Loading
مساعدة بحـــــث قائمة الاعضاء اشتراك بريدى جديد اليوم التسجيل ملف العضو الرئيسية
اسم العضو: كلمة السر:
حفظ كلمة السر تذكيرك بكلمة السر?


االصحافة
 المنتديات
 نافذة حول العالم
 مقالات وقضايا Talk Show
 ماريكم في هذه المقدمة.. هوّ ده أبويس خلقة ربنا
 اضافة موضوع  الرد على الموضوع
 اطبع الموضوع
|| Bookmark and Share ||
الكاتب Previous Topic الموضوع Next Topic  

ابويس
عضو ماسى

Egypt
10098 مشاركة

كتب فى :  - 06/01/2012 :  09:13:49  Show Profile





الصحافة

صباح الخير عليكم جميعا
أطلب منكم إبداء رأيكم في هذه المقدمة
التي أعددتها وقلتها في اجتماع رئيسة هيئة النقل العام بالقاهرة
وجها لوجه في وجود شلة الانس المحيطين بها من حاشية الادارة العامة
بسم الله الرحمن الرحيم
السيدة المهندسة رئيسة الهيئة
أولا أرحب بسياتك بيننا في منطقتنا
ثانيا
بما أن الله عز وجل كتب علينا أن تكون رئيسة الهيئة ( سيده )
فلابد لنا من الرضاء بقضاء الله وقدره
وعليكي أن تثبتي بأنك عند حسن الظن
وأنك أفضل مممن سبقوكي من الرجال من الرؤساء السابقين
وأن لاتكوني مجرد تلميذه أتت من مدرسة الفاشلين السابقين
الذين كانو يعملون لمصالحهم الشخصية دون النظر للمصلحة العامة
وأنا أقول هذا الكلام إشفاقا علي سيادتكم من ثقل حمل المسئولية التي تتطلب بأس الرجال وليس تقليلا من شخصكم الكريم
ثم بدأت في إلقاء المطالب عليها تباعا
ثم جلست أستمع ردها
فبدأت منزعجة من الكلام الذي سمعته في المقدمة
وبدأت تدافع عن نفسها
وان المنصب لم تسعي اليه
بل عرضوه عليها وفرضوه عليها
نظرا لكفائتها وخبرتها الطويله
وأنها وأنها وأنها
حوالي عشر دقائق تقريبا هي تتكلم باحمرار الوجه والعصبية الهادئة
تعرض انجازاتها ومشوارها الكروي وكأنها كانت بتلعب في النادي الاهلي
ههههههههههههههههههههههههههههههههههههههههه
بس الحق يتقال
بعدما كانت تسمع المدح والثناء والكلام الحلو المعسول
سيادتك وسيادتك وسيادتك
مرة واحده
احمر وجهها واتلخبط حالها ومابقيتش عارفه تقول ايه واللا ايه
لأنها كانت فاكرة ان الكل سيجاملها ويحابيها
وكل ماتقول قرار الكل هايصفق لها وخلاص
بس لقيت اخوكم ابويس أمامها واقفا لها بالمرصاد
وهناك من غلطني وهناك من أيدني
بأن كلامي مضبوط وليس به أي خطأ
ومنتظر راي حبايبنا في شبيك لبيك
اللي بيؤيدوني
واللي دايما يزعلوا مني لأنني أقول الحق
ولا أخشي في الحق لومة لائم
ولا احب مجاملة من يكون علي خطأ
أحترم رأيه آه
أجامله لا
جمعتكم مباركة ان شاء الله تعالي




Edited by - ابويس on 06/01/2012 09:18:57

عاشق ليلى مراد
عضو ماسى

United Arab Emirates
2570 مشاركة

كتب فى :  - 06/01/2012 :  12:12:23  Show Profile
عزيزى ا/ أبو يس

كل التقدير والاحترام لكلماتك البسيطة والمعبرة

انا الصراحة مش شايف اى تجريح او اهانة لشخص المديرة

بالعكس ده الكلام اللى المفروض يتقال لكل المسئولين الجدد

النفاق أبشع تصرف وهو السبب الرئيسى فى تأخر وجهل المعظم للأسف

موقفك سليم 100%

Go to Top of Page

gaserahmed
مبرمج شبيك لبيك

Egypt
3382 مشاركة

كتب فى :  - 06/01/2012 :  13:48:21  Show Profile
يابختك يابو يس
هما دول الصعايدة
للاسف انا بقي تايواني
وكيل الوزارة عندي سيدة
بس مطلعة عيني وعين...................
ماقدرش اقولها حرف من دول
تتدخل في شغلي وتخصصي واقولها تمام
باعد الايام لخروجها علي المعاش
واليوم اللي مابقابلهاش يبقي يوم لية ملامح


