Loading
مساعدة بحـــــث قائمة الاعضاء اشتراك بريدى جديد اليوم التسجيل ملف العضو الرئيسية
اسم العضو: كلمة السر:
حفظ كلمة السر تذكيرك بكلمة السر?


منتديات اوليفيا
 المنتديات
 صالون الثقافة والادب
 القصص والروايـات
 قصة واقعية لرجل ايجابي ( حدثت في وقتنا الحالي )
 اضافة موضوع  الرد على الموضوع
 اطبع الموضوع
|| Bookmark and Share ||
الكاتب Previous Topic الموضوع Next Topic  

ثامررر
عضو ماسى

Egypt
12411 مشاركة

كتب فى :  - 25/06/2013 :  00:01:27  Show Profile





منتديات اوليفيا

سأترك صاحب القصة يرويها هو عليكم لتعرفوا اهمية الايجابية في الحياة

النهارده كنت خارج مع اخويا الصبح رايحين مشوار المهم هو قالى لازم اروح امون العربيه علشان البنزين فيها بيخلص -روحنا المركز بتعنا وروحنا البنزينه وخير اللهم اجعله خير لقينا طابور حوالى 300 متر عربيات واقفه المهم كاى مواطن بيحترم نفسه وقفنا فى الطابور وانا خرجت من العربيه ووقفت على جنب اشاهد الطابور
وبعدين قولت ياد ياعلاء خليك ايجابى واتصل بالوزارة وبلغهم بالزحمة دى .

وبالفعل اتصلت بالوزارة ردت عليا وحده وبلغتها بالمشكلة وهى بلغتنى ان سوهاج مش بتعانى من ازمة بترول قولتها ازاى يعنى ؟؟؟؟؟؟؟ امال الناس دى واقفة تصيف يعنى !!!!!!
قالتلى هنبلغ شكوتك للمسؤلين وقفلت .

وبعدين خطرت على بالى فكرة انى ااقوم بدور المواطن اللى بيدور على حقه سيبت اخويا واقف فى الطابور ودخلت البنزينه جوه وعينك متشوف الا النور .

لقيت خير اللهم اجعله خير جراكن مرصوصة جنب بعضها حوالى 70-80 جركن وراجل بتنك اللى بيشدوه حمار بيملى فى التنك وعربيات فوقيها جراكن بتملى وطوابير واقفة جنب بعضها ومفيش نظام خاااااااااااااااااااااااااااااالص !

روحت للراجل اللى واقف على المكنه وقولتله لو سمحت انت معاك تصريح انك تملئ جراكن وتنكات ؟؟
الراجل : ممكن اعرف مين حضرتك الاول ؟
انا : مواطن عادى .
الراجل : يبقى اتفضل مالكش صالح .
انا : ازاى يعنى ؟؟ انا بسال سؤال واضح - معاك تصريح انك تعبى جراكن وتنكات والناس واقفة طوابير ؟؟؟
الراجل : لا مش معايا وبتاع التموين واقف ومتكلمش ولو سمحت خليك على جنب .
انا : هو فين موظف التموين اللى هنا ؟؟
الراجل : هناك اهوه وشاورلى على راجل تحسه تايه .
خدت نفسى وروحت لموظف التموين .
انا : السلام عليكم
الموظف : وعليكم
انا : حضرتك موظف التموين .
الموظف : ايوه اى خدمة ؟؟
انا : حضرتك اديت تصريح للمحطة تملئ جراكن وتنكات ؟؟
الموظف "ممكن اعرف مين حضرتك الاول ؟؟
انا : اعتبرنى مواطن واقف فى الطابور ؟؟
الموظف : عموما انا مسمحتش بكده .
انا : طيب ممكن تيجى معايا حضرتك .
وخدته ووريته الللى بيحصل
بصلى وقالى : انا اسمى فلان ابن فلان ابن فلان .ممكن بقى اعرف حضرتك مين ؟؟
قولتله : انا اسمى علاء احمد مندوب وزارة التموين والتجارة الداخلية الوزارة ندبانى للوقوف على سبب الازمة فى سوهاج وانا من محافظة الجيزة ووريته البطاقة .

وهنا الدنيا كلها اتكهربت وحسيت انه قالب عنتر وقعد يشخط ويزعق فى الناس وطرد كل بتوع الجراكن والتنكات ووقف ينظم الطابور والمكنات اشتغلت كلها وبسرعة غير عادية والطوابير بدات تمشى
وهو يقولى معلش ياباشا دى ناس غلابة تعالى حضرتك استريح فى المكتب -

قولتله مش هقعد قبل مكل الطوابير تخلص
وبالفعل فى ظرف ساعة كان اغلب الطوابير خلصت
ولما سالته - هو فيه ازمة فى البنزين والسولار
اقسملى ان مفيش اى ازمة وانهم كانوا بيخدوا الحصة 10 طن ذادت ل 15 طن من شهرين ونزلت معاه شفنا التنكات وانا واقف جات مقطورة الغاز والله ملقى مكان يفرغها فيه ؟؟ ووالله فيه فى المحطه حوالى 30 طن غاز !!!!!!!!!!!!!!!!!!
ومشيت من عنده وانا فى قمة الزهول مما يحدث فى البلد من التامر على افشال الدكتور مرسى وذيادة سخط الناس عليه
هنا ايقنت ان البلد تحتاج لقيادات ميدانية لا مكتبية -
عنفكرة وانا واقف جابولى كنز فيروز علشان الحر ومشيت وهما فى قمة النظام .

البلد محتاجة شغل ميدانى اكتر من الشغل المكتبى


م ."عـلاء أحمـد" مواطن مصري "ايجابي"




  Previous Topic الموضوع Next Topic  
 اضافة موضوع  الرد على الموضوع
 اطبع الموضوع
|| Bookmark and Share ||
أذهب الى:
 

منتديات || دردشة || احدث الاخبار || الرياضة اليوم ||مجلة زووم || عالم المرأة || المطبخ العربى || للكبار فقط

دنيا ودين || القرأن الكريم || عمرو خالد || دليل المواقع || خدمات الموقع || خدمات حكومية || المراسلة وابلاغ انتهاك

|| Bookmark and Share