Loading
مساعدة بحـــــث قائمة الاعضاء اشتراك بريدى جديد اليوم التسجيل ملف العضو الرئيسية
اسم العضو: كلمة السر:
حفظ كلمة السر تذكيرك بكلمة السر?


دردشة شبيك لبيك
 المنتديات
 نافذة حول العالم
 مقالات وقضايا Talk Show
 10 ملاحظات على مشروع العاصمة الإدارية
 اضافة موضوع  الرد على الموضوع
 اطبع الموضوع
|| Bookmark and Share ||
الكاتب Previous Topic الموضوع Next Topic  

عفروتة شبيك
مشرف ادارى

Egypt
70678 مشاركة

كتب فى :  - 19/03/2015 :  07:24:37  Show Profile





منتديات اوليفيا

أدهم سليم الباحث بمعهد الدراسات المعمارية المتقدمة بألمانيا يرصد: 10 ملاحظات على مشروع العاصمة الإدارية

كتب المعماري أدهم سليم و الباحث بمعهد شتيدل للدراسات المعمارية المتقدمة بألمانيا عشرة ملاحظات عن مشروع العاصمة الإدارية الجديدة التي أعلنت الحكومة المصرية عنها خلال المؤتمر الإقتصادي.

والمشروع وفق ما أعلنه وزير الإسكان سينفذ بمشاركة شركة إعمار الإماراتية، ويتكلف 45 مليار دولار أمريكي، ويستغرق من 5 إلى 7 سنوات للانتهاء منه.

وعبر سليم خلال ملاحظاته والتي دونها في 3 بوستات على حسابه عن قلقه من مجموعة من التفاصيل الخاصة بالاعلان عن المشروع بداية من غياب الدراسات الكاملة وانتهاء بطبيعة منفذي المشروع والتجارب الدولية في هذا الإطار .. وإلى نص الملاحظات

- أولاً ماينفعش تبني عاصمة جديدة بهذا القرب من العاصمة القديمة ,, العاصمة الجديدة مش هاتكون أكتر من "مدينة تابعة" أو satellite city حسب المصطلح الأكاديمي بتدور في فلك المدينة القديمة ..

مشاكل مدن الساتلايت تكمن بشكل رئيسي في وعدها الفاشل بالاستقلالية.. إنت بتبني مدينة جديدة عشان "تبعد" عن مشاكل القديمة (بغض النظر عن إنك بتبعد بس من غير ما تحلّ مشاكل القديمة , بس ما علينا) ,, لما تعملها قريبة جداً بالمنظر ده (أقل من 50 كيلو من العاصمة القديمة) المدينة الجديدة هاتلبس كل مشاكل المدينة القديمة ,, على سبيل المثال شبكات الإنفرا بتاعة المدينة الجديدة هاتكون يا إما عبء مباشر عالقديمة , و كل لما يحصل ضغط على العاصمة الجديدة مواسير العاصمة القديمة تضرب ,, يا إما مشاكل العاصمة القديمة نفسها هاتكون عبء تخطيطي على شبكات العاصمة الجديدة , و هاضطر تعمل مخطط بشبكات مواسير أد الفيل عشان تستوعب ضغط المدينتين مع بعض ..

- الحقيقة إنه فضلاً عن فكرة إن المدينة هاتكون غير مستقلة بمعنى إنها معتمدة في إنفراستراكشرها على المدينة الأم (أو المدينة الأم معتمدة عليها) ,, فإن السكان المزمعين للمدينة دي هايكون برضو جايين من المدينة الأم (إلا إذا المخطط جاي بسكانو!)

حسب الكلام المكتوب عن المشروع (الكلام إللي إتأخر كتير عن الصور) , المدينة هاتكون "عاصمة إدارية" , يعني هاتكون مباني إدارية و CBD كبير شغال من 9 لـ 5 بس ,, طب و بالنسبة للمسا؟ بالمنظر ده المدينة الجديدة هاتكون عاصمة إدارية الصبح و عاصمة أشباح بالليل , و ده في ذاته فشل مرعب و سوء توظيف للموارد الضخمة المخصصة للمشروع (500 مليار جنيه مش عارف هايجيبوهم منين!)

