفقنا في الشغل الجديد

ادعيلي يا سما وانتي ورمانه ويا غاليه

وكل حبايبي

يلا تصبحوا علي خير


كاتب الرد: سما القاهره
الرد فى: 25/03/2010 09:40:48
الرسالة:

صباح الفل علي الكل

انت فين يا راجل

وحشتنا والله

يارب يا ميدو يكرمك

يارب يارب

و شد حيلك بقي وفرحنا انت كمان

وابعت جيب واحده من البلد واتاهل بقي

فك عنوسه بنت من بنات بلدك بقي

ويارب دايما في اعلي المراكز يا ابن بلدي


يا اجمل محمد في الكويت

وصباحك فل وياسمين

اختك عاشقة الكتاكيت


كاتب الرد: رمانه الميزان
الرد فى: 25/03/2010 14:31:33
الرسالة:

صباح السعادة والهناء
ازيك ياسما
عامل ايه يامحمد انتى فين يااخى
غاليه الغاليه ربنا يهدى الحال ومتسيبيناش
اخيرا جه الخميس وبكرة اجازة وبعده اجازة
بحب الاجازة قوى
هاتعميلى لينا ايه بقى ياسما النهاردة
كان اجمل صباح النهاردة فى المنتدى صباح الافراح
عقبال يامحمد مااباركلك عن قريب ده هيبقى فرح كبير قوى


كاتب الرد: سما القاهره
الرد فى: 25/03/2010 14:36:22
الرسالة:

امين يارب عقبال الشباب كله


وحشتيني اوي رمانة

انا عملت كتير النهارده اعملي انت بقي علشان

حقوم معاد الكورس قرب

احلي خميس في الدنيا النهارده

صباحكم فل


كاتب الرد: سما القاهره
الرد فى: 27/03/2010 10:21:11
الرسالة:

صباح الفل

منورين يا اجمل اعضاء في الدنيا ويا احلي زوار


صباحكم منور بلون الفل والياسمين


احلي حلويات ليكم يا صباح الجمال والحب والتفاؤل


بقلاوه بالفستق


من الحلويات الشامية اللذيذة و هي عبارة عن رقائق من عجينة الفيلو محشوة بالفستق و السكر و الزبدة و مغطاة بالشيرة

المقادير


•40 رقاقة من عجينة الفيلو
•كوب سكر
•2 كوب زبدة
•4 أكوا ب فستق حلبي مفروم
•4 أكواب شيرة للحلويات


الطريقة

1.يخلط الفستق مع السكر جيدا
2.تذاب الزبدة ثم تمسح بها الصينية و يبدأ رص رقائق الفيلو و تمسح كل رقاقة بالزبدة
3.بعد وضع 6 رقائق يوضع جزء من خليط الفستق و بعض من الزبدة
4.يعاد رص الرقائق فوق الفستق مع مسح كل منها بالزبدة ثم تقسم على شكل معين بسكين حادة
5.يسخن الفرن حتى 180 درجة مئوية و توضع الصينية في الفرن مدة 30 دقيقة و حتى يصبح لونها ذهبيا
6.يوضع عليها الشيرة و تزين بالفستق و تقدم


كاتب الرد: محمد1982
الرد فى: 28/03/2010 13:35:10
الرسالة:


ههههههههههههه

بقلاوه يا سما
والنبي انتي فيكي الخير بتوكلينا الحو قبل الغدا عشان مناكلش كتير
بقولك ايه
انا عاوز ارقص ايه رايك

عاوز اغنيه ترقصني ههههههههههه

بكلمك بجد
يلا اول ما هروح هسمع الاغنيه وهرقص عليها

صباحك جميل يا ست الطبيخ


كاتب الرد: سما القاهره
الرد فى: 28/03/2010 14:43:02
الرسالة:

بس ابقي ادخل

حلويات

السميد والرطب وانت ترقص براحتك

ززززززززززززززززززززيي

انا كمان فرحانه وحاسة ان النهارده يوم جميل

وعايزه ارقص يلا نرقص

علي راي يسراااااااااااا


كاتب الرد: سما القاهره
الرد فى: 28/03/2010 14:46:13
الرسالة:


كاتب الرد: سما القاهره
الرد فى: 28/03/2010 14:49:10
الرسالة:

فخد ضاني مشوي

يتكون من فخذ ضأن خال من الدهون متبل بالثوم و الملح و الفلفل الأسود و الروزماري

المقادير

•فخذ ضأن
•10 فصوص ثوم
•ملعقة صغيرة من الفلفل الأسود
•ملعقة صغيرة من الملح
•روزماري طازج


الطريقة

1.يفرك اللحم بالروزماري و الثوم و الملح و الفلفل الأسود ثم تغرز بعض شرائح الثوم و الروزماري في اللحم
2.يسخن الفرن لدرجة حرارة 220 درجة مئوية ثم يخبز اللحم في الفرن حتى ينضج ثم يقدم


كاتب الرد: RiiNaD Amr
الرد فى: 28/03/2010 20:32:21
الرسالة:

سمسم حببتي وحشاااني اوووي

يارب تكوني بخير


كاتب الرد: سما القاهره
الرد فى: 28/03/2010 20:37:03
الرسالة:

حبيتي

منوره وحشاااااااني جدااااااااااااا

يارب تكوني انتي بخير دايما يا ريناد

بحبك يا كتكت


كاتب الرد: RiiNaD Amr
الرد فى: 28/03/2010 20:58:20
الرسالة:

سمسمتي بجد وحشااااااني

انا كويسه طول ما انت بخير يا جميل

حبيبه رورا انت


كاتب الرد: رمانه الميزان
الرد فى: 28/03/2010 21:18:51
الرسالة:

ياسلام ياسلام
ايه ده كل ده فاتنى الحلو واللحمه
انا دايما كده اجى متأخرة
ازيك ياسما وربنا يسعد ايامك يارب
ايه يامحمد انت غايب عننا فين مشغول فى ايه
مسائكم سعيد يارب


كاتب الرد: محمد1982
الرد فى: 28/03/2010 23:41:05
الرسالة:


مسائك سكر يا اغلي الناس

والله لو قولت من هنا لبكره يا رمانه ما هوفيكي حقك في احترامك وتدينك

وعلي الغياب يا رمانه ان انا شويه كده بس مش هطول لحد ما اظبط اموري في المسئوليه الجديده

وانا دايما بتابع كل جديدك وكل مواضيعك بس اللي بيحكمني التحكم اللي موجود حاليا

ونيجي بقا للتدبير المنزلي عاوزين نعمل شئ جديد ونقول لسما عاوزين نعمل اكله اقولك علي محتويتها عشان ممكن الاسامي تتغير من مكان لمكان

هي كشك بالصلصه

مش الكشك المدور ده لا

في كشك تاني بالعيش المكسر والصلصه كده وفيه دقيق يعني لو عرفت اوصل المعلومه


كاتب الرد: سما القاهره
الرد فى: 29/03/2010 09:30:42
الرسالة:

صباحك فل


احلي صبااااااااااااااااااااااح والجو جميل وحب الدنيا تحبك

انا حقدملك مجموعه من طرق الكشك وانت اختار


فطاير بالكشك

المقادير---


3 كاسات دقيق--نص كاس زيت--علبة لبن--بيضة--ملعقة خميرة--ملعقة حليب--كاس ماء

نعجنها ونتركها نص ساعة ونقرصها دوائر


الحشوة--بودرة كشك--بصلة ناعمة--بندورة ناعمة--ملعقة فلفل احمر ناعم--وملعقة صلصة

ونخلطها مع بعض

ونحشيها زى اللحم بعجين

الصور النهائية


لذيذ جدا


صباحك زي الفل يا احلي محمد في الكويت


تحياتى


كاتب الرد: سما القاهره
الرد فى: 29/03/2010 09:49:05
الرسالة:

كشك ببواقي شوربة ورز

المقادير

شوربة,رز مصرى ,خلطة مكونة من 4فص ثوم كبيروشوية وملح ,وكوباية لبن مدوب فيها دقيق ويكون مناسب للكمية


الطريقة


اغلى الشوربة وحطى فيها مكعب مرقة ولومش موجود ملقة صغيرة سكر بتعمل نفس الطعم وبعدين حطى الرز الى عندى لو كان بايت وناشف سبية شوية لحد مستوى جدااااااااااا ولو مفيش رز مطبوخ حطى نئ وسبية يستوى فالشوربة
وبعد السوا حطى خلطة الثوم والشطة والملح ولو عيزاها مشطشطة زودى شطة
غلوة والريحة هتتلع واااو تقلبى اللبن والدقيق كويس عشن ميكلكعش وتنزلية على الرز والشوربة لحد متتماسك زى الرز بلبن كدة نفس القوام
وفطاسة نعمل تزين الوجة بصل متحمر مع نعناع ناشف وتصفية من زيتة وتاخدى الزيت الناتج تحطية على الكشك وتقلبى وتغرفى فاطباق وتزينى الوجة بالبصل والنعناع المتحمر

تقدم مع فراخ متحمرة ةسلطة خضراء


كاتب الرد: سما القاهره
الرد فى: 29/03/2010 09:51:04
الرسالة:


ودي اخر طريقه اعرفها

يارب تعجبك اي من هذه الطرق ولو مش هي خلاص حط صلصه


عليه وهو يبقي زي ما انت عايز


نضع نصف كوب لبن حليب فى الخلاط مع ملعقة دقيق ونضربه ونتركه لمدة نصف ساعة حتى يتخمر قليلا
- نضع 2 كوب مرقة على النار مضافا إليهم ملعقة كبيرة أرز ونتركها على نار هادئة حتى ينضج الأرز
- نضيف إليهم نصف ملعقة بهارات - ومكعب مرقة دجاج إذا أحببنا - ونضبط الملح
- نحمر بصلة مفرومة فى ملعقة سمنة إلى أن تصفر
- نضيف نصف البصلة المحمرة إلى المرقة والنصف الآخر نضيف له ملعقة صلصة طماطم وملح وبهارات ونقلبه
- نضيف اللبن والدقيق على الرقة ونقلب جيدا ونتركه يغلى مع التقليب الجيد حتى يصبح القوام غليظا
- نصبه فى أطباق ونزينه بالبصل المحمر المضاف إليه الصلصة
وبالهنا والشفا


كاتب الرد: محمد1982
الرد فى: 29/03/2010 15:35:47
الرسالة:

هههههههههههههه
ايوه هي دي اللي بابو فطير دي بس اللي بتعملها الوالده مش بالفطير

بجد انتي استاذه يا سما والله
ويا رب ما نتحرم منك يا رب

صباحك جميل وكل يوم جميل

يبقي طمنينا عنك يا ست الكل وحشتنا اخبارك مدرسك الهمام

والف تحيه ليكي والله انتي انسانه عظيمه

صباحك فل يا رمانه

واسف يا ريناااااااااد كنت عاوز اسلم عليكي بس جات كده بقا اتلخمت في الكشك


كاتب الرد: رمانه الميزان
الرد فى: 29/03/2010 21:59:15
الرسالة:

مساء السعادة والهناء
ايه الحلاوة دى ياسما محمد تعبك النهاردة برضه
كل دى انواع كشك
بس بجد بارك الله فيكى انا مكنتش اعرف ولا واحد فيهم اكسبتينى معلومه جديدة اشكرك عليها
وانت يامحمد مش عارفه اشكرك ازاى على كلامك الجميل وتحيتك الجميله اشكرك واقدرك فانت اخ فعلا لنا كلنا يارب نفرح بيك عن قريب
ومعلش بقى اصل انا بدخل فى المساء فبيفوتنى اكل سما الجميل تسلمى لينا ياسما


كاتب الرد: سما القاهره
الرد فى: 29/03/2010 22:00:34
الرسالة:


مساء الفل

ازيكوا كلكم يارب تكونوا بخير ازيك محمد

الحمد لله كله تمام بس بالنسبه للمدرس فغيروه

مش شايفني لا بذاكر ولا بنيل جابوا واحد منجدبداله يلا

ملناش نصيب بقي في الطيب ويارب يخليك لينا

المطبخ ناقصه حاجه من غيرك يا محمد والله مش تغيب يا عم ابقي تعالي اسال

ربنا يوفقك يارب في المنصب الجديد

ويا تري لسه في اجتماعات وخلافه ههههههههههه

ولا خلصت هههههههه ربنا يعينك ويارب

تعمل الكشك وبالف هنا يارب.


