Loading
مساعدة بحـــــث قائمة الاعضاء اشتراك بريدى جديد اليوم التسجيل ملف العضو الرئيسية
اسم العضو: كلمة السر:
حفظ كلمة السر تذكيرك بكلمة السر?


منتديات اوليفيا
 المنتديات
 أســــــريات
 الغذاء - المطبخ والاطباق الشهية
 افكار:ماذاتحب ان تأكل؟؟؟
 اضافة موضوع  الرد على الموضوع
 اطبع الموضوع
|| Bookmark and Share ||
الكاتب Previous Topic الموضوع Next Topic  

نورالشرق noha1
عضو ماسى

Egypt
2188 مشاركة

كتب فى :  - 03/03/2013 :  17:58:37  Show Profile





منتديات اوليفيا



السؤال الصعب السهل بكل تأكيديكون صعب على السيده اوالرجل اذا رغبو بعمل وجبه ولكن لايخطر على بالهم شئ ولكن من السهل اذا ساعدنا بعضنا البعض ايهاالاخوان والاخوات اعضاءشبيك لبيك بوضع بعض الاكلات التي تخطرعلى بالكم وتكون مفضله لديكم وتشتهون ان تأكلوها لعلهاتذكر البعض ممايقفون بالمطبخ بحيره من امرهم لصنع وجبه ما او اذا أتت سيده بعمل عزيمه ما وتريدمنابعض الافكارلمساعدتها ولامانع اذا كتبتم بعض الاكلات الطيبه التي لاتشتهرالا بمحافظاتكم ومدنكم وتعلمون البعض مناكيفيه صنعها من باب التغيير والتعرف اكثروالكل يعلم ان بفضل الله علينا مصرخيراتهاكثيره ونمتاز باحلى الاكلات بمطبخناالمصري وتختلف من مكان لاخر من مسمى او طريقه تحضيراو يختص بها اهل منطقه فقط كشعبيات مثلا وان شاءالله نكون سبب في مساعده بعضنا البعض بتلك الفكره





Edited by - احلامنا on 03/03/2013 19:43:09

نورالشرق noha1
عضو ماسى

Egypt
2188 مشاركة

كتب فى :  - 03/03/2013 :  18:02:27  Show Profile
انا هبتدي بمنيو العشاء ولكن لن انفذه لعلى البعض يدخل بمنيو افضل ولكن لايتأخر لاني جعانه ههههه بفكر الليله بعشاخفيف مكرونه اسباجتي وفليه وبطاطس مقليه وطبق جريك سلاط وبيبسي للهضم هههههه اصل كده العشامش خفيف اوي وبانتظار افكاركم لاني بعدكتابتي دي جوعت اكتر واكتر واكتر ههههه

[center] [/center
Go to Top of Page

احلامنا
مراقبة أفضل قسم 2012

Egypt
24717 مشاركة

كتب فى :  - 03/03/2013 :  19:47:39  Show Profile
نور

موضوع جميل جدا تسلم ايدك


ايه رايك نخلى اسم الموضوع (طبقك لهذا اليوم)


بما ان الموعد وجبة عشاء


انا اسمح لى اشارك معاكى


لسان عصفور مع دجاج محمر


Edited by - احلامنا on 03/03/2013 20:05:40
Go to Top of Page

نورالشرق noha1
عضو ماسى

Egypt
2188 مشاركة

كتب فى :  - 03/03/2013 :  21:34:35  Show Profile
يسلم لسانك لسانك طبعا اختي احلامنا مش لسان العصفورههههه وتسلم ايديك على الصورالرائعه بالموضوع وبالنسبه لاقتراحك بتغيير الاسم مفيش مانع بس هيبقى صعب اسمه طبقك لهذااليوم لانه بمعناه اني اكتب طبقك لهذااليوم في حين الفكره انناكلنانشارك بعرض الطبق ولذلك ممكن نسميه (منيو على ذوقك انت)

[center] [/center
Go to Top of Page

نورالشرق noha1
عضو ماسى

Egypt
2188 مشاركة

كتب فى :  - 04/03/2013 :  11:57:10  Show Profile
فين التعاون من الاعضاء ولا الناس خلاص مابقاتش بتاكل ههههه انا النهارده صايمه وربنايتقبل مني ومن كل الصايمين وبفكر افطر على كبسه دجاج وطبق سلاطه واتفضلو معايا

[center] [/center
Go to Top of Page

احلامنا
مراقبة أفضل قسم 2012

Egypt
24717 مشاركة

كتب فى :  - 04/03/2013 :  20:48:28  Show Profile
امممممممم مش عارفة يانور شكلهم تيك اوى النهارده ولاايه مش عارفة

ربنا يتقبل منك يارب يانور وبالهنا والشفا الكبسه


اممممممم

النهارده كنت معزومة على الغداء بره على كافيار وشوربه سى فود وسلطات

Go to Top of Page

نورالشرق noha1
عضو ماسى

Egypt
2188 مشاركة

كتب فى :  - 04/03/2013 :  21:57:56  Show Profile
احلامنا بجد بجد ربنا يكتر من امثال اللي عزموكي اصل انا من فئه اللي بيعزمو مش بيتعزمو هههههههههه