انت فـــــــــــــــــــــــــــــــــــــــــــــــــــرخ

ياســــــــــــــــــــــــــــــــــــــــــــــــــــــــلام
نفسي ابقي اكل لحـــــــــــــــوم بشر

Edited by - gaserahmed on 06/01/2012 13:49:41
Go to Top of Page

aelsayed2011
عضو جديد

Egypt
3 مشاركة

كتب فى :  - 06/01/2012 :  14:17:43  Show Profile
بص يا أخويا أبو يس
لعن الله قوم ولوا عليهم إمرأة
ودي أكتر حاجة عجبتني في ردك عليها
إنتي إتفرضتي علينا
بس ردك متعقل جداً ومقنع جداً
وبعدين حضرتك مش بتطلب منها منحة ذيادة
حضرتك بتعرفها مفردات شغلها والمطلوب منها في وظيفتها دي
والله الموفق ... ،
Go to Top of Page

جاسرمهران
عضو ماسى

4560 مشاركة

كتب فى :  - 06/01/2012 :  17:12:27  Show Profile

توقير الرئيس فى العمل أمر هام ومشرع فى معظم قوانيين العالم .


ربما لم تقول لها شىء به خطأ وإهانة واضحة وصريحة .

ولكن اللغة كانت ترمي وتلمح بأن من سبقوها فاسدين .. فهل هى مثلهم ؟!


_______

وهناك فارق شديد بين توقير واحترام رئيس العمل .. وبين المطالبة بالحقوق ورفض الخطأ حتى لو كان منه

فالطرق المشروعة تحقق الهدف احيانا ويجب ان تكون هى المسار الحقيقى لكل من يطالب بشىء

إرساء دولة القانون فى كل موقع واحترامه شىء مهم


أخى الفاضل ابويس .. انا لا أدينك اطلاقا ، فأنت صاحب الاحساس بها والتى يعيشها

ومن كانت يده فى النار ليس كمن بعيدا عن النار نفسها .


تمنياتى بالتوفيق مع الرئيس الجديد / المديرة

Go to Top of Page

حمال الاسيه
عضو جديد

Egypt
20 مشاركة

كتب فى :  - 06/01/2012 :  23:39:57  Show Profile
اجمل ما فى الموضوع عنوانة سيبك انت هو دة ابو يس ولاحد غيرة يقدر يعمل اللى عملة بس براحتك شوية على الست المدير العام لحسن صلاح ذو الفقار يزعل منك ههههههههه
Go to Top of Page

ابويس
عضو ماسى

Egypt
10098 مشاركة

كتب فى :  - 07/01/2012 :  01:28:44  Show Profile
أستاذي الفاضل
عاشق ليلي مراد
عاشق الفن والاصالة
درش
أشكرك من كل قلبي
ووقانا الله واياك شر النفاق والمنافقين
صباح الفل
Go to Top of Page

ابويس
عضو ماسى

Egypt
10098 مشاركة

كتب فى :  - 07/01/2012 :  01:34:49  Show Profile
حبيبي وبلدياتي
ا. جاااااااسر احمد
ازاي مش عارف تتصرف معاها
مابياخدش الروح الا اللي خالقها
ولابيقطع الرزق من مكان الا بأمر الرزاق
والذي يفتح جل جلاله بابا افضل منه
مش كده واللا ايه
مش معني الحديث بيقول كده برضه
مايغلق الله عز وجل بابا إلا ويفتح أفضل منه
طاب اقول لك
اعمل زي الامور سمسم
قول لها هاتسكتي واللا أسلط عليكي ابويس
هههههههههههههههههههههههههههه
وياعم لو الشغلانة مش عاجباك
انت تقريبا بتشتغل مهندس
صح
لو بتعرف تسوق تعالي اشتغل مكاني يومين
وانا اروح اشتغل مكانك يومين
وأنا هاظبطهالك ع الآخر
وأخليها تقول
انت فييييييين ياجاسر
ارجوك ارجع بسرعه
دي نارك ولاجنة ابويس
هههههههههههههههههههههههههههههههه
صباح الفل ياريس
Go to Top of Page