كاتب الرد: سما القاهره
الرد فى: 31/03/2010 09:45:41
الرسالة:

صباح الفل

صباح الياسمين

صباح مشرق بسام


كاتب الرد: محمد1982
الرد فى: 01/04/2010 09:25:37
الرسالة:


صباح نادي يا اجمل ناس شوفتها في حياتي

صباح خميس بكل ايام الاعياد
ازيك يا سما وازيك يا رمانه ويا ريت تدعيلي دعوات من دي كتير ويا رب يتقبل منك


الييييييييييييييييييييييييوم الخمييييييييييييييييس

نفسي في فراخ مع رز وسبانخ
بحب انا قوي السبانخ بس السبانخ اللي عندنا كلها متلجه يلا هنقضيها متلج وخلاص

هتعبك معايا يا قمر الزمان

وصبااااااااااااااااااااحك فل ويا رب يكون اليوم احلي من اي يوم


كاتب الرد: غاليه
الرد فى: 01/04/2010 13:10:02
الرسالة:

ايـــــــــــــــــــــــه يا عم السلطان
ارحم سما شويه
اكل اكل اكل
خاف على وزنك
كده حتبطل كل البنات تحبك كل البنات حلوين

قرار جمهوري

قررنا نحن اصدقاء جمعية سما للاكل
اعفائها من الطبيخ للمفاجيع كل يوم خميس

والمخالف يعاقب

تم اغلاق المحضر في يومه وتاريخه
بحضورنا نحن كل من غاليه وسما والناس شاهده


يلا فركش بره يا ضنايا
على الديليفري عدل



كاتب الرد: محمد1982
الرد فى: 01/04/2010 14:49:05
الرسالة:


انتي قولتي فيها والله فعلا شكلي هقضيها دليفيري

الولا مش موجود النهارده عشان اشرف عليه في موضوع الاكل ده

يلا قولتله هات فراخ وهنقضيها خفيف خفيف

وبلاش قراراتك دي يا غاليه يا اما نقعد في البيت احسن ونقفل الموضوع ده

ده الوحيد اللي بستزرق منه وبناكل من وراه عيش ههههههههه

هي سما فين متعرفيش

اصلها بقالها ساعتين مش موجوده وانا بدات اقلق عليها سايبه بطني فاضيه كده ونايمه ولا في دماغها اي حاجه

علي العموم هي اللي هتكون السبب في طفشاني من البيت النهارده لاني ما اكلت لحد دلوقتي وانا لما بجوع بنسي نفسي وببقا عامل زي الفرخه الدايخه


كاتب الرد: سما القاهره
الرد فى: 02/04/2010 11:32:39
الرسالة:

صباح الفل والياسمين


احلي صباح


وحشتوني اووووووووووووووووووووووي


غصب عني والله يا محمد الجهازين


عملوها فيا ارقوني بقي الا انا اتحسدت


نودي حبيبتي بحبك اوي ويارب دايما جنبي ومنوره


المطبخ يا روح قلبي انتي


رمانه بحبك اوي بعدد ميزان العدل بتاع رمانه الحب

ربنا ما يحرمني منكم


بحبكوا اوووووووووووووووووووووووي

خالص حبي وشوقي .



كاتب الرد: سما القاهره
الرد فى: 02/04/2010 11:47:17
الرسالة:

وانا مقدرش اطفشك من البيت


انا بستناك بفارغ الصبر تيجي وتهل عليا

يا احلي ميدو في الكويت

معلش يا نودي مقدرش اتاخر عن ميدو دلوعتنا



قوالب السبانخ

المقادير


1جزر-1كوسة-1كرفس-1بصل اخضر كلها تقطع لقطع صغيرة جدا
1صدر دجاج يقطع لقطع صغيرة جدا
ملح وفلفل اسود - ربع كوب جبن مبشور
اوراق سبانخ تنقع في ماء مغلي حتى تطرى ونستطيع تبطين القوالب بها

الطريقة


نبطن قوالب عدد 2 بالسبانخ كما هو موضح


نعمل الحشوة

نضع قليل من زيت الزيتون في مقلاة ثم نضيف البصل ويقلب نضيف بقية الخضار وتقلب جيدا حتى تطرى ثم نضيف عليها الدجاج وتحرك لمدة 10 دقائق ثم يضاف الملح والفلفل
ترفع عن النار ونضع الجبنة
نضع الحشوة في القوالب ثم نغطيها باوراق السبانخ وتوضع في حمام مائي بالفرن لمدة ربع ساعة


صوص التقديم

نأخذ فلفلة حمرة ونشويها ثم توضع بداخل كيس حتى تعرق ونستطيع تقشيرها
تقشر وتوضع بالخلاط ويضاف لها ملح وفلفل اسود وعصير ليمونة و1م ص كريما
تخلط ثم توضع على النار حتى تسخن
توضع في صحن التقديم ثم يقلب عليها قالب السبانخ


ودي طريقه تانيه:


المقادير :

دجاجة مقطعة إلى ثمانى قطع
فنجان حمص شامى منقوع طول الليل ومصفى
نصف كيلو سبانخ مقطعة ومغسولة جيدا ومصفاه
ربطة كسبرة خضراء
بصلة كبيرة مفرومة
8 فصوص ثوم مقشرة ومفرومة
نصف كيلو طماطم معصورة
2 فلفل رومى مفرومين
2 ملعقة سمن
ملح وبهارات
الطريقة :

يشوح البصل والفلفل والكسبرة فى السمن إلى أن تصفر
يضاف الحمص ويقلب ثم الملح والبهارات
تضاف قطع الدجاج وتقلب
تضاف الطماطم العصورة وتقلب إلى أن تجف الطماطم ونضيف مكعب مرقة دجاج إذا أحببنا
نضيف السبانخ ونقلب ثم نضيف نصف كوب ماء ونتركها على نار هادئة لمدة عشر دقائق
وتقدم مع الأرز الأبيض
وبالهنا والشفا


كاتب الرد: سما القاهره
الرد فى: 03/04/2010 11:47:51
الرسالة:


صباح الفل

عجبني اليوتيوب ده قلت لازم اوريهلكم


وصباحكم فل وياسمين


كاتب الرد: غاليه
الرد فى: 04/04/2010 03:24:47
الرسالة:

صباح النور
لامه عواجيز الحته ليه يا سما

مالك يا سما بس
ده انا سايباكي بخير


شفتو سما
معرفش مهيسه ليه
يمكن جالها استبحس من الطبيخ


كاتب الرد: سما القاهره
الرد فى: 04/04/2010 14:26:23
الرسالة:

هههههيييععععععععععععععععكككككككككك



كاتب الرد: محمد1982
الرد فى: 05/04/2010 09:27:27
الرسالة:


صبااااااح الهنا صبااااااح الفل علي ست الكل

اخبار جميلتنا اللي مطنشانا وعاوزه تاكل علينا الحلاوه

سما سما سما

عاوز اكل مهلبيه نفسي رايحه عليها

وكنت عايز اعرف اعمل رز شمسي عرفاه بجد انا اكلته مره وكان وقتها عجبني قوي

يلا نصبحك بالخير يا ملكة الف ليله وليله


كاتب الرد: سما القاهره
الرد فى: 06/04/2010 09:38:55
الرسالة:


صباح الفل

صباح الحلويات والحاجات والمحتاجات


احلي مهلبيه لاغلي محمد في الكويت


المكوّنات

4 أكواب أو 1000 مل من الماء
1 علبة أو 397 غ من حليب نستله المكثف المحلى
4 ملاعق طعام من حليب مجفف كامل الدسم نيدو
1 كوب أو 100 غ من اللوز المطحون
½ ملعقة صغيرة من الهال المطحون
4 ملاعق طعام من دقيق الأرز الأبيض
2 ملاعق طعام من ماء الورد

طريقة التحضير

يُمزج الماء مع حليب نستله المكثّف المحلّى، وحليب نيدو المجفّف، واللوز والهال المطحون، ومسحوق الأرز في قدر كبيرة. يُغلى المزيج مع الاستمرار في التحريك.

تُخفّف الحرارة ويُترك المزيج على نار هادئة لمدّة 10 دقائق. يُضاف إليه ماء الورد ثم يُرفع عن النار.

تُسكب المهلبية في أكواب وتُبرّد.

تُزيّن باللوز وتُقدّم.


يارب تعجبكوا وحبقي اعملك انواع كتيره من المهلبيه

بس انا حاسه ان نفسك مفتوحه اليومين دول

يا محمد
ولا انتي شايفه ايه يا نودي


كاتب الرد: محمد1982
الرد فى: 09/04/2010 13:57:04
الرسالة:


صباح الخير

صباح الحب

صباح كل شئ جميل

صباح الخير يا سما

صباح مار بنسمة خفيفه

صباح السعاده

صباح الناس الرايقه



كاتب الرد: سما القاهره
الرد فى: 09/04/2010 21:10:56
الرسالة:

الله الله

ايه الجمال ده

منور يا احلي واجمل منتدي في الدنيا


ازيك محمد يا ابو دم خفيف

وانا كمان بحب الناس الرايقه

وصباح كل الحاجات الحلوه الي انت قلتها

بجد المطبخ منور بيك ربنا ما يحرمني من طلتك فيه

وصباح ومساء الفـــــــــــــــــــــــــــــل .....................


عاشقه الكتاكيت


كاتب الرد: سما القاهره
الرد فى: 12/04/2010 09:34:00
الرسالة:

صباح الفل

علي اجمل منتدي واجمل اعضاء واجمل مشرفين


صباح الزهور وتغريد الطيور


الغدا النهارده حاجه مخصوص اوي.



شرائح اللحم مع صلصة البورسين



المقادير




كيلوغرام من شريحة لحم البقر الهبر (فيليه)
ملح
فلفل أسود مطحون خشناً
بصلة كبيرة مشطورة إلى نصفين
ملعقة طعام من الخردل الأصفر
علبة من جبنة بورسين بالثوم Boursin a l'ail
كوبان من الكريما الطازجة
خضار متنوعة لتفديمها مع شرائح اللحم
ربع كوب من الزيت النباتي
ملعقة طعام من الزبدة





الطريقه


تفرك شريحة اللحم بالبصل، ثم يرش عليها الفلفل الأسود والخردل.

يسخن الزيت مع الزبدة في قدر كبيرة. تقلى فيه شريحة اللحم فوق نار قوية حتى تنضج من كل الجهات ويتغير لون اللحم.

ترفع الشريحة اللحم من القدر وتوضع في صينية غير لاصقة.

يحمى الفرن لغاية 250درجة فهرنهايت. تشوى فيه شريحة اللحم لمدة 20دقيقة حتى تحمرّ تماماً من كل الجهات. تخرج الشريحة من الفرن وتقطع إلى شرائح بواسطة سكين حادة.

توزع شرائح اللحم في طبق التقديم وتقدم مع الخضار المقلية بسرعة في القليل من الزيت أو الزبدة. كما تقدم معها صلصة البورسين.


صلصة البورسين

تسخن جبنة البورسين في قدر على النار حتى تبدأ بالذوبان.

تضاف إليها الكريما الطازجة وتخلط معها بملعقة خشبية أو شريط معدني. تطهى الجبنة مع الكريما على النار لمده 7 دقائق حتى تصبح الصلصة كثيفة قليلاً.

تسكب هذه الصلصة فوق شرائح اللحم.


ملاحظة

يرتبط نضوج اللحم بذوق كل شخص. فبعض الأشخاص يحبونه ناضجاً جداً فيما يفضله البعض الآخر ناضجاً جزئياً.


الف هنا وشفا ياربويارب يعجبكوا .



كاتب الرد: محمد1982
الرد فى: 12/04/2010 09:53:05
الرسالة:


لا لا مش هيعجبني انا عاوز حمام

هتجنن علي الحمام

ههههههههههههه

صباح الخير يا اجمل شيفه في مطبخ شبيك

تعرفي ان انا بقيت ادخل هنا ومزاجي بيبقي عال العال والجو فاضي والدنيا هنااااااااااااااااء


كاتب الرد: سما القاهره
الرد فى: 12/04/2010 11:45:29
الرسالة:

بس كده اعملك حمام بس اوعي يطير منك


انت بس تاشر .......