[center] [/center
Go to Top of Page

mndy
عضو ماسى

Egypt
4509 مشاركة

كتب فى :  - 09/03/2013 :  15:44:54  Show Profile
انا اللى غايظنى كلمة الاخوان والاخوات
ياسااااتر حتى العشا اتخون
-------------------
يلا دى طريقة جديدة للفراخ
كيلو فراخ فيليه
التتبيلة : 3 أكواب دقيق - 2 بيض - 2 ملعقة كبيرة بصل بودر
2 ملعقة كبيرة ثوم بودر - ملعقة ك زنجبيل - ملعقة ك ملح - كوب ماء
فلفل اسود او شطة ( اختيارى )
نضرب الكل مع بعض ونضع الفراخ بحيث انها تتغطى من كل الجوانب ثم توضع فى الثلاجة لمدة لاتقل عن 6 ساعات
طبقة التغطية
2 كوب دقيق - 3 ملاعق نشا - رشة ملح
تحمر فى زيت ساخن
Go to Top of Page

nasser73
أفضل عضو

Egypt
25519 مشاركة

كتب فى :  - 09/03/2013 :  16:27:48  Show Profile
انا هاقولكم على اكله جنان وعجبانى جدا ووحشانى جدا

وإن شاء الله هاكلها النهارده على العشا

الاكله هى فول اخضر حراتى مع جبنه بيضاء وخبز ايرانى


المقادير حسب الطلب وعدد الاشخاص


طريقة العمل


1- تشترى كرتونه فول اخضر حراتى

2- تشترى كيلوا جبنه بيضاء


3- تشترى خبز ايرانى من اى تنور ايرانى

ويوضع كل هذا على السفرة والاكل بلا رحمة حتى تقضي على اى مكون او على كل المكونات


ايه رايكم طريقة طبخ هايلة


Go to Top of Page

احلامنا
مراقبة أفضل قسم 2012

Egypt
24717 مشاركة

كتب فى :  - 09/03/2013 :  17:33:10  Show Profile
الكلمة اللى جنب فول اخضر دى يعنى ايه

يعنى اكل منه من غير مايتدمس كده

انا فكره مرة ماما عملتهولنا فلافل وكان طعمة حلو خالص

واعرف كمان انه بينطبخ فى الرز واكلته اكتر من مرة بس طعمه وحش عشان انا مش بحب الرز


وفوليه كمان

بس كرتونه وعيش وكيل جبنه ليه هو احنا هانعزم الجيران


طيب ذوقتنى منه الاول وانا اشوف طعمه حلو مع الجبنه ولالاءه

يعنى يبقى زى الخيار


طب انا بقى بحب اكل ع العشا جبنه بوك مع توست وبطاطس لايز ودى وجبتى الثابته دوما

Go to Top of Page

nasser73
أفضل عضو

Egypt
25519 مشاركة

كتب فى :  - 09/03/2013 :  17:39:00  Show Profile
هههههههههههههههههههههههههه

انا مالى ومال اكل الفرنسيس بتاعك ده


انا من قلب الصعيد


المهم الفول الحراتى يعنى الاخضر نفس المعنى يعنى


وبيتاكل زى ماهو اخضر بس الحب اللى من جوه مش فلافل ولا مدمس باقولك اخضر هتجننينى وتضحكى علينا الشعب


وبعدين بتتباهى بوجبتك الدائمة دانا لو اكلتها مرتين اعيا


جربى انتى بس جبنه دمياطى مع شويه فول اخضر وخبز تنور ايا كان اسمه بقا


وبعدين تيجى تقولى لى ايه رايك

Go to Top of Page

احلامنا
مراقبة أفضل قسم 2012

Egypt
24717 مشاركة

كتب فى :  - 09/03/2013 :  17:52:48  Show Profile

حاتر هاجرب بس مش تزعل كده

Go to Top of Page

نورالشرق noha1
عضو ماسى

Egypt
2188 مشاركة

كتب فى :  - 09/03/2013 :  19:36:24  Show Profile
مندي نورتنا وضحكتني جدا فعلا انا كتبت الاخوان تصور ومااخدتش بالي واكيد ده السبب اللي خلى مفيش مشاركات بالموضوع هههههههههه سعدنا وجودك ومشاركتك وماتحرمناش منها
والاكله ان شاءالله نجربها انامن عشاق الفراخ وبسأل عن طريقه اكله واسمها الحقيقي معرفوش ونفسي اعرفها بس فاكره بعض الحاجات كده اصلي شفتهاببرنامج الستات مابيعرفوش يكدبو وللاسف بالنهايه بس اللي فهمته انه قطع جاج مربعات متبهره وموضوع عليهاذبادي وكانت بالتلاجه شويه وطلعت اتقلبت عالنار وجنبها اتعمل الصوص بتاعها بصل وحاجات وصلصه واتقدم الطبق على بعضه بصراحه هموت واعرف الصنف ده ياريت اللي يعرفه يفيدني انابحب التجديد في الفراخ

[center] [/center
Go to Top of Page

نورالشرق noha1
عضو ماسى

Egypt
2188 مشاركة

كتب فى :  - 09/03/2013 :  19:40:29  Show Profile
نورتني يااستاذ جعاااااااااااان وفتحت نفسي كمان معندكش فكره واللهي الفول الحراتي مابيتقطعش من بيتنا اد ايه وياجماله ياجماله في ساعه عصاري واللمه حلوه وبتاع اتنين تلاته كيلو وبالاخير الشقه تبقى كلها قشر ههههههههههههه بس صحيح البلدي بلدي فكرتني باكل الفلاحين مابينقطعش بالبيت الحراتي الاخضرالجميل ومع كل حاجه بيتاكل هف عليا طاجن رز معمر بالسمنه البلدي وقرنين حراتي ياسلام سلم عن اذنكم جعت لازم اقلب التلاجه ههههههه

[center] [/center
Go to Top of Page

احلامنا
مراقبة أفضل قسم 2012

Egypt
24717 مشاركة

كتب فى :  - 25/03/2013 :  19:25:47  Show Profile
نور


فول حرامى مع رز معمر ازاى نهار اسوح عليه وعلى سنيننى


سيبى ابيه ناصر متفكرهوش بالفول تانى

ع بالى لسان العصفور مع شوربة فراخ

Go to Top of Page

nasser73
أفضل عضو

Egypt
25519 مشاركة

كتب فى :  - 25/03/2013 :  20:08:58  Show Profile
بتعيبى على الفول الاخضر

ونفسك فى لسان عصفور

طيب ايه رايك فى لسان عجل وكوارع مع لحمه راس وفته

Go to Top of Page

احلامنا
مراقبة أفضل قسم 2012

Egypt
24717 مشاركة

كتب فى :  - 26/03/2013 :  00:41:16  Show Profile


ايه اللى بتقوله ده فيه حد ياكل كده


اتفضل كل من ده شوف حتى اسمها عصفور مش بافالو وكاو

هاتاكل ولانشيل الاكل

Go to Top of Page

nasser73
أفضل عضو

Egypt
25519 مشاركة

كتب فى :  - 26/03/2013 :  19:50:13  Show Profile
انا موافق اكل لسان عصفور على اى هيئة غير الشوربة
وده مش معناه انى مش باحب شوربة لسان العصفور لا
لكن معناه انى عاوز اعرف طريقه جديده اكل بيها لسان العصفور بالشكل اللى فى الصورة ده

قولى يتعمل ازاى بسرعه


بسرعه بسرعه

بسررررررررررررررررررررررررررررررررررعه

Go to Top of Page

احلامنا
مراقبة أفضل قسم 2012

Egypt
24717 مشاركة

كتب فى :  - 27/03/2013 :  23:49:54  Show Profile
مساءك سكر يااستاذى الفاضل

اولا اسفه جدا على تاخيرى فى الرد نسيت بجد سامحنى


حضرتك عايز تاكلها مفلفله صح


بص الطريقة بسيطة وسهله وحضرتك مش بتحب مقادير وكده


جيب الطنجرة وحط فيها مقدار زيت كانك هاتحمر رز كده


وصب لسان العصفور اول ماتحس ان الزيت سخن بلاش الزيت يتقدح عشان بتياثر على اللون هاتحمرها فى الزيت لحد ماتاخد اللون الاحمر الوردى وبعدين تغطيها بالشوربة او المايه زى ماتحب مع اضافة الملح والفلفل الاسود وهاتسيبها تغلى على النار لحد ماتنشف زى الرز تمام لكن مع التقليب المستمر وياريت تهدى النار خالص مجرد ماتبدا تشرب الشوربه هى مجرد ماهاتشرب الشوربة او الماء هاتستوى وهاتغرفها حضرتك واللى محتاج يحط شوربة يغرف ويسكب شوربه عايز تاكلها زى الصورة مفيش مشكلة

الالوان اللى على الطبق دى جزر مبشور ونعناع ناشف كنوع من التزين مش اكتر

بس نصيحه ضيف شوربه لها افضل بتعطى طهم حلو خالص


لو كلامى مش واضح ياريت تقولى انا تحت امرك

Go to Top of Page
  Previous Topic الموضوع Next Topic  
 اضافة موضوع  الرد على الموضوع
 اطبع الموضوع
|| Bookmark and Share ||
أذهب الى:
 

منتديات || دردشة || احدث الاخبار || الرياضة اليوم ||مجلة زووم || عالم المرأة || المطبخ العربى || للكبار فقط

دنيا ودين || القرأن الكريم || عمرو خالد || دليل المواقع || خدمات الموقع || خدمات حكومية || المراسلة وابلاغ انتهاك

|| Bookmark and Share