Loading
مساعدة بحـــــث قائمة الاعضاء اشتراك بريدى جديد اليوم التسجيل ملف العضو الرئيسية
اسم العضو: كلمة السر:
حفظ كلمة السر تذكيرك بكلمة السر?


دردشة شبيك لبيك
 المنتديات
 المنتديات العامة والاجتماعية
 نفوس وقلوب حائرة
 الحب ولا المسئولية ؟!
 اضافة موضوع  الرد على الموضوع
 اطبع الموضوع
|| Bookmark and Share ||
الكاتب Previous Topic الموضوع Next Topic  

عفروتة شبيك
مشرف ادارى

Egypt
71194 مشاركة

كتب فى :  - 29/06/2020 :  05:29:33  Show Profile





منتديات اوليفيا

_أنتِ موافقة على أحمد ده ؟!
كانت تجلس أمام أبيها وهي تمثل الرصانة والهدوء ببراعة وبداخلها صوت يصرخ و يرقص قائلاً:"أنا موافقة جداً يا بابا" لكنها لم تقل هذا بصوت عاليا هي ضبطت نفسها جيدًا وهي تقول بهدوء و تتجنب النظر بشكل مباشر إلي عين أبيها حتى تتقن براءة إجابتها :
_أحمد خيار لطيف يا بابا.
أمامها والداها كان يشعر بعدم الارتياح التام من هذا الشخص هو بصيغة أخري يرفضه كليًا .. لكنه كان يتحكم في انفعالاته بشكل كبير لم يرسم على وجهه أي نذير للرفض او حتى القبول فقط قال :
_مفيش خيار لطيف ... في خيار صعب و خيار أصعب .
تجمدت ملامح الشابة للحظة لا تفهم ما الذي يرمى له أبيها
_مش فاهمة أنت تقصد ايه يا بابا؟
_الجواز في حد ذاته خطوة صعبة ... وجدها تنظر لها بعيون مذعورة قليلاً فقال محاولاً طمأنتها :أنا مش بقول كدة عشان أخوفك .. أنا بقول كدة عشان لما تختاري تختاري اللي يقدر يشيل معاك الوقت الصعب ده مش يبقى لطيف في الأول بس
_ما هو يا بابا عشان هو لطيف ها نقدر نعدي الأيام الصعبة مع بعض .
قالتها بثقة وهي مبتسمة
_بصي هقولك على حاجة .. أنا عارف أني أحمد زميلكِ في الجامعة و أكيد في بينكم مشاعر ....
_بابا أحنا ....
حاولت أن تعترض على ما سيقوله و أن تنفى وجود أي شيء بينهما ، لكنه قاطعها قائلاً:
_أنا مش عايزك تكدبي ... أنتِ كبيرة كافية و تعرفي الفرق ما بين الصح والغلط . و أنا بكلمك و عارف أنك بنت الكبيرة اللي هتعرف تفرق ما بين أن الشاب اللي قدامها هيعرف يشيل مسئولية بيت ولا أنه مجرد شاب عادي عنده مشاعر جميلة إتجاهكِ ، لكنه مش هيعرف يتحمل تبعات مسئولية المشاعر دي .
لم يكن في كلامه اي نبرة مهاجمة ،هو فقط كان يحاول ترتيب الحقائق أمام عيناها الشابة .
_بابا هو ... حاولت أن تبرر لكنها توقفت فجاة دون أن تدري ماالذي ستقوله .
قرأ هذا التردد وعدم القبول بالتعجيز هذا الذي لا يتوافق مع المشاعر التي تحس بيها
_ للمرة التانية أنا مش بحاول أخوفك ... أنتِ حتة من قلبي اللي عايزها دايماً تبقى مرفوعة في السماء ،
أنا أبداً مش هعمل حاجة مش هتراضيك ... بس قبل ما أعمل كدة ما تعمليش أنتِ في نفسك حاجة مش هتراضيك بعد كدة .... وفكري براحتك وخدي وقتك وأنتِ بتسألي نفسك .. هل الشخص اللي مش بيتحمل مسئولية أنه يجيب كوباية المية لنفسه و عائلته هي اللي هتتكفل بكل مصاريف جوازه و هتشيل الليلة هيقدر يشيل مشاعرك كإنسانة
و زوجة وحياة ما بينكما طويل طولها العمر ... جاوبي نفسك و قوليلي قرارك .
تمت
سؤال
تفتكروا ايه الأهم في العلاقة الحب ولا المسئولية



  Previous Topic الموضوع Next Topic  
 اضافة موضوع  الرد على الموضوع
 اطبع الموضوع
|| Bookmark and Share ||
أذهب الى:
 

منتديات || دردشة || احدث الاخبار || الرياضة اليوم ||مجلة زووم || عالم المرأة || المطبخ العربى || للكبار فقط

دنيا ودين || القرأن الكريم || عمرو خالد || دليل المواقع || خدمات الموقع || خدمات حكومية || المراسلة وابلاغ انتهاك

|| Bookmark and Share