البصل والتوم هههههههه.



المقادير:

عدد 2 من الحمام
بصلة متوسطة مفرومة واخرى صحيحة
ملح
فلفل
2 فص حبهان
م-ك من السمن
3/4 كوب فريك
كبد و قوانص الحمام تقطع


الطريقة:

طريقة عمل حمام محشي بالفريك

ينظف الحمام ويغسل جيدا ويتبل

تعمل خلطة المحشى من الفريك و البصل المفرى المخلوط بالملح و الفلفل و الكبد والقوانص المقطعة و السمن

يتبل الحشو جيدا يحشى بة الحمام

نغلى الماء ويضاف اليه البصل والملح والحبهان

نضع الحمام فى الماء وتهدا النار

يترك حمام محشي بالفريك حتى ينضج ثم يرفع من ماء السلق و يجفف

و يحمر حمام محشي بالفريك و يقدم ساخنا مجملا بالبقدونس


اي خدمه يا اطيب محمد في الكويت .


كاتب الرد: محمد1982
الرد فى: 12/04/2010 12:14:55
الرسالة:

تسلمي يا ست الكل

بجد شكله لذيذ قوي

اوعدنا يا رب


كاتب الرد: سما القاهره
الرد فى: 12/04/2010 12:48:05
الرسالة:

يارب يعجبك دايما

كل حاجه هنا

وبالف هنا بس اه لو حقيقي

كنت حتاكل الصفحه كلها ....


هههههههههه


كاتب الرد: RiiNaD Amr
الرد فى: 13/04/2010 11:03:44
الرسالة:

صباحك فل يا سمسم

صباح الخير محمد ....رمانه ....غاليه ...


كاتب الرد: محمد1982
الرد فى: 13/04/2010 12:00:17
الرسالة:


صباح الجمال كله

ازيك يا ريناد يا قمر

سما يا صباح النور عليكي شوفتي النور اللي هل علينا
ريناد قايمه من النوم وجيا تصبح عليكي
بجد يوم جميل بيوم صافي

صباح الخير عليكم جميعا


كاتب الرد: Barhoma
الرد فى: 13/04/2010 12:42:20
الرسالة:

صباح الخير وصباح الورد وأنا كمان جاي أصبح عليكم وعلى الناس


الحلوين واشوف كمان الحمام هنيالك يا عم محمد أنت تأكل حمام واحنا


عندنا ممنوع أكله في إيطاليا وأنا أول مره أجي عندكم هنا في المطبخ


وبرافو عليكم بجد وسما شطوره أوي في المطبخ وأنا نفسي في حاجات


كتير مصريه وانشاءالله يا سما هبقى أجبلك ريشيتات لأطباق ايطالية كتير


أيه مالك يا ريناد أنا شايفك زعلانه أوي أتمنى أن أكون غلطان في الأحساس


وصباحكم كله أكلات جميله ومكرونآت وحلويات وقشطة ..



كاتب الرد: سما القاهره
الرد فى: 13/04/2010 13:07:10
الرسالة:

صباح الفل

الحبايب كلهم متجمعين

صباح الفل ريري

صباح الفل محمد

صباح الفل دكتورنا الغالي


يارب تكونوا كلكم بخير ......

مع ارق امنياتي بيوم جميل مشرق......


كاتب الرد: سما القاهره
الرد فى: 13/04/2010 13:09:12
الرسالة:

فينك نودي

فينك رمانه ؟

**3*3*3*3*


كاتب الرد: RiiNaD Amr
الرد فى: 14/04/2010 09:14:08
الرسالة:

صــــبــــــاح الــــخـــير والــجمال

صباحك فل يا احلى سما

هقلبلك المطبخ صباحات شكلي

محمد

تسلم يارب انا كويسه الحمد لله

متخفش هصبح كل يوم خدت الاجازة خلاص

على قلبك يعني

دكتور محمد سالم .....صباحك سكر

تسلم يارب الحمد لله بقيت احسن دلوقتي

صباحكم فل وياسمين

كملوا طبخ يلااااااا


كاتب الرد: سما القاهره
الرد فى: 14/04/2010 13:42:22
الرسالة:

منوره ريري

ويارب دايما بخير ومعانا .


كاتب الرد: سما القاهره
الرد فى: 15/04/2010 12:43:47
الرسالة:

صباح الفل

واحلي صباح يارب

ازيكوا كلكم ويارب تكونوا بخير


انتي فين محمد الكويت

النهارده الخميس ومش شفناك ياقمر

والله داخله ىبالعافيه علشان اسال عليكوا

عندي برد ه ه ه ه ه هتشم ...........

شوفتوا انفلوزتي ............

صباح فل وياسمين ولا برد حياثر فينا ولا

عطس ده النهارده الحميس وبكره اجازه.


كاتب الرد: رمانه الميزان
الرد فى: 15/04/2010 23:37:28
الرسالة:


سما

الاخت الحبيبه

ملايييييييييييييييييييييييييييييييييييين سلامه عليكى من البرد


ادعوا الله ان يرفع عنك وينعم عليكى بنعمه الصحه والعافيه


كاتب الرد: سما القاهره
الرد فى: 17/04/2010 12:49:54
الرسالة:

الله يسلمك

رمانه وربنا يخليكي ليا

ادعيلي اوي بجد الصداع جامد اوي

والرشح حيموتني.


كاتب الرد: سما القاهره
الرد فى: 18/04/2010 10:09:37
الرسالة:


صباح الفل

صباح الياسمين

يوم جميل والحمد لله بدانا نخف


احلي عصير وبسبوسه حلاوه السلامه بتاعتي


عصير ليمون:


البسبوسة:


المقادير


2 كوب سميد
1 كوب جوز الهند
2 ملعقة باكنج بودر
2 بيضة
نصف كوب سكر
نصف كوب حليب سائل
فانيليا


الطريقة


تخلط جميع المقادير مع بعض ما عدا السميد وجوز الهند والباكنج بودر، في الخلاط. .
يوضع الخليط فوق السميد وجوز الهند والباكنج بودر ويخلط.
يوضع في صينية بعد دهنها بالزيت وتوضع في فرن متوسط الحرارة (180 س – 350 ف) مدة 15 دقيقة.
يحمر وجهها ثم تقطع وتشرب بالشيرة وصحتين وعافية على قلبكم. .



كاتب الرد: رمانه الميزان
الرد فى: 18/04/2010 16:09:57
الرسالة:

ياصباح البسبوسه

الله ياسما يارب يبعد عنك المرض ولا يعيده عليكى ابدااااااااااااااااااااااااااااااااا

عاوزة توجدينى هنا على طول اعملى لى بسبوسه

يااحلى سما

تسلمى ياسما على هذه البسبوسه الجميله

امال فين محمد بقالى مده مش شيفاه يارب يكون بخير

وغاليه معدتش بتدخل ليه ياستى شوفى هيا بتحب ايه واعمليه ليها علشان نشوفها على طول

احلى صحبه بحبكوا جدااااااااااااااااااااااااااااااا


كاتب الرد: سما القاهره
الرد فى: 19/04/2010 10:34:09
الرسالة:

منوره يا رمانه والله

ليكي وحشه
كلهم علي الفيس بوك

بيني وبينك بدا ياخدنا شويه .


كاتب الرد: غاليه
الرد فى: 19/04/2010 13:31:08
الرسالة:

بسيطه يا سما
نجيب الفيس هنا

..............................................

ايه الاغنيه دي ؟
هوا انتي اتعديتي من 82
الا صحيح هوا فين
شكله بطل يجوع


.........................................

شوفتي ازااااااااااي

انا كان عندي حق

انك من الورد ارق

شوفتي ازااااي

انا فيكي ما خاب ظني
واحساسي عنك صدق
وده الي عاجبني
كل ما فيكي امير امير
سبحان من خلق
ربنا ما يحرمك مني


طيب شوفتي ازاااي
ركزي وبطلي ضحك
والحقي الطبيخ
لاحسن كله اتحرق

اهو انا
طبختلك خاطره
بدل الكوسا ومحشي الورق

بالهنا والشفا
شفتي ازاي
بعرف اطبخ انا
شوفتي ازااااي
يا بت يا سماااااا



كاتب الرد: سما القاهره
الرد فى: 19/04/2010 13:50:55
الرسالة:

ههههههههههههه

شوفت ازااااااااي!!!!!!!!!!!!


شوفت وشافوا عنيا

اني بحبك قبل ما اشوفك

شوفت بعيني تبيخي ازاي

اتحرق وكنت سبب فيه يا عنيا


روحت المطبخ ولقيته شايط

جبت الحله وتحت الحنفيه وقالت طشششش


كاتب الرد: محمد1982
الرد فى: 19/04/2010 20:43:12
الرسالة:

احلي صحبه واحي صداقه جميله

اقولكم ايه ولا ايه

المشكله ان اتعودت علي ان ادخل الموضوع ده الصبح بس عشان اعمل حسابي في الغدا

وبما اني اليومين دول في ناس دعت عليا وانا كل يوم الصبح لاقي خمسمائه ورقه علي الصبح ولا اللي شغال في الارشيف

بس كده هبقي ادخل من بالليل عشان اعمل حساب تاني يوم

معلش يا سما هتقل عليكي يا قمر


------------------------------------


رمانه الميزان مش عارف اقولك ايه بجد غير ان ربنا يدوم المحبه اللي شايفها جواكي والطيبه

وكفايه سؤالك بجد يطمني كتير


كاتب الرد: سما القاهره
الرد فى: 20/04/2010 10:48:12
الرسالة:

صباح الفل

صباح مشرق جميل

ومنورين والف سلامه عليك يا ميدو

ان شاء الله الي يكرهوك

منوره نودي ورمانه وكل الي جه عندنا وزرانا

صباح الفل والياسمين والامل والتفاؤل والجمال .


كاتب الرد: سما القاهره
الرد فى: 20/04/2010 10:56:18
الرسالة:


انا لما ببقي مبسوطه بحب اكل بسبوسه تاكلوا معايا

يلا مين الي حيجيب الببسي؟

ومين الي حيجيب ايس كريم ؟

مهو مفيش حاجه الا لما تيجبوا ايس كريم لسما


بسبوسة بالقشطة حلى شرقي لذيذ و هي عبارة عن سميد و سكر و بيكينغ بودر و زبدة و قشطة علب و بالنسبة للحشو عبارة عن قشطة بلدي و تغطى البسبوسة بالشيرة

المقادير البسبوسة الشيرة
•2 كوب سكر
•2 قشطة بلدي
•2 قشطة معلبة
•100 غرام زبدة
•كوب و نصف سميد
•كوب سكر
•ملعقة صغيرة بيكنج بودر
•2 كوب سكر
•نصف كوب ماء
•نصف ليمونة صغيرة
•2 حبة قرنفل

الطريقة 1.توضع الزبدة على السميد و القشطة و السكر و البيكنج بودر و تخلط بالملعقة ثم يقسم المقدار إلى نصفين
2.يوضع القسم الأول في الصينية ثم توضع عليه القشطة البلدي
3.يوضع القسم الآخر فوقه ثم يوضع في الفرن إلى أن يحمر
4.ثم يخرج و توضع فوقه الشيرة


كاتب الرد: محمد1982
الرد فى: 24/04/2010 10:11:44
الرسالة:

صباح الجمال
صباح الحب

صباح الخير عليكم كلكم

سما
عاوز اكله كتير من المحبين بياكلوها او زي ما تقولي اللي متجوز جديد بياكل حمام
واللي ناجح بياكل محشي

طيب واللي بيحب بياكل ايه ؟؟؟؟

عاوزين اكله علي حسب المشاعر

يلا صباحك جميل يا ست الكل


كاتب الرد: سما القاهره
الرد فى: 24/04/2010 12:49:04
الرسالة:

ههههههههههههه

الاول صباح الفل

ثانيا يعني انت تغيب تغيب وتيجي تحيرني ؟

الي بيحب اعتقد مش بياكل اصلا يا محمد

يعني خير اللهم اجعله خير نفسه بتبقي مصدوده

بس لو انت عايز تاكل مفيش غير جوجل هو الي حيجوبني

وارجع اقلك صباحك فل وياسمين .