- بفرض إنك هاتبني العاصمة و هاتستورد لها سكان شكلهم لايق ع المباني ,, أكيد هاتحتاج ناس تنضف لهم الحمامات و تكنس لهم الشوارع و تبيع لهم سندوتشات و تصلح لهم العربيات إلخ ,,

الناس دول هاييجوا من العاصمة القديمة ,, بس هاييجوا إزاي؟ أكيد هايكونوا محتاجين مواصلات ,, و مالم يكن في ذهنك إن الطرق و وسائل المواصلات الواصلة بين المدينتين هايكونوا مليانين بالبشر في ساعتي الذروة يبقى أكيد محتاج تراجع حساباتك و مخططاتك ,, و تطلع بشبكة مواصلات متكاملة تكون شغالة قبل ما المدينة نفسها تشتغل ,, زي ما بيحصل في كل المخططات المزبوطة ,, و زي ما حصل في مخطط هيلوبوليس من أكتر من 100 سنة ,, الخواجة إرنست جاسبار نفّذ خطوط الترام و الطرق قبل ما مباني مصر الجديدة تطلع ..

الكتب و الناس إللي بتفهم بتقول ماينفعش مدينة ساتالايت تطلع فوق الأرض قبل مواصلاتها ..

- صور المدينة سبقت الكلام عن المدينة نفسها ,, يعني كما لو كان إن فيه حد تخيل صورة المدينة و رسمها (الحد إللي إحنا لغاية دلوقتي مانعرفش هو مين ,, بس ممكن نخمن إنه إعمار الإماراتية بتكليف مباشر من الحكومة) ,, و بعدين حدفها علينا من فوق ,, و إحنا دلوقتي مفيش قدامنا غير إننا نتكلم عن المعطيات إللي هو حدفها علينا ..

ماينفعش تبني مدينة , من غير ماتتكلم و تناقش و تعمل استبيانات رأي عام دراسات موقع و سكان و إيكولوجيا و اقتصاد و إحصاءات و كلام نظري كتير ,, قبل ما تقرر شكل المدينة عامل إزاي ,, ماينفعش ترسم بيت فيه 3 أوض نوم و بعدين تكتشف إنك كنت محتاج 4 ,, لازم تكون عامل دراساتك الأول ,, يعني ده أ - ب - منطق ..

- بصفة شخصية ممكن أكون سعيد إن فيه مدينة جديدة هاتتبني في مصر ,, بقى لنا كتير ما بانيناش مدن جديدة و محتاجين مساحة معمارية للشغل برا القاهرة الجديدة و منتجعات السواحل و فيلاتها المبهرجة ,, بس حكاية التكليف المباشر دي برضو شيء مزعج ,, يعني إنت ممكن ترسي مقاولة فيلا أو بيت ريفي صغير بالتكليف المباشر , بيتك و فلوسك و إنت حر فيهم ,, بس المباني العامة دي فلوس ناس ,, و الناس دي لازم تعرف إن التصميم ده و المصمم ده المقاول ده و العمال دول هم الأنسب و الأوفر و الأصلح لتنفيذ المهمة ,, غير كدة يبقى إنت بتستعمى الناس (الكلاينت) أو بتسرقهم ..

فما بالك بمدينة بحالها ,, فيها ملايين المقاولات و الـsubـمقاولات إللي ماحدش عارف هاتترسى إزاي ...

- أنا كمعماري الموضوع بالنسبة لي مقلق ,, يعني إذا كنت مش عارف أصلاً مين إللي عامل التصميم و عملو على أي أساس إزاي المدينة الجديدة هاتكون فرصة بالنسبة لي ؟ يعني إذا كانت الحكومة بتخلص شغلها مع إعمار أو سين من الشركات من ضهر السوق ,, أنا و بقية السوق هانكسب إيه من المدينة الجديدة؟

عايز تبني مدينة يبقى تعمل مسابقة عامة مفتوحة لكل تفصيلة في المدينة ,, من أول شكل المباني لغاية بردورة الرصيف و عمود النور , و خلّي الأشطر يكسب , زي ما بيحصل في كل دول العالم ..

مفيش مدينة في العالم بتتعمل في "جمعية سريّة" ,, إلا إذا كنت عايز المدينة تبقى مدينة عسكرية مثلاً ..!

- معلومة إن سكيدمور أوينجز أند ميريل هما إللي بيعملوا مخطط المدينة الجديدة دي معلومة لا تؤشر على أي شيء , و ربما على العكس , ممكن يكون ليها إشارات سلبية ,, مصر عندها ذكريات سيئة مع مكاتب التخطيط العالمية ,, الحكومة المصرية اشتغلت مع استشاريين أمريكان على مخطط مدينة السادات , و اشتغلت مع استشاريين سويديين و أمريكان على مخطط العاشر من رمضان ، و استشاريين ألمان على مخطط 15 مايو و العبور , و استشاريين هولنديين على مخطط برج العرب ,, و كلهم فشلوا أو ما وصلوش للأهداف المرجوة منهم ..

الاستشاري الأجنبي هو في النهاية واحد جاي ياكل عيش , قدامه حكومة من دولة فقيرة ,, و لو عمل لهم أي حاجة هايشتروها منه , لأنه "أجنبي و شكلو بيفهم" ..

- حاجة كمان ,, من كتر ما الموضوع غائم ,, الاستشاري الأمريكي بيقول إن المشروع هو "عاصمة جديدة" , بينما المطور الإماراتي بيقول إنه "امتداد للعاصمة القديمة" , بينما الحكومة بتقول إنها "عاصمة إدارية" ,, ده بيوضح أد إيه الموضوع بيحصل بشكل غامض و مش مفهوم حتى بالنسبة للمشتركين فيه , إللي هما مش عارفين يتفقوا على ماهية المشروع أصلاً ..

- فيه حجة دايرة بين الناس بتلتمس العذر لغياب الدراسة التخطيطية لأنه "مش معقولة كل الشركات العالمية العظيمة دي هاتحط فلوسها في مشروع فاشل"

الحقيقة إنه من ناحية المبدأ الشركات العالمية ليست معصومة من الخطأ ,, و فيه شركات عالمية مابتعملش حاجة تانية غير إنها بتغلط و بتفوت الـstake holders بتوعها في الحيط , إعمار الإمارات تحديداً كانت مساهم في صنع أكبر real estate bubble حصلت في العالم خلال أزمة 2009 ..
و عليه ,, المدن برضو مش معصومة ,, و فيه مدن بتفشل ,, خصوصاً المدن إللي بيتم تطويرها كمشاريع استثمار عقاري , بغض النظر عن اشتراك استشاريين عالميين و مطوّرين كبار في إنشائها ..

- في الأكاديميات المعاصرة فيه حالات دراسية مدهشة و مرعبة في نفس الوقت لمدن فشلت على الرغم من توافر الإرادة السياسية و العقارية لنجاحها ,, أشهر الأمثلة ممكن يكون ما اصطلح عليه إعلامياً بإسم "مدن الأشباح الصينية" ..
عشان تتجنب إنك تعمل مدينة أشباح , لازم يكون عندك دراسات كافية عن هاتعمل المدينة ليه و هاتعملها لمين هاتعملها إزاي ,, عشان تجاوب ع الأسئلة دي لازم سكان المدينة يكونوا شريك فاعل في التحضير للمخطط ..







على مر الزمان ... سأبقى عفروتة شبيك لبيك وسيظل شبيك عالمى
ستظل مواضيعى تاريخى
سيظل اسمك بقلبى ما حييت

شبــــــيــــــــــك لبيـــــــــــــــــك

  Previous Topic الموضوع Next Topic  
 اضافة موضوع  الرد على الموضوع
 اطبع الموضوع
|| Bookmark and Share ||
أذهب الى:
 

منتديات || دردشة || احدث الاخبار || الرياضة اليوم ||مجلة زووم || عالم المرأة || المطبخ العربى || للكبار فقط

دنيا ودين || القرأن الكريم || عمرو خالد || دليل المواقع || خدمات الموقع || خدمات حكومية || المراسلة وابلاغ انتهاك

|| Bookmark and Share