Loading
مساعدة بحـــــث قائمة الاعضاء اشتراك بريدى جديد اليوم التسجيل ملف العضو الرئيسية
اسم العضو: كلمة السر:
حفظ كلمة السر تذكيرك بكلمة السر?


االصحافة
 المنتديات
 المنتديات العامة والاجتماعية
 الملتقى العام
 التخاطر
 اضافة موضوع  الرد على الموضوع
 اطبع الموضوع
|| Bookmark and Share ||
الكاتب Previous Topic الموضوع Next Topic  

عفروتة شبيك
مشرف ادارى

Egypt
81274 مشاركة

كتب فى :  - 20/07/2020 :  16:29:56  Show Profile





شبيك لبيك

سمعت قبل كده عن حاجه اسمها التخاطر ؟!

التخاطر ظهر لأول مره سنه 1882 وهو القدرة علي نقل معلومات من عقل إنسان لعقل إنسان تاني يعني لو أنت بتفكر في موضوع او كلمه تقدر توصلها للشخص الي انت بتفكر فيه بسهولة جدًا..

طيب ازاي هو الموضوع ده حقيقي ؟!

يوم الجمعة سنة 645 ميلادية (23 هـ) كان واقف (عمر بن الخطاب) علي المنبر في المدينة بيخطب في المسلمين وفجأه من غير اي مقدمات صرخ وقال "يا سارية الجبل، الجبل، من استرعى الذئب الغنم فقد ظلم"
سارية كان وقتها في الشام بيحارب المشركين في الفرس وسيدنا عمر كان في المدينة..
ولما رجع سارية حكي القصه كلها..
وقال سارية ان المشركين أتجمعوا علي المسلمين وبقينا في خطر كبير لحد ما سمعت صوت بينادي وبيقولي (يا سارية الجبل) وقدرت أوضح انه صوت سيدنا (عمر بن الخطاب).. ووقتها التجأت بالمسلمين تحت جبل عشان يحمي نهاية الجيش وبعد ساعة كنا منتصرين..
وبعدها المسلمين سألوا (عمر بن الخطاب) وقالولوا أنت قولت كده ليه ؟!
قالهم :وقع في خلدي أن المشركين هزموا إخواننا فركبوا أكتافهم وأنهم يمرون بجبل فإن عدلوا إليه قاتلوا من وجدوا وقد ظفروا وإن جاوزوا هلكوا..

دي قصة حصلت فعلا واسمها (حادثة سارية) وتقدر تعمل سيرش عنها وتعرف تفاصيل اكتر..
المهم أن القصه دي اقوي دليل علي وجود التخاطر..

والتخاطر موجود فعلا ومنتشر بين الاخوات والتوأم اكتر والمتزوجين وبين الام وابنها وبين المحبين ودول بيبقوا الاكتر قدرة علي التخاطر..
وحتي لو لاحظت هتلاقي ان الام بتقلق علي ابنها لو تعب او حصله اي حاجه حتي لو بينهم مسافات طويلة.. ومثال تاني واكيد حصلك في مره انك كنت بتفكر في حاجه معينه او اغنيه مثلا وفجأه تلاقي اخوك او اختك مشغلها او بيغنيها او يسألك عنها..
والتوائم اوقات بيتعبوا نفس التعب مع بعض وبيبقا بينهم تخاطر في الافكار وفي كل حاجه..
والتخاطر عموما موجود في حياتنا اليومية وحصل مع معظم الناس.. يعني انت ممكن تكون في مره كنت بتفكر في حد وبعدها علطول تلاقيه بيتصل بيك او بيوصلك عنه اي اخبار..

طيب ازاي بيتم التخاطر او لو انا عايز اوصل رساله لشخص اعمل كده ازاي ؟!

التخاطر بيُفضل يكون (بليل) لما الشخص الي انت بتفكر فيه يكون نايم بحيث يكون عقله فاضي تماماً من كل الافكار..
ولازم تكون انت مؤمن ومتأكد ان الموضوع (هينجح) لانك لو هتعمل التخاطر (كتجربه) الموضوع هيفشل معاك.. لازم يكون عندك ثقة من نجاح الموضوع وحتي لو الرد اتأخر شويه عادي انت ممكن تجرب تاني.. لأن الموضوع بيبقا عايز تمرين وممارسة..
الخطوات بقا هيا..
تقعد في مكان هادي علي كرسي