كاتب الرد: سما القاهره
الرد فى: 24/04/2010 14:57:27
الرسالة:


انا بقول تاكل ايس كريم ترطب علي قلبك



احسن يولع


والشكولاته دي ليك الا شايفه وشك اصفر يا حرام

اما الاكل جوجل احتار معايا

وقلي امشي يا هبله مفيش اكله للي بيحبوا

قوليله الحب بيشبع الحبيب بمجرد ما يشوف عنيه

وطيفه يهيم حواليه .



كاتب الرد: علاء الامبراطور
الرد فى: 25/04/2010 19:54:00
الرسالة:


مسااااااااااء الورد والفل على اخى ميدو 82 ووووووحشنى

احلا مساااااااااااااااء على احلى واشطر شيف سما القاهره

ايه رايك فى شويه الملوخيه الى انا عملتهم جنان والنبى


كاتب الرد: غاليه
الرد فى: 26/04/2010 09:19:18
الرسالة:


صباح الخير
والله زمان على مطبخك يا سما

يا سما اللي بيحب
وكلوه كيك وفراوله
وسلطة طماطم
لانه بيكون فاقد الذاكره
وفاقد التركيز
وبيسمع اغاني عجيبه
خدتي بالك انتي
وكل شويه في حال



طريقة عمل تورتة الفراولة
المقادير:
كيكة
بيتي كويكر الخليط الابيض//2ظرف دريم ويب //2ملعقة قشطه بارده//2فنجان
حليب باااارد//ثلاثة ارباع كأس مربى الفراوله// سويس رول بالفراوله //
فراوله طازجه......


الطريقة:


نعمل الكيكه وبعد ان تنضج نتركها لتبرد قليلا ونفتتها نحضر وعاء زجاجي
دائري ونغلفه بالبلاستيك الشفاف ونضع قليل من الكيك ثم نمسح بالمربى ثم
كيك ثم مربى وهكذا حتى نفاذ الكميه نقص السويس رول شرائح عريضه وندهنها
بقليل من المربى ثم نلصقها فوق آخر طبقه من الكيك نغلق الوعاء وندخله
الفريزر لمدة نصف ساعه ثم نقلبه ونزيل البلاستيك ونقوم بالتزيين

نعمل اول ظرف من الكريمه بفنجان ماء بارد وشوية فانيليا وندهن به القالب وبظهر الملعقة نعمل حركات على جوانب القالب ومن اعلى هكذا:


كاتب الرد: سما القاهره
الرد فى: 26/04/2010 09:31:53
الرسالة:

ههههههههههه

صباحك فل يا نودي

الله عليكي وعلي كيكك

دايما واقفه جنبي ربنا يخليكي للجعانين والمحبين

والمختلين والمهيسين

صبحك فل وياسمين


كاتب الرد: محمد1982
الرد فى: 26/04/2010 11:19:08
الرسالة:


شوفي يا سما من يوم الايس كريم والشكشكليته وانا مش عارف اقولك ايه

فعلا ده اكل الحبيبه
وبما انا ولهان في اللي ميتسماش ده عشان كده هضم تورته غاليه معاهم

يااااااااااااه نفسي راحت للمحشي والله

يا رب ابعتلي محشي النهارده يا رب ده النهارده الاتنين

بحبكم كلكم وبحب الناس الرايقه اللي بتضحك علي طول


كاتب الرد: محمد1982
الرد فى: 26/04/2010 11:23:26
الرسالة:

علاء باشا صباحك عسل صافي ابيض من الزبادي
هههههه
طبعا انت بتاع القشطه والورد مش هقدر اقولك حاجه
غير انك وحشتني قوي ويارب تكون بخير

وعاوز اقولك نظاراتك عامله شغل يا معلم وانت قاعد في القطر ههههه
بهرج معاك انت عارفني بحبك موووت

غاليه الغاليه صباحك نادي بكل الاوان الفراوله يا فراوله انتي يا قمر

صباحك جميل وسكر


كاتب الرد: علاء الامبراطور
الرد فى: 26/04/2010 12:39:59
الرسالة:


صباااااااااااااح الياسمين يا اخى الجميل محمد 82

وانتى كمااااااااان وحشنى قوووووووى يا غالى

صبااااااااااااااااحك سكر يا عمنا وربنا يخليك لينا


كاتب الرد: سما القاهره
الرد فى: 26/04/2010 20:19:22
الرسالة:

ههههههههههههه

يا ربي خرجوا الراجل ده من هنا

انا عمري مشوفت حد نفسه مفتوحه بالشكل ده

فاضي بياكل بيحب بياكل

هو و بياكل بياكل

حرااااااام الرحمه حلوه

كده البت حططفش منك يا 83


كاتب الرد: سما القاهره
الرد فى: 28/04/2010 19:03:32
الرسالة:

علاء الامبراطور اكلك عسل عسل والله


كاتب الرد: سما القاهره
الرد فى: 29/04/2010 10:13:57
الرسالة:



صباح الفل

صباح الياسمين

صباح بنور القلب الصافي

محمد 83 انت زعلول خلاص خلاص

حقك عليا وادلع علينا لغايه ما تدخل عوش الزوجيه

بس مش تقطع بينا كده


وحصالحك بحله محشي يالا علشان بس النهارده الخميس وانا عارفه

يعني ايه بالنسبه ليك الخميس


التحضير:

60 دقيقةوقت الطهي: 45 دقيقة المقادير: 1 كيلو باذنجان أبيض أو أسود رفيع
1 كيلو كوسة صغيرة
1/4 كيلو فلفل أخضر رومي
1/2 3 كوب أرز مصري
1 كيلو طماطم
كمية من الخضرة (بقدونس وشبت وكسبرة خضراء)
2 بصلة متوسطة
3 فصوص ثوم كبيرة
2/3 كوب زيت ذرة
ملح وفلفل أسود وبهارات وكمون
1/2 م ص زنجبيل أخضر مبشور ناعم
شوربة
ويضاف على الوجه:
ثمرتين طماطم
4 فصوص ثوم
ملعقتين كبار سمن
مكعب مرقة دجاج

التحضير:

1- تضرب الطماطم في الخلاط بعد غسلها ثم توضع في قدر على النار وتقلب من حين لآخر حتي يثقل سمكها وتجف إلى حد ما مياهها.
2- ينظف الباذنجان والكوسة بالمقوار الخاص بالمحشي بحيث يزيل قلب (بذور) الثمرة.
3- ينظف الفلفل بنزع عنقوده ثم يغسل الباذنجان والفلفل والكوسة جيدا ويتركوا ليصفوا.
4- تنظف الخضرة وتغسل وتفرم بالسكين فرما ناعما.
5- يفرم البصل والثوم.
6- يغسل الأرز جيدا ويصفى.
7- تضاف الخلطة إلى بعضها (الأرز والطماطم والبصل والثوم والخضرة والزنجبيل والتوابل والزيت) وتقلب جيدا ويراعى اعتدال مكوناتها بحيث لا يطغى اللون الأحمر على الأخضر.
8- تحشى حبات الباذنجان والفلفل والكوسة بالخلطة مع الحرص على حشو ثلثي الثمرة فقط.
9- يرص المحشي في قدر عميق واقفا أو نائما ويسقى بالشوربة الساخنة بحيث يصل مستواها لرؤوس الثمرات.
10- بعد رص المحشي تفرم المكونات الخيرة (الطماطم والثوم والسمن ومكعب المرقة) وترش على وجه المحشي ويفضل رشها قبل صب الشوربة.الطبخ: يوضع القدر على النار العالية حتى تغلي الشوربة وتبدأ في النقصان فتقلل النار ويجب الحرص على أن يكون الغطاء محكم الغلق ويترك على النار الهادئة حتى اكتمال نضجه ويمكن اختبار ذلك بتذوق باذنجانة (لانها تإخذ وقتا أطول في النضج) ويقدم المحشي ساخنا.

ملاحظات:

1- عند نزع قلب الكوسة بالمقوار يفضل ترك الجوانب سميكة أكثر من الباذجان لأنها لا تأخذ وقتا طويلا في النضج مثل الباذنجان.
2- يمكن إضافة مكعبة مرقة على الطماطم وإذابتها قبل وضعها على الخلطة إذا كانت الشوربة خفيفة.
3- يفضل وضع أطراف الخضرة في تحت المحشي في القدر لكيلا يلتصق المحشي بالقدر.
4- يجب متابعة نضج المحشي وإذا تشرب شوربته كلها قبل تمام نضجه يضاف له القليل من الشوربة.

وده من عند الجيران سرقته الا هو متعب في لفه

اما الحلو طبعا بسبوسه



وايس كريم طبعا وشكولاته




خلاص مصالح ولا لسه زعلوووووووووووووول


كاتب الرد: محمد1982
الرد فى: 29/04/2010 10:51:59
الرسالة:


ههههههههه
هههههههههههههههه
وحياتك اشوف انا المحشي والشكولاته والايس كريم وابقي زعلان
ده يبقي افتري مني
هو انا ليا مين غيرك يا قمر

صباح الخميس اللي بيحلي ايام حياتي



كاتب الرد: سما القاهره
الرد فى: 29/04/2010 12:13:54
الرسالة:

يا دي النور يا دي النور

صباحك فل ايها الصديق العزيز

منور من جديد ويارب ايامك كلها هنا وسعاده


ياربي ده انت بجد طيب اوي مش بتيجي غير بالمحشي


وخلافه طيب كل يوم من ده علشان مش تغيب عننا.

.


كاتب الرد: محمد1982
الرد فى: 06/05/2010 10:07:39
الرسالة:


يا بوي يا مصر لما الواحد بيحبك حب
اه اه اه
قد ايه الواحد بيحبها قد ايه مشتاق لاكلها وشربها

قد ايه نفسي في اكلة فول بالزيت الحار من عربيه اللي قدام مسجد الفتح
قد ايه شايف زحمتها ومن 15 دور شايف رمسيس كلها

صباح الخير عليكم

صباحك يا مصر صباحك وشمسك هتفضل منوره

صباح الحب عليكم ويا رب تكونوا كلكم بخير


كاتب الرد: سما القاهره
الرد فى: 06/05/2010 10:42:00
الرسالة:


صباح الفل

احلي صباح يا مصر

احلي صباحة علي منتدانا حبيبنا

احلي صباح علي حبايبي رمانه وغاليه ودودي وعلاء الامبراطور

وكل الي بيجي يزورنا وحشتوني ........

احلي صباح لاغلي محمد في الكويت


يا صباح الفول بالزيت الحاررررررررررررررر

صباح الاشتياق ليكي يا بلادي صباح الورد يا بلادي

صباح الياسمين

صباح بلون ضحكه اطفالك الحلوين.......


تعالي بقي يا استاذ محمد انت مفيش غير الفول ........

ولا علشان كسبك زمان

بقي طبقك المفضل

يا صباح المحشي والحمام

ده النهارده الخميس


محشي ورق عنب

المقبلات الشامية اللذيذة و هو عبارة عن ورق العنب المحشي بالأرز و البصل و الطماطم و البقدونس و النعناع مضافا إليه الليمون

المقادير •ورق عنب
•كوب أرز مصري
•كأس بقدونس
•كأس نعناع
•نصف كـأس بصل
•نصف كأس طماطم
•نصف كأس زيت زيتون
•كوبين عصير ليمون
•ملعقتين صغيرة ملح ليمون
•ملح
•فلفل أسود
•حبتين بطاطس
•ماء
الطريقة 1.يغسل الأرز و ينقع لمدة ساعة و نصف
2.في هذه الأثناء يفرم البصل و الطماطم و البقدونس و النعناع و تقطع البطاطس لشرائح
3.يخلط الأرز و البصل و الطماطم و البقدونس و النعناع و الملح و الفلفل الأسود و بعضا من عصير الليمون و زيت الزيتون
4.يحشى ورق العنب بملعقة صغيرة من الحشو ثم تلف
5.يوضع بعضا من الزيت في الإناء و كذلك شرائح البطاطس لكي لا يلتصق ورق العنب بالإناء بعد ذلك يرص ورق العنب في الإناء
6.يذاب ملح الليمون في الماء و يضاف إلى مرق العنب
7.و يترك ورق العنب على نار هادئة لمدة ساعة في أثناء ذلك يضاف عصير الليمون كل فترة
8.بعد نضوج ورق العنب يترك ليبرد و أفضل أن يبقى في الثلاجة ثم يقدم


كاتب الرد: محمد1982
الرد فى: 06/05/2010 11:24:19
الرسالة:

الله علي احلي اغنيه بموت فيها
بسمعها بقول دي امي لالالا
دي حبيبتي اللي بانتظرها لالالالا
دي اختي اللي باموت واشوفها لالالالا
دي حبيبتي مصر اه والله هي فعلا بموت فيه
الله يا سما المطبخ بقا شكله حلو قوي بورق العنب

صباح جميل بيوم الخميس ي قمر الليالي


كاتب الرد: سما القاهره
الرد فى: 06/05/2010 12:03:04
الرسالة:

الحمد لله انه عجبك

ويارب دايما مبسوط وسعيد

ويرجعك بالسلامه لاهلك ولوطنك .

يااطيب محمد في الكويت
.........


كاتب الرد: رمانه الميزان
الرد فى: 06/05/2010 22:23:15
الرسالة:

الله الله ياسما

بجد وحشتينى وايه الاغنيه الجميلة دى

وحشتونى كلكم

ازيك يامحمد عامل ايه شفت بقى ياعم دعواتى ليك وخصوصا يوم الجمعة

ربنا يفرحنا بيك عن قريب ويجمع شملك مع من تحب

وغاليه الغاليه انا بشوفها كتير برة المطبخ بس عليكى مواضيع رائعه زيك ياغاليه

بحبكم مووووووووووووووووووووووووت ووحشتونى


كاتب الرد: سما القاهره
الرد فى: 08/05/2010 09:36:05
الرسالة:

صباح الفل
صباح الياسمين

صباح القلب الابيض
صباح الخير يا بلادي
يارب بخير واهلك عايشين بالايمان موحدين

بالامل منتظرين فجر جديد سعيد لينا ولاولادنا
بحبك بحبك بحبك

يا
مصـــــــــــــــــــــــــر


كاتب الرد: سما القاهره
الرد فى: 08/05/2010 09:39:18
الرسالة:

رمانه الميزان

حبيتي وحشتني اوي اوي اوي

ربنا ما يبعدك عننا والمطبخ كان وحش من غيرك

حبي واشتياقي لاختي الغاليه


كاتب الرد: سما القاهره
الرد فى: 08/05/2010 10:10:51
الرسالة:

صباح الفل علي الكل والي يجي يطل ويقلي تسلم ايدك يا ست الكل


طبقنا النهارده


كبـــــــــــــــــــده

من المأكولات الحجازية و يمكن أن تؤكل مع الفطور أو الغداء أو العشاء و هي عبارة عن كبدة الضأن أو الجمل تطهى في السمن مع الثوم و الكمون و الكزبرة الناشفة و الملح

المقادير

•200 غرام الكبد
•4 فصوص ثوم
•ملح
•فلفل أسود
•كمون
•كزبرة ناشفة
•3 ملاعق سمن


الطريقة

1.يقطع الكبد شرائح و يفرم الثوم
2.يحمر الثوم في السمن قليلا ثم يضاف الكبد و البهارات و يحرك إلى أن تنضج الكبد ثم تقدم


كاتب الرد: محمد1982
الرد فى: 10/05/2010 09:59:36
الرسالة:

صباح الخير ...صباح الخير... صبااااااااااح الخير

صباح جميل اليوم , مع اني ميت من النعس ولو ريحت علي الكرسي هبقي في سابع نومه
وبما ان الواحد مش نايم كويس حبيت ادخل اسمع احلي اغنيه غناها حسين الجسمي او معرفتوش اصلا ان هو مغني الا لما غناها في الفيلم

-------------

صباح اجمل صباح علي انسانه بجد تشع من الاخلاق والقيم والمباديء كلها

انسانه اني اتشرف ان لها بصمه هنا وان لها كاخ وتشرفت ايضا اني في يوم اتيت الي هنا لكي تاتي وتسلم علي كل الموجودين

رمــــــــــانه المــــــــــــــــيزان

اقولك ايه بس يا رمانه والله حاسس بدعواتك دي ويا رب افرجها علي كل المسلمين يا رب انت عالم بالحاااااال

--------------------

صباح الخير يا سما

فكري في اكله حلوه كده علي ذوقك ده احنا معانا ناس جميله لازم نضيفوها

عاوز اليوم كشري بالشطه بالزيت يعني بتبقي مولعه حراقه قوي

ومتنسيش الدقه والخل وبصل كده علي ذوقك والورد يا ورد

تعبتك انا عارف اعمل ايه كلمت واحد صاحبي امبارح بقوله بتاكل ايه قالي باكل كشري وانا بمووووووت فيه قولتله من بكره الصببح هخلي سما تعملوهولي ولا الحوجه لامثالك وتيييييييييت

الاقاكم في رعايه الله وحفظه


كاتب الرد: سما القاهره
الرد فى: 10/05/2010 11:38:20
الرسالة:



صباح الفل صباح الياسمين

احلي صباح علي منتدانا الحبيب

صباح الفل علي الكل

صباح مملوء برائحه الزهور

رمانه ميدو علاء غاليه وكل زوار المطبخ

هلا بيكوا ويارب يسعد ايامكم

احلي صباح يا بلدي

صباح منور علي ولادنا الي بيمتحنوا يارب معاهم ومع كل الطلبه وكل حبايبنا


واخيــــــــــــــــــــــــــــــــــــــــــــرا


الكشــــــــــــــــــــــــــــــــــــــري



يعتبر من المأكولات المصرية المشهورة جدا و اللذيذة و هو عبارة عن أرز و عدس أسود و مكرونة صغيرة و بصل و ثوم و طماطم و كمون و كزبرة ناشفة

المقادير

•نصف كوب من العدس الأسود
•كوب من الأرز المصري
•نصف كوب من المكرونة ذات الشكل الأنبوبي الصغير جدا
•3 حبات من البصل
•3 حبات طماطم
•1 ملعقة كبيرة صلصة طماطم
•ملح
•فلفل أسود
•كمون
•1 حبة فلفل أخضر حار
•2 فص ثوم
•ماء


الطريقة

1.يقطع البصل شرائح و تفرم الطماطم و الفلفل الأخضر الحار و يطحن الثوم
2.تسلق المكرونة حسب الإرشادات المدونة على العبوة
3.يحمر البصل في الزيت إلى أن يصبح لونه ذهبيا
4.يوضع العدس و يغطى بالماء و يترك على نار هادئة ثم يضاف الأرز و يقلب سويا و يترك حتى ينضج الأرز
5.في هذه الأثناء يحمر الثوم و يضاف إليه الطماطم و صلصة الطماطم و الملح و الفلفل الأسود و الكمون و الفلفل الأخضر و يترك إلى أن يتكثف
6.يؤخذ بعض من الصلصة و تخلط مع المكرونة
7.يوضع الأرز في صحن التقديم و فوقه المكرونة و الصلصة و البصل المحمر

ثم يقدم ساخنا






كاتب الرد: ر و بــي
الرد فى: 12/05/2010 23:05:17
الرسالة:

صباح الخير على كل الموجودين

صباح جميل على الناس الحلوين

واحلى صباح لسما القاهره


بصى بقى بما انى اول مره ادخل المطبخ

وبما انى فرحانه شويه صغنتتين

انا عاوزه منك بقى تورتايه كبيره بالشيكولا ومحشيه بعين الجمل

يااااااااااااه دانا جوعت اوى

صحيح نسيت وكمان عايزه تورته ايس كريم

معلش هتعبك معايا


ومتديش ميدو منها حاجه


وباى باى بقى


كاتب الرد: رمانه الميزان
الرد فى: 13/05/2010 08:40:39
الرسالة:


صباح الياسمين

وصباح السعادة

وصباح الهنا

على اجمل اخوات

سما

ومحمد

وغاليه

وروبى العسل


سما ازيك عاملة ايه

انا ملاحظه غيابك اكيد علشان امتحانات الاولاد مش كدة

ربنا معاكى وان شاء الله تفرحى بنجاحهم يارب

وسلامى ليكوا كلكم


كاتب الرد: سما القاهره
الرد فى: 19/05/2010 13:10:28
الرسالة:

صبا ح الفل

وحشتوني بجد اوي اوي اوي

يارب الكل بخير

وان شاء الله حعملك التورت بكره ان شاء الله روبي

ومش حدي لمحمد 82 حته بس كده

بيني وبينك احسن علشان هو حياكلها منك كلها يا حرام


واكيد ومن المتوقع حياكلها في بير السلم بتاع المنتدي

رمانه روبي غاليه ودودي ومحمد 82 وعلاء الامبراطور وكل زوار المطبخ

سلامي للجميع واتمني السعاده والرضا والنقاء والصفاء لقلوبكم


كاتب الرد: رمانه الميزان
الرد فى: 21/05/2010 21:46:13
الرسالة:

احلى مساء

لاجمل اخوات

سما ازيك عاملة ايه وحشتينى

حاسة ان مودك مش هو فيه حاجة مزعلاكى

اتمنى ليكى صلاح الحال والسعادة يارب

ومحمد انت فين

وحشتنا ووحشتنا يومياتك الجميلة وطلباتك من سما

انتو فين اخوانى ربنا يسعدكم يارب


كاتب الرد: سما القاهره
الرد فى: 22/05/2010 01:01:05
الرسالة:

مساء الفل رمانه

ابدا مفيش شئ بس حاسه بملل شويه ومليش نفس

اعمل حاجه.

شويه وابقي زي الاول وان شاء الله البي كل طلباتكم .


كاتب الرد: محمد1982
الرد فى: 23/05/2010 02:20:03
الرسالة:

مساء الخير عليكم في صباح الخير
والله ما عارف اقولكم مساء ولا صباح
الدنيا شقلبت معايا

نواره المنتدي رمانه الميزان

يسعد مسائك وينور صباحك يا ست الكل
اقولك بقا يا ست الكل ايه اللي انا مشغول فيه

دلوقتي يجيني الصبح وانا بجري علي الشغل عشان الحق بدل ما اسمع كلمتين ولا اشوف نغزتين من عمنا المدير ده ربنا يجعل كلامي خفيف عليه وينسي بكره الي طلبه مني

ربنا يسعدك يا رمانه ويسعد ايامك يار ب
طيب هقولك علي حاجه ويمكن مش هتصدقيها
في مره كنت غايب من الشغل عشان عاوز اطبخ في يوم ونفسي بقا اكل اكل بيتي تعرفي عملتي ايه
قولت للمديرانامش جي بكره
قالي ليه
قولتله بصراحه حاسس اني هفتان وعاوز اكل اكل بيتي
بصلي حته دين بصه وورقعني اجازه وتوصي
صحيت الصبح وعاوز اطبخ واصحابي عازمهم وكله عرف اني غبت عشان اطبخ وهي اصلا حجه عشان اخلي الخميس بدل ما هو يوم يبقي يومين في الاسبوع
طبعا دخلت علي النت صبحت علي اصحابي وكل اللي اقابله اقوله عاوز اطبخ ومش عارف اعمل ايه
منهم اللي قفل في وشي
ومنهم اللي مسح اميلي
ومنهم اللي نكر معرفتي اصلا
يطلعلي بقا ابن حلال مصفي وانسان ذوق والله ذوق
قالي طيب اكتب الطلبات دي وروح هاتهم من اي سوبر ماركت
هههههههه
عارفه زي ما بيكلم عيل صغير بقوله طيب قول قالي هااااااات ورقه وبزعاق بقا جبت الورقه وكتبت اللي قال عليه
ورجعت
شغلت السماعات وجبتهم المطبخ وفضل معايا علي النت لحد ما طبخت اللوبيا كلها
وكانت اكبر حلة لوبيا عملتها عشان مش هشوفها تاني ولحد دلوقتي ما اكلتها
ههههههههههه
لا عدم فضي يعني
ولحمه بقا
وتحمير البصل ييييييييييييه عشت انا في اليوم ده
رجعوا اصحابي وكل واحد شايل بطنه ولا فطروا
وهاتك يا اكل
تصدقي كلهم قالوا انت بتعملها احسن من امي
والتاني يقولي مراتي مين يا عم هو في احسن من كده
طبعا الككلام ده مفرحنيش ابدا
ده تعبني جدا لانهم لحد الان بيقولولي اطبخ لنا لوبيا تاني
وانا ادخل المطبخ مرتين في السنه ابداااااااااااااااا

بس
تعبت

سما
صباح الخير
عاوز اكل لوبيا والنبي هفتان وعاوز اربرب خسيت انا اليومين دول
ودماغي وقفت مش عارف اعمل ايه
معندكيش علاج يا اختي سما


سيبك بقا انتي بتقولي زهقانه وتعبانه

طيب من هنا ورايح لانا متعبك

ها بس


كاتب الرد: محمد1982
الرد فى: 23/05/2010 02:25:00
الرسالة:


روبي اختي الجميله بجد
مش عارف اقولك ايه علي التورته اللي مش عاوزه تديني منها حته
عارف انك مش طيقاني ولا طايقه اسمي
بس ربنا يعلم بالظروف حقيقي

مش هتديني بقا تورته مصعبتش عليكي
زي ما انتي شايفه داخل بالليل والناس نيام

وتسلمي يا ت البنات علي السؤال ولينا مع بعض تورتات كتير ما شيفتنا الجميله سما

ســـــــــــــــــــــــمــــــــــــــــــــــــــــا

عاوز تورته

يبقي المطلوب منك تورته ولوبيا

وهاكلهم مع بعض

ها


كاتب الرد: سما القاهره
الرد فى: 23/05/2010 11:32:45
الرسالة:

يا صباح الفل والياسمين

صباح مشرق جميل علي كل الاعضاء الحلوين ومنتدانا الحبيب

وحشتوني اوووووووووي

رمانه محمد غاليه روبي علاء الكل بجد بجد وحشتوني

ويلا بسم الله نبدا .........

تورته الواحه حاجه جديده كده زي يومنا الجميل ده

تزيين الكيك بشكل واحة بها بحيرة صغيرة و بعض من الحيوانات و الأعشاب و كذلك بعض من الأغصان المتناثرة

هي طريقة سهلة و سريعة تصنع للحفلات و المناسبات الخاصة بالأطفال و خاصة الذين يحبون الحيوانات

والي بيحبوا المزرعه برضوا هههههههههههه.

الاحتياجات


•1 كيك اسفنجي دائري الشكل
•450 غرام كريمة تزيين الكيك الجاهزة بنكهة الفانيلا
•ربع كوب شوكولاتة بيضاء مبشورة ناعماً
•1 ملعقة كبيرة جيلي بنكهة التوت الأزرق
•ثلث كوب ماء ساخن
•400 غرام من بسكويت أصابع الشوكولاته
•1 ملعقة كبيرة فستق مطحون
•30 غرام شكوكولاتة فليك
•6 حبات صغيرة من الشوكولاته المحشوة باللوز
•1 حبة من حلوى الجيلي الخضراء
•مجموعة حيوانات لعبة

الطريقة

1.يوضع الجيلي في سلطانية و يضاف إليه الماء و يحرك حتى يذوب الجيلي ثم يوضع في الثلاجة مدة ساعة أو حتى يجمد جزئياً
2.بعدما يخبز الكيك يترك حتى يبرد كليا حوالي ساعة على الأقل ثم يقلب في صحن التقديم و يقطع من السطح بواسطة سكين صغيرة شكل صغير ليشكل البحيرة دون الوصول إلى القاع ثم يدهن الكيك بالكريمة من جميع الجهات
3.يوضع بسكويت أصابع الشكولاتة حول جوانب الكيك من جميع الجهات ثم ترش الشوكولاتة البيضاء حتى يغطى سطح الكيك و يشكل ما يشبه الرمل
4.يوضع الجيلي في المكان المخصص للبحيرة و تقطع حلوى الجيلي الخضراء إلى شكل متعرج نحيف يشبه ورق النبات ثم يوضع في طرف البحيرة
5.تقطع الشوكولاتة الفليك نصفين ثم توضع على الكيك و كذلك ينثر بعض من الفستق و توضع حبات الشوكولاتة الصغيرة متقاربة لتشكل الحصى ثم
6.توضع الحيوانات ثم يضاف مزيد من الشوكولاتة البيضاء المبشورة

ثم تقدم ويارب تعجبكم وباكولوا جبت في المزرعه بقرا جميله

لبنها ازرق ربنا يستر عليا .


كاتب الرد: سما القاهره
الرد فى: 23/05/2010 13:15:39
الرسالة:

اللوبيا باللحمه


المقادير:

كيلو لوبيا مقطع ومنظف
لحمة مقطعة
بصلة كبيرة مقطعة مربعات
3 فصوص من الثوم
فلفل ا حمر
سبع بهارات كمون قرفة
4 حبات طماطم مقشرة ومقطعه قطع صغيرة
زيت زيتون

الطريقة

تحمي الطنجرة جيدا وتضعي قطع اللحمة حتى تنشف ميتها وتتحمر تضفي عليها الزيت وتقلبيها جيدا
وبعد ذلك تضيفي البصل والثوم والفيلفلة وتحريكهم جيدا حتى يذبلوا وبعد ذلك تضفي اللوبيا وتحركي الخليط جيدا
وتتريكيهم على نار قوية مدة 10 دقائق حتى تتقلى اللويبا وبعد ذلك تضعي النار على الوسط (يعني مش قوية كتير ولا خفيفة كتير) وعندما تستوي تضيفي البهارات والملح وتضيفي الطماطم المقطعة وتحريكيهم جيدا جيدا حتى تذبل الطماطم مش اكتر من ربع ساعة (وكمان ممكن تسويها من دون بندورة)
وتقدم بالف هنا وشفا يارب تعجبكم


والله تعبت علي ما عملت التورته واللوبيا


النت وحش خالص يلا المهم تكونوا مبسوطين يا اغلي واعز الناس علي قلبي.


كاتب الرد: سما القاهره
الرد فى: 24/05/2010 12:38:09
الرسالة:

صباح الفل والياسمين

احلي فطار واحلي ساندويتش

يلا بقي فينك محمد لو ملحقتش الفطار ابقي خليه عشا بقي

رمانه الاجازه حلوه حلوه زي السكر

اغلي الاحباب الفطار النهارده


بطاطس بالبيض


المقادير

4 حبات بطاطس
2 بيضه
ملح وفلفل وزيت للتحمير

الطريقه

نقطع البطاطس مكعبات صغيره ونحمرها في الزيت

وضعها في طاسه تانيه بعد ما نصفيها من الزيت ونضع عليها البيض

المخفوق جيدا بالملح و الفلفل ويصبح قرص جميل نحضر العيش الكيزر

ونحشي الساندوتشات وتقدم ساخنه مع الخيار او المخلل .

والف هنا وشفا


كاتب الرد: سما القاهره
الرد فى: 26/05/2010 10:16:38
الرسالة:

صباح الفل

صباح الانوار صباح الخير والسعاده علي

مطبخي الجميل

وزوار مطبخي العساسيل .


اوحوا بقي يا جماحه ....

عايزه اعمل طبخه ريحتها تفوح للمنتديات الي جمبنا

يا تري طبخه ايه الي ريحتها بتبان من اخر الشارع ؟؟؟؟؟؟؟


فكروا وردوا عليا .



كاتب الرد: محمد1982
الرد فى: 26/05/2010 10:48:49
الرسالة:

صباح الفل يا سما
صباح كل امل وسعاده
صباح مليئ بالخير ويا رب تفرحي اكتر واكتر

الف مبروك لنجاح اولادك
والف مليون مبروك ليكي ويا رب تفرحي بيهم قريب

عاوز ملوخيه بالارانب

دي بقا تبقي ريحتها تجنن

ومع طشه الملوخيه تبقي روعه


صبااااااااااااااح الخير عليكي يا قمر


كاتب الرد: سما القاهره
الرد فى: 26/05/2010 11:36:16
الرسالة:

ااه

ويا سلام بقي لو محمد 82 هو الي يشتري الارنب

تعالوا نشوف محمد 82 في السوق حيعمل ايه ؟


طبعا هو حيزوغ من المدير كالعاده يعني


مديره بقي الي ماادري ايش بيحب الفول السوداني

زي اصحابنا القرود

خرج محمد وتسلل بحجه البنك الي السوق

وقف يبحث يا تري الارانب فين

مش لازم يعملولها قسم


زي عندنا في الشغل قسم حسابات قسم مراجعه

قسم ورش.

الله يسامحك يا سما مقلتيش عايزه الارنب نوعه ايه ؟


ال يعني انا بعرف افرق دول لو ادوني ارنبه وحامل مش حعرف هي في الكام !!!

ايه الورطه دي ؟

محمد: انت يا عم عندك ارنب سمين كده يكفي لعيله شبيك؟

البياع : لا يا سيدي انت عايز ديناصور علشان يكفيكوا .

محمد : انت حتحسدنا ولا ايه ؟


وفي نفس الوقت كانت غاليه نازله تشتري طلباتها ولقت محمد

بيتلفت يمين وشمال وكانه في امتحان الثانويه العامه غشاش

غاليه: في ايه محمد مالك محتسا وفي شبر ميه منداس ؟

محمد: وكان النجده من السما جت وحلت عليه رحمتها


غاليه الحقي مش عارف اشتري ارنب

تنحنحت غاليه وقالتله اركن انت علي جنب راحت اخنارت ارنب


محترم وقاعدت تفاصل في تمنه

وطلعت عين الفراجي لغايه مخدته بالمبلغ الي عايزاه

ونظر لها البياع وهو يلقظ انفاسه الاخيره .

غاليه : عايز ايه تاني محمد ؟

محمد الملوخيه بقي الا المره الي فاتت جبتلها جرجير

وكانت حترميني من الشباك


غاليه : طيب تعالا ورايا.

وتقدمت امامه وكلها ثقه ورياده كالعاده

واشترت له الملوخيه واخدها وانطلق الي مطبخ سما وكأن هما علي كتفيه وانزاح ............


كاتب الرد: علاء الامبراطور
الرد فى: 26/05/2010 12:03:22
الرسالة:


صبااااااااااااااااااح الياسمين على ميدو الغالى

احلى صباااااااااااااااح على احلى سما فى الدنيا ايه الحاجات الحلوه دى

تسلم ايدك يا سما وصبااااااااااااااااااحك سكر وعسل


كاتب الرد: سما القاهره
الرد فى: 26/05/2010 12:21:58
الرسالة:

اخيـــــــــــــــــرا

دق جرس الباب

ههههههههه

ايه التاخير ده يا استاذ انت ناوي تتعشي بقا مش تتغدي


محمد وهو يلهث ومش عارف ياخد نفسه من السلم

المهم اني جبتلك حاجه ايه لوز خالص


سما وهي تمصمص شفتيها وهي غير مقتنعه ان محمد


ممكن يجيب غير الحاجات المضروبه علشان بيضحكوا عليه في السوق


شافت الارنب لاقته حاجه فل اوي واخيرا جاب ملوخيه مش جرجير


ايه الشطاره دي محمد انت الي اشتريت الحاجات دي لوحدك تتحسد

وضع ايديه في جيبه علامات الفخر


طبعا هو انا قوليل في البلد دي يا سما ده احنا

نعجبوكي اوووووي

اخدت اضحك عليه ماشي يا عم المعجباني

ودخلت علي المطبخ

وندهته محمد جه جري مالك سما في ايه ؟

طلعت البوك بتاع غاليه وسالته بتاع مين ده ؟

اتكسف وقالي اه بتاع غاليه

وضحكت كثيرا عرفت طبعا ات غاليةهي الي اشتريت الحاجات دي

طيب يلا بقي ادبحه معايا وشد جامد علشان نسلخه


محمد: لالا انا مش بحب ادبح

سما : خلاص انا ادبح بس انت لازم تسلخه

معايا امال حسلخه لوحدي وافق علي مضض وهو يتمتم بكلمات غير مفهومه

بس علي مين والله لطلع عينه النهارده علي التاخير والغياب عن المطبخ

طول الايام الي فاتت.


كاتب الرد: رمانه الميزان
الرد فى: 26/05/2010 14:25:36
الرسالة:

مساء السعادة والهناء

على احلى اصحاب

ازيك ياسما ومبروك لاولادك ويارب دائما النجاح

ايه يامحمد انت تغيب تغيب وترجع تتعب سما كده

يعنى بدل ماتجيب الجاتوهات والتورت والحاجه الساقعه

تيجى تتطلب كده على طول وملوخية كمان وبالارانب

والله انت بتصعب عليا يامحمد ربنا يكرمك يارب ويرزقك بالرزق الحلال يارب

يسعد مسائكم احلى اصحاب


كاتب الرد: سما القاهره
الرد فى: 26/05/2010 19:08:49
الرسالة:

علاء اسعدني مرورك هنا

منور التوبيك وربنا يخليك دايما راقي بحضورك

وصباحك ومساءك فل.


كاتب الرد: سما القاهره
الرد فى: 26/05/2010 19:13:50
الرسالة:

رمانه منوره التوبيك يا قمر

دايما بحضورك قلبي بيفرح وبحس ان جنبي

عزوه ربنا يخليكي ليا يارب.


كاتب الرد: غاليه
الرد فى: 26/05/2010 21:44:28
الرسالة:


طيب كويس انه اخيرا وافق ولو على مضض
اه يا اوووووووختي لقيته في السوق
مش عارف الارنب من الفار
ولا الملوخيه كان جايبلك بدالها بقدونس
يا بنتي ابقي ابعتي علاء المره الجايه
علاء يمتلك خبره في انواع الخضار
مش زي محمد 82 وضعه متضعضع خالص بالحكايه دي


كاتب الرد: غاليه
الرد فى: 26/05/2010 21:48:51
الرسالة:

اختنا العزيزه رمانة الميزان
مساء الخير ونتمنى تكوني بخير
وحشتينا ...
اتعشيتي ملوخيه مع الارانب ولا لسه؟

على فكره يا سما هنا عندنا مفيش حد بياكل ارانب خالص
ولا بنفكر فيها ...بيقولوا زمان كانوا ياكلوها ...
بس هلا يا فراخ يا بلاش


كاتب الرد: سما القاهره
الرد فى: 26/05/2010 23:43:01
الرسالة:

مساء الفل

اه علشان كده ارنبك زي الفيل

ابعتي شحنه طيب لمصر .

واحنا نوردلكم عسليه .



كاتب الرد: ر و بــي
الرد فى: 27/05/2010 00:06:06
الرسالة:

ههههههههههههههههههههههههههه

صباح الخير على الجميع

سما القاهره , غاليه , رمانه الميزان , محمد 82 , علاء الامبراطور


ايه يا سما الحاجات الحلوه دى وملقتيش الا ميدو اللى تبعتيه

هو ده بيعرف فى حاجه خالص

يلا بقى اهو يعمل حاجه بدل ما هو قاعد كده

ههههههههههههههههههه

وعايزاكى تطلعى عليه القديم والجديد علشان تاخيره ده

وعيزاكى تعملينا قرع عسل علشان بحبه جدا

معلش بقى تعبينك وكل يوم دوشينك


كاتب الرد: غاليه
الرد فى: 27/05/2010 08:23:06
الرسالة:

هههههههههههههههههههههههه
احنا بنربيهم للزينه وللعب
بس مش بناكلهم
ولو جيت مصر مش حاكل ملوخيه غير ما اشوف
معموله على ايه
واشوف الفرخه بتندبح وبتتحمر قصاد عيني
تعرفي مره جدي عمل صينية ارانب بالفرن
وقعد ياكل قصادي اغمن عليا هههههههههههههههه


كاتب الرد: غاليه
الرد فى: 27/05/2010 08:24:00
الرسالة:

روووووووووووووبي
صباحك ياسمين وعسل
بصي قرع العسل
نجنا مسمينه قرع جلاطي
او قرع جلاتي
*9*9


كاتب الرد: ر و بــي
الرد فى: 27/05/2010 16:22:47
الرسالة:

ههههههههههههههههههههههه


قرع جلاطى

انا قربت اكرهه يا غاليه

ههههههههههههههههههههه

تسلميلى يا قمر انا كمان مش بحب الارانب

انا اتفرج عليها وبس انما تندبح ممكن اعيط علشانها

ههههههههههههههههههههههههههههه


كاتب الرد: سما القاهره
الرد فى: 27/05/2010 23:24:11
الرسالة:

هههههههههه

مفيس حد بيشجعني ويقلي بموت في الارانب

ياربي

عقدوتني محسسني باكل فران

في ايه يا جماحه .


كاتب الرد: سما القاهره
الرد فى: 28/05/2010 12:06:24
الرسالة:

يا صباح الفل علي الكل صباح مشرق سعيد


كاتب الرد: غاليه
الرد فى: 28/05/2010 14:27:41
الرسالة:



هههههههههههههههههههههه
هوا ده المقصود
انتي ايش ضمنك انه الارنبه ابو عيالها مش فااااااااااااااااار

هههههههههههههههههههههههههههه
صباح الخير يا سما
ولمي كلبك يا سما
وبدل ما توكليه لحمه
وكليه باميه
خليه يبطل مسعووووووووووور

واعذر من انذر
وبلاش ابعتلك عالمزرعه غووووووول
ترا انا مخاويه الجن الازرق

ههههههههههههههههه
بصي حروح اطبق بصينتين الكفته
وحده مع طماطم ووحده مع بطاطس وطحينه

اتغدى وارجع نتكلم في التبيخ
بقلك ايه مشوفتيش ام اسماعيل


كاتب الرد: ر و بــي
الرد فى: 28/05/2010 21:54:17
الرسالة:


صباح الخير على الناس الحلوين

ماعدا ميدو وهو عارف ليه

هههههههههههههههههههههههههههههههه


معلش يا سما حظك بقى

وصحيح ايه ضمنك ان ابو عيال ارنب مش فار ولا قطه

هههههههههههههههههههههههههههههههه


والنييييييعمه المزرعه جننت الناس

وخليتك تنسى قرع جلاتى على راى غاليه



كاتب الرد: محمد1982
الرد فى: 29/05/2010 11:00:24
الرسالة:

هههههههههه
صباح الفل عليكم جميعا
صباح الياسمين علي روبيه وغاليه وسما
صباح الفل علي رومانه الميزان اللي مش ظاهره بقالها فتره

روبيه حسابك معايا عصير بالجوافه
غاليه ام اسماعيل بتسلم عليكي كتير وبتقولك بطلي كسل ويلاا روقي القاعده عشان السوق بدا يتزحم
عاوزك تبقي فل يا بتاع الفل

اما بقا سما القاهره اللي متعبها بقالي كتير ومش عارف ايه اللي مصبرها عليا كل ده

عاوز اكل حمام

وحياتك عاوز اكل حمام

نفسي في الحمام

اموت واكل حمام

يا ربي لو تعملي حمام

روبي مش هوكلك معايا حمام

غاليه مش هتريشي الحمام

رمانه هتاكلي اكيد معايا حمام

مستني الحمام


كاتب الرد: ر و بــي
الرد فى: 29/05/2010 11:18:11
الرسالة:

هههههههههههههههههههههههههههههههه

صباح الخير على الناس الحلوين

وبردو ميدولالالالالالالالالالالالا

ومش عايزه منك حاجه كله لوحدك

وسما مليش دعوه انا عايزه قرع جلالالالالالالالاتى

ولو عملتى لميدو الحمام الاول هزعل

انا جيت قبليه
هههههههههههههههههههههههههه


واحلى تحيه وصباح على رمانه ويارب تكون بخير


كاتب الرد: سما القاهره
الرد فى: 29/05/2010 11:43:36
الرسالة:

صباح الفل

صباح الياسمين علي حبايبي كلهم

بصوا بقي الي يقول حاجه يعملها غاليه انزلي بالقرع بتاعك

ده انا لسه معملتش الملوخيه يطلعلي قرع

ارحموا الرحمه حلوه .........


وانت يا محمد روح قطف الملوخيه الاول .

رجاله كسلانه اخر حاجه .


كاتب الرد: سما القاهره
الرد فى: 29/05/2010 12:34:34
الرسالة:

وطبعا محمد بيه مشوفتش وشه تاني رمالي الحاجه وجري


فانا الي ادبست في التقطيف وعمايل الملوخيه بالارانب


لوحدي ايوه الله لوحدي

ملوخية بالارانب بالصور


المقادير


2ربطة كبيرة ملوخية--- 12 رأس ثوم --2ملعقة كبيرة كسبره جافه مطحونة--ملح --2ملعقة سمن
4كوب تقريبا من مرق الأرانب أو دجاج ولكنها مفضلة دائما مع الأرانب لأنه غير دسم
كمية الأرانب حسب عددأفراد الأسرة


الطريقة


يدعك الأرنب بالملح والدقيق ويترك مدة ساعة تقريبا ثم يغسل جيدا
ثم يقطع الى عدة أجزاء كما فى الصور




يسلق الأرنب دون وضع أى توابل معه فقط حبهان (هيل) ومستكه حتى لا يتغير طعم الملوخية
تحضير الملوخية
تقطف الملوخية من الأعواد



إذا كنا نحب الملوخية غليظة نقطفها بعنقها كما في الشكل (1)وإذا كنا نفضلها عكس ذلك نقطفها بدون العنق شكل (2)



وتغسل جيدأ عدة مرات ثم توضع بمصفاةونتركها لتصفية الماء


ثم نفردها على قماشة نظيفة تكون مخصصة لها وممكن أن يتم ذلك على طاولة بالمطبخ أو على السفرة ونتركها عدة ساعات

لتجف من الماء وممكن فرد الملوخية على نصف القماشة وتغطيتها بالنصف الأخر



يوجد بالأسواق معدات لتجفيف الطعام ولكنها غير منتشرة كثيرا ولا أعرف فاعليتها


عندماتجف الملوخية نخرطها بالمخرطة وهي أفضل الطرق وأفضل من أى أداة حديثه
نخرطها على مفرش مشمع سميك يخصص لها

نستمر في التخريط وسنلاحظ أن حجمها سينكمش


نقلبها بملعقة أوسكين ونضعها في طبق إستعداداً لطهيها


نحضر الثوم والكسبرة الناشفة قبل طهى الملوخية ونفرمهم مع بعض بأى وسيلة ونضع عليهم قليل جدا من الملح ونتركهم لحين الإستعمال



نغلي مرق الأرنب ثم نضع الملوخية ونقلبها بسرعة



ونرفعها بالمغرفة لأعلي ونزحلقها منها عدة مرات وعملية التقليب ورفع المغرفة مهمة لضبط قوام الملوخية


إذا كانت الملوخيه لها عرق هكذا فنعتبرها مظبوطة القوام و إذا لا حظنا أنها ثقيلة جدا يمكن تخفيفها ببعض المرق الساخن


نترك الملوخية تغلي غلوتين فقط نملحها حسب الرغبة
التقلية
نحمر خليط الثوم بالكسبرة في كمية سمن تكفي للتحمير ليس كثير وليس قليلة الى أن يحمر لونها ثم نضعها فوق الملوخية




نغطي الحلة بسرع لمدة دقيقة فقط ثم نرفع الغطاء ونقلب الملوخية ونترك بها المغرفه ونسند عليها الغطاء كما في الصورة أى نغطيها نص نص كى لا تهبط وتسقط

نضع ملعقتان من السمن في مقلاة وعندماتسخن نضع معها فص حبهان (هيل ) وفص مستكة ثم نحمر الأرنب ولا نتركه كثيرا لأنه بدون جلد وييبس من كثرة التحمير الا إذا كانت هذه رغبة الذى سيتناوله
بعد التحمير نرش عليه بعض الملح والفلفل الأسود


تقدم الملوخية مع الأرز المصري المطبوخ بالطريقة العادية أو مع الخبز


أما الملوخية المجمدة فتطهى وهي مجمدة الكيس


ملاحظه : ممكن الاستغناء عن الكزبره الناشفه بلاقيها أطيب
وممكن تطبخ بالفراخ بنفس الطريقه

وبالف هنا يارب .


كاتب الرد: سما القاهره
الرد فى: 29/05/2010 12:45:39
الرسالة:


انا حقول طريقيتي واما ترجع غاليه من المدرسه تقول طريقتها

يلا بينا نشوف بقي القرع العسلي الحلو


المكونات:

•كيلو قرع عسلي
•نصف كيلو سكر
•نصف كوب ماء
•عدد 3 أكواب صلصة بيضاء
•بيضتان
•سكر لتحلية الصلصة.
•نصف ملعقة شاي فانيليا أو ملعقة ماء ورد للصلصة
•3 ملاعق كبيرة زبيب بناتي
•ملعقتان كبيرتان من سكر سنترفيش
•3 ملاعق كبيرة من جوز مفري أو لوز للحشو


طريقة التحضير:

•يُقشَّر القرع ويُقطَّع إلى شرائح ثم يوضع في إناء مع السكر (نصف كيلو) والماء (نصف كوب) ويرفع على نار هادئة حتى ينضج ثم يوضع على مصفاة للتخلص من السائل.
•يتم عمل الصلصة البيضاء باللبن وتُحلَّى بالسكر وتترك حتى تبرد نوعًا، ويضاف إليها البيض والفانيليا أو ماء الورد وتُقلَّب جيدًا.
•تخلط المكسرات والزبيب والسكر والفانيليا أو ماء الورد.
•تدهن صينية بالسمن دهنًا جيدًا ثم ترش بطبقة ثخينة من البقسماط الناعم.
•يوضع نصف مقدار الصلصة في الصينية المعدة بالبقسماط ثم يوضع نصف مقدار القرع بنظام طبقة متساوية.
•يوضع فوقها الحشو ويوزع بالتساوي ثم يوضع باقي مقدار القرع بنفس الطريقة ثم باقي الصلصة (طبقة صلصة وطبقة قرع ثم الحشو ثم طبقة قرع وطبقة صلصة وهكذا).
•تزج في فرن هادئ وتترك حتى تجمد ويحمر سطحها.
•تترك حتى تبرد ثم تسلك الحواف باحتراس بسكين وتقلب في طبق مستدير للتقديم.


كاتب الرد: غاليه
الرد فى: 29/05/2010 14:39:11
الرسالة:


مفيش فايده
برضه طبختي الملوخيه على ارنب

ــــــــــــــــــــــــــــــــــــــــــــــــــــــــــ

شوفي انا قبل القرع الجيلاتي ححكيلك عن الكفته

بصي يا ستي 2 كيلو لحمه عجل مفرومه ناعم
تفرمي عليها البقدونس وتبرشي البصل عالمبرشه
وتبرشي بطاطس كمان وتحطي زيت ذر وبهار كباب وملح وفلفل اسود
وتعجنيهم كويس وتمديهم في اكبر صينيه للفرن
تحمري الصينه على اسياخ الشوي على اعلى درجة حراره
لما يتحمر الوجه تقلبيها او تسوي الوجه التحتاني على الاسياخ
المخفيه انا عشان فرني كبير وواسع بقلبها وبسويها على اسياخ الشوي
المهم على البوتجاز بنقلي بطاطس شرائح مدوره وبنعمل طحينه محلوله
وبنتركهم على جمب
في مقلاه تانيه ومن غير زيت خالص وعلى حم واطي بنخرط شرائح طماطم وبنخليها تدوب ويكأنها اتسلق بمرقتها بنغطي عليها
عشان تدوب بسرعه وبنضيف ملح وفلفل برضه

دلوقتي الصينيه اتحمرت (صينية الكفته الممدوده)
بنجيب صينيتين قد بعض بنقسم الكفته فيهم
وحده بنحط فوقها البطاطس المقليه وبنضيف محلول الطحينه وبنغليها عالبوتجاز كم دقيقه لحد ما تعقد الطحينه
كده دي بقت صينية كفته ببطاطس وطحينه

الصينيه التانيه بنضيف عليها الطماطم الي سويناها بمرقتها وبشرح فوقها شرائح بصل مدوره كده
وبنشويها كمان كم دقيقه على اسياخ الفرن

وتوتا توتا خلصت الحتوته بالهنا والشفا
ومتنسيش الزيون الاخضر والشطه جمب الاكل ده يا لذيذ يا رايق

___________________________________________

نيجي للقرع الي عملنيه ده فوق لذيذ
بس نحنا ما بنعمله
نحنا بنطبخ القرع
وبنقسمه وبناكله زي اجزاء الشوكلاته
زي التوفي والملبس

___________________________________________

نرجع للارنب الي سلختيهيعععععععععع يعني يعععععععع


كاتب الرد: سما القاهره
الرد فى: 29/05/2010 14:52:13
الرسالة:

يع يع

لا والنبي

طيب هاتي كده كام يع من دول وانا اخلي القاهره تقف علي رجل..


كاتب الرد: غاليه
الرد فى: 29/05/2010 15:26:08
الرسالة:

هههههههههههههههههههههههههههه
هههههههههههههههههههههههههههه
عشان تتعلمي تدبحي الارنب وتسلخيه
انا بحبه ماشي بيتنطط
تعرفي حشتكيكي لجمعية الرفق بالحيوان
الارنب حيوان بري محمي ممنوع اصطياده
بعدين انا عملتلك بداله كفته
ونفسي اعرف مالها الفراخ للملوخيه؟
ده انا اعرف واحد سلق الفرخه
ما شال شي منها غير الريش
وكله بقى طايش على وجه الميه


كاتب الرد: سما القاهره
الرد فى: 29/05/2010 22:55:58
الرسالة:

عليكي نورررررررررر

ده لو بري

احنا بقي عندنا ارانب منزلي

ومفيش حد يمنع اكل الارانب انا اسوع منع اكل البط اكل الملوخيه زومان

الارانب لالالالا
محصلش انها اتامنت لسه .

مساء فل .

وبرضوا بموت في الارانب بالملوخيه

وبكره حعمل الحمام يا ميدو وسلامتك من القولون الف سلامه .


كاتب الرد: ر و بــي
الرد فى: 30/05/2010 11:30:34
الرسالة:

صباح الخير

سما وغاليه وميدو ورمانه يارب تكون بخير

ملوخيه بالارانب يع يع مالها الفراخ صحيح

ههههههههههههههههه

احنا مستنيه الحمام انا وميدو

علشان بحبه


يلا بقى جوعتونا

هههههههههههههههههههههههههه


كاتب الرد: محمد1982
الرد فى: 30/05/2010 13:03:56
الرسالة:


هههههههههههههه

اقعدو كده اتخانقوا

وحشتوني والله
الله يسلمك يا سما والحمدلله بخير انا وكله بقا تمام

غاليه في حد ما بيحبش الارانب ده نفسي اشوف ارنبه ماشيه كده واتجوزها
هههههههههههههه

يسلم ايدك يا سما والله تعبينك معانا وعلي الاكل اللذيذ ده

غاليه عاوز اعمل بومبار لو شاطره فعلا تعمليه

بحبكم ويا رب طمني علي رمانه ويرجعها بالسلامه يا رب


كاتب الرد: محمد1982
الرد فى: 30/05/2010 13:06:05
الرسالة:

روبيه القمر مساكة حراميه درجه اولي
هههههههههههه

وحشتيني يا قمر ووحشني وجودك ووحشتني صاحبتك
سيبك من كل ده وتعالي ناكل الحمام

ما في احلي منه

وقريب نتلاقي ونجمع شمل الاحبه يا رب


كاتب الرد: غاليه
الرد فى: 30/05/2010 13:12:48
الرسالة:

حمامه بيضا رفت رفت... فوق فوق فوق راسي
حمامه بيضا يا بيضا يا حمامه
مش بحب الحمام مدبوح ولا عاوزه اريشه
كمان حمام السلام بتدبحوه
ده انتم قاسيين اوي
انا داخله شفخانه ولا مطبخ
طيب اكتبوا العنوان
شفخانة سما القاهره واللمبي

هي اسمها ايه بالمصري الشفخانه ولا السلخانه



الا بالحق رمانة الميزان مش باينه ؟
عسا المانعها عنا كل خير يا رب

روبي انتي منوره وزي العسل هوا بيقول مش عازمنا
وانتي قاعده قاعده وعاوزه تاكلي شاء ام ابى

بصي عندنا مثل بيقول


الي ما بيحبك حبوووو
واقعد جمبووووو
وكل من اكلووووو
واحرق قلبووووو
بالهنا والشفتشي وشكله مفيش تبيخ اليوم
اما اروح الزرعه اجيبلهم الديك العتقي يدبحوه
مش عاوزه كتاكيت هناك انا بياكلهم كلب سما


كاتب الرد: غاليه
الرد فى: 30/05/2010 13:16:44
الرسالة:



ال بومبار ال


مش اما اعرف المومبار ده يطلع ايه ومين بالزبط


طيب هوا فين بيجيبوه منين
وبيودوه على فين



يا ابني مش بناكل الاكل ده احنا
الارانب بندلعها
البطه بنهشكها
الوزه بنهنها
البومبار منعرفوووووووووش
الحمام فال خير علينا مبندبحووووووووووش
هما الفراخ البيضا العجول والخرفان والسمك وبس
ولو شفتهم وهما بيتدبحوا لحمهم مباكلوووووووووش
مش تقلي الكائنات اللطيفه ارنوبه وبطبوطه
وحمامه صغنونه ووزه وكتكوته




ال بومبار ال ههههههههههههههههههههههههههه


كاتب الرد: ر و بــي
الرد فى: 30/05/2010 16:43:30
الرسالة:

هههههههههههههههههههههه

انت هتسيحلى ولا ايه

هههههههههههههههههههههه

منور الدنيا والله احنا اشتقنالك اكتر

بس بجد زعلانه منك وانت عارف ليه

بس ميمنعش اننا هناكل الحمام سوا


وبمبار ايه اللى بتقول عليه

انا كل الاكل ده مش باكله زى غاليه

ولا بط ولا رومى ولا ارانب ولا وز ولا خروف

هههههههههههههههههههههههههههه


وبعدين ان مكنتش سما تتعب لنا هتتعب لمين بس

ونسيتى تورته الايس كريم بتاعتى


ههههههههههههههههههههههههه


وحلو اوى المثل يا غاليه

عجبنى اووووووووووووى


كاتب الرد: علاء الامبراطور
الرد فى: 30/05/2010 19:26:01
الرسالة:


مسااااااااء الياسمين على الاعضاء الغالين الى منورين المطبخ

احلى مساااااااااااااااااااااء على اغلى اخوات واصدقاء بالدنيا

مسااااااااااااااااائكم كيك وشيكولاته وقشطه ومهلبيه


كاتب الرد: سما القاهره
الرد فى: 30/05/2010 22:00:27
الرسالة:

لالالالالالا
بقي محمد اللمبي انت غلطتي كده غاليه يلا قومي نضفي الممبار بقي

عارفه ده يا اوختي ايه؟

ده امعاء العجل

عارفه امعاء العجل بيكون فيها ايه

يلا بقي نضفي يا اوختي


كاتب الرد: غاليه
الرد فى: 30/05/2010 22:33:29
الرسالة:



بشرفك !!!!!!!!!!!!!!!!!!!
المومباااااااااااااااااار يبقى امعاء العجل!!!!!!!!!!!!!!

طيب ليه كده

احمدك يااااااااااااااااااااا رب توبه نصوحه

بصي انا اعلنت اعتزال فن والطهي
ولا ليا علاقه بالعجل ولا بمووومباااااااره

انا اخلص من ارنب يطلعلي عجل
مبقيتشي عيشه دي


افلك من الاخر انا نباتيه فقط


كاتب الرد: غاليه
الرد فى: 30/05/2010 23:05:59
الرسالة:



اااااااااااااااااااااااااااااه نسييييييييييييت
وانا بقوووووووووووول
بتربوا عجووووول وبقر في المزرعه ليييييييييييييييه
عشان المومباااااااااااااااااااااااار
سما سما ..... السماد الي بتنزليه مش راضي ييجي عندي*9

على فكره حكاية الكلاب الي كترت دي ومبقيتشي تجوع
وخلت كل واحد في مزرعته زهقت المزارعين وبقوا ينفضوا للعبه
هههههههههههههههههههههههههههه
متلموا الكلاب الضاله دي .... طيب وكليهم ملوخيه



كاتب الرد: سما القاهره
الرد فى: 31/05/2010 12:09:06
الرسالة:

.........................................................................................


منتديات شبيك لبيك : http://www.shobiklobik.com/forum/

© - جميع الحقوق محفوظة 2002

اغلاق النافذة