ابويس
عضو ماسى

Egypt
10098 مشاركة

كتب فى :  - 07/01/2012 :  01:51:10  Show Profile
أستاذنا الفاضل
جاسر مهران
تحية طيبة .................... وبعد
رسولنا الكريم يقول في حديث في ما معناه
ليس منا من لم يوقر كبيرنا ويرحم صغيرنا
او كما قال صلي الله عليه وسلم
وهذه المهندسة رئيسة هيئة النقل العام
عملت تحت اشراف او ادارة الرؤساء السابقين للهيئة
وثبت انهم كانو مقصرين في حق العمل والعمال بل وحرامية ومرتشين
الا واحد او اتنين منهم كانو شرفاء
ولذلك قلت لها
أرجو ان لاتكوني تلميذه
أتت من مدرسة الفاشلين السابقين
بالذات آخر اتنين قبلها
وهناك حديث شريف يقول ايضا في مامعناه
ان الساكت عن الحق شيطان اخرس
او كما جاء بالحديث
وهؤلاء كانو صامتين يعني كانو اشبه بالشياطين
فهل يستحق الشيطان منا ان نبجله
وأنا سبقت هذه الجملة بكلمة اتمني ان لاتكوني مثلهم
وأن تثبتي بأنك عند حسن الظن وأهل لتلك المسئولية الشاقة
يبقي فين عدم التوقير لها يا أستاذنا الفاضل
وأحيط علم حضرتك بشئ
شوف كيف تصرف أخوك أبويس
عندما أحس بحرجها وارتباكها
كتبت ورقة بعدها
فيها اعتذار عن كلمة سيده التي استفزتها واوضحت لها مقصدي مرة اخري
فقبلت الاعتذار وابتسمت ونظرت الي حيث اجلس وهزت راسها بالشكر لي
وصفق الجميع لي
اللي علي المنصه والموجودين بالقاعه
يبقي ايه رأيك ياريس
Go to Top of Page

ابويس
عضو ماسى

Egypt
10098 مشاركة

كتب فى :  - 07/01/2012 :  01:56:29  Show Profile
صباح الفل حبيب قلبي
حمال الأسية
اللي منور منتدانا الغالي
وبعدين ياعم ماتخافش
هو صلاح ذو الفقار
هاياخد زمانه وزمن غيره
ههههههههههههههههههههه
خلينا ناخد راحتنا شوية
وعلي فكرة
رئيسة هيئة النقل العام
بمثابة درجة الوزير
يعني حاجه جامده اوي اوي اوي
بس المشكلة انني لا استطيع ان اكون مع المنافقين او المطيباتيه
تقبل تحيتي الخاصه
Go to Top of Page

linksys
عضو برونزى

Egypt
572 مشاركة

كتب فى :  - 07/01/2012 :  17:02:10  Show Profile
الاستاذ العزيز ابو يس بعد السلام و التحية
اسمح لى ان اعلق على الموضوع
طبعا لا يختلف اثنان على ان الصراحه مطلوبه بس انا شايفه ان كلام حضرتك فيه شئا من الصراحة الممزوجه بالقسوة ( وخاصة انك تكلم الجنس اللطيف الذى يتاثرا كثير و يوثر قليلا ) و ممكن ده بناءا على ما قد سبق من معانات حضرتك فى الشغل .
استاذى الغالى الثورة كانت على السلطة فقط ولم يتم تطهير المؤسسات فعلا لان الفساد متوغل و يحتاج وقت ،،،، و راى ان الفساد لايزوال الا بعلوا اصوات من يقولون الحق و انشاء الله احسبك كذلك
و لك منى جزئل الشكر
Go to Top of Page

عفروتة شبيك
مشرف ادارى

Egypt
70950 مشاركة

كتب فى :  - 07/01/2012 :  21:39:24  Show Profile
اخى الكبير أبو ياسين ...

كلامك ليس خطأ لكن كان ممكن ييجى بصورة أفضل

بالراحة يا راجل يا طيب


هههههههههههههه تحياتى لك ولشخصيتك المصرية الأصيلة

Go to Top of Page

ابويس
عضو ماسى

Egypt
10098 مشاركة

كتب فى :  - 07/01/2012 :  23:57:50  Show Profile
أستاذه
linksys
او الغاليه
نور
سعدت بمرورك وذوقك العالي
اما عن القسوة في كلامي الي سعادة رئيس الهيئة
نابعه من كونها كانت تعمل مع من سبقوها من الرؤساء
وكانت تري فسادهم العلني والمستتر
وكانت من المقربين منهم
ولم يكن لها اي موقف لمحاربة الفساد وصده
بل كانت تجامل اعضاء مجلس الشعب وكبار مسئولي النظام السابق
بتسيير خطوط الي حيث يريدون
مع ان تلك الخطوط كانت لاتعود بأي فائده علي الهيئة
بل كانت سببا رئيسيا في الكثير من الخسارة
وهذا نوع من الفساد والاضرار بالمال العام
وهي تقول انها عرض عليها المنصب ولم تسعي اليه
وأخشي ان يكون أسند اليها علي غرار
اسناد مبارك امر الرئاسة الي المشير بالضبط
واحمد شفيق
ليه
لكي لايلاحقوه ردا للجميل
لأنهم تربوا في نفس المدرسة
وكانو يتمتعون بامتيازات كبيره في عهده
وهي ومن قبلها جاءو بنفس الطريقه
حتي يغطوا علي بلاوي من سبقوهم
وانا قلت لها اتمني ان تثبت انها عند حسن الظن وان تثبت جدارتها وانها أهل للمسئوليه التي القيت علي عاتقها
ومع ذلك عندما رايت كلمتي استفزتها اعتذرت لها ووضحت لها مقصدي بأنني مشفق عليها من ثقل حمل المسئولية
وصلت يا أستاذه
تقبلي تحيتي الخاصه
Go to Top of Page

ابويس
عضو ماسى

Egypt
10098 مشاركة

كتب فى :  - 08/01/2012 :  00:06:24  Show Profile
أستاذتنا الذكية
عفروتة
فيه ناس ماينفعش معاها الا كده
وبعدين حاجه تغيظ
كل اللي بيتكلموا ماحدش بينتقد او يطلب تصيح الاوضاع
وكله بيمدح ويصفق وخلاص
وكده ماينفعش
وبعدين مافيش حاجه اسمها واحده واحده او بالراحه
لانها لو مش هاتستحمل صعوبة المواقف
يبقي ماتنفعش تتولي رئاسة هيئة نقل عام
يعمل بها حوالي خمسين ألف رجل
مش كده واللا ايه
وبعدين ياست الكل
المثل البلدي بيقول ايه
يابختي ممن بكاني وبكي عليّ
وياويلي من اللي يضحكني ويضحك الناس عليّ
فنقدي لها او محاولة رسم مسار لها
بقد بناء وكلام يراد به المصلحه العامة
مش الهدم وسدة النفس
يبقي انا صح واللا غلط
Go to Top of Page

سيف حسن
عضو فعال

Egypt
314 مشاركة

كتب فى :  - 08/01/2012 :  02:46:33  Show Profile
والله والله والله لو الكل قال رايه بوضوح وصراحة مثل ابو ياسين ماكنش بقى دة حال مصر واللى حصل لمصر من نفاق ياريت كلنا نفعل مثله لعل حال البلد يتصلح وقول الحق طالما انت على حق لاتخف الا من الله الحق
Go to Top of Page

ابويس
عضو ماسى

Egypt
10098 مشاركة

كتب فى :  - 08/01/2012 :  10:13:45  Show Profile
صباح الفل
استاذ سيف حسن
ربنا يبارك فيك
يااااااااااااارب
ويخلص مؤسسات بلدنا من المنافقين والمطبلاتيه والمزمراتيه
ولايوجد علاج للجرح الغائر أفضل من الكي
مؤلم في بدايته ولكنه مجدي جدا في النهاية
تقبل تحيتي الخاصه
Go to Top of Page

نغم
مشرف ادارى

Egypt
26417 مشاركة

كتب فى :  - 10/01/2012 :  21:55:05  Show Profile
لا تمام يا ابو يس كلام في الجون بس يلا ياجميل سدد ديونك واكتب وصيتك وودع اهلك

صدقني كنت راجل طيب
ههههههههههههههههههههههههههههههه

Go to Top of Page

mohamedgad
رئيس تحرير بوابة الاخبار

Egypt
31024 مشاركة

كتب فى :  - 10/01/2012 :  23:44:57  Show Profile
حبيبى ابو ياسين
ها يكون مصيرك ذى مصيرى
وقفت عند مدير عام
لانى لسانى طويل فى كلمة الحق
Go to Top of Page

ابويس
عضو ماسى

Egypt
10098 مشاركة

كتب فى :  - 11/01/2012 :  03:19:54  Show Profile
ولايهمك يا ام نادر ياعسل
بس اذا ماكنتش باكتبها وقت ماكنت باهاجم مبارك وزبانيته قبل الثورة
هاكتبها دلوقتي
مش ممكن
لأنني مقتنع بان ماحدش بياخد غير نصيبه
ولابيصاب بأي أذي إلا بالمكتوي عليه ايضا
المهم كلمة الحق
Go to Top of Page

ابويس
عضو ماسى

Egypt
10098 مشاركة

كتب فى :  - 11/01/2012 :  03:22:55  Show Profile
ولايهمك ياباشمهندسنا الفاضل
ترقية مكانتك عند الله عز وجل أفضل بكتتتتتتتتتتتتتتتتتتتتتتتتتتتر
اما انا عن نفسي
او اي سائق بالهيئة
لايفرح ولاينتظر الترقيه
لأن ترقيتنا ربنا يكفيك الشر
بيقعدوه علي طوبه او حجر في الشارع
لكي يراقب سير الحركة والانتظام
ولما البرد بيلسعه بيستخبي تحت شجره
ههههههههههههههههههههههههههه
Go to Top of Page

gaserahmed
مبرمج شبيك لبيك

Egypt
3382 مشاركة

كتب فى :  - 11/01/2012 :  20:33:20  Show Profile
هههههههههههههههههها
حبيبي واستاذي ابو ياسين وبلدياتي علشان حق العرب
واللة احبك في اللة وانت تعلم تماما تاريخ تعارفنا
لكن روحك العظيمة واسلوبك الجميل ومبادئك السامية لاتركب ابدا علي موضوع سائق مع احترامي للسائقين
ومش عاوز اقولك قلبك الرهيف ياصعيدي
وقد ثبت هذا عند عرض وضوع الطائر
الذي لايركب علي صعيدي ابدا ويعتبر عار
ياراجل دة كل يوم الواحد بيقتلة خمسة كدة رياضة
هههههههههههههههههههههههها
هذة المداخلة اردت بها التعبير عن محبتي لك وتقديرا لشخصك ومبادئك ولا اريد ان يغضب مني احد انك من اسباب ادماني لهذا المنتدي
احبك في اللة
Go to Top of Page

ابويس
عضو ماسى

Egypt
10098 مشاركة

كتب فى :  - 12/01/2012 :  03:31:39  Show Profile
حبيب قلبي وبلدياتي
جاسر
اللي بيقتل له خمسه كده رياضه بس كل يوم
بس ماقلتليش
علي ريق النوم
واللا قبل الغداء واللا قبل النوم
دا انت كده لاصعيدي ولاحاجه
وانت اللي جلبك رهيف خاااالص ياواد عمي
دا احنا عيندينا في البلد اللي عمري ماروحتها
الواحد لازم جبل الفطار يجتل خمسه وجبل الغدا كمان
اما قبل النوم لازم ضروري يشوف لون الدم
وربنا يسامحنا علي الكدب ياولدي
هههههههههههههههههههههههههههههه
روق كدا يا استاذ جاسر
والمثل عيندينا بيجول
اعرف صاحبك وعلم عليه
مش كده واللا ايه
بس بالامانه
انت بتقول لفيت علي كل المنتديات
عمرك شوفت ترابط زي اللي شوفتو هنا
صباح الفل ياراجل يامحترم يا اجدع من كل الجدعان
Go to Top of Page
  Previous Topic الموضوع Next Topic  
 اضافة موضوع  الرد على الموضوع
 اطبع الموضوع
|| Bookmark and Share ||
أذهب الى:
 

منتديات || دردشة || احدث الاخبار || الرياضة اليوم ||مجلة زووم || عالم المرأة || المطبخ العربى || للكبار فقط

دنيا ودين || القرأن الكريم || عمرو خالد || دليل المواقع || خدمات الموقع || خدمات حكومية || المراسلة وابلاغ انتهاك

|| Bookmark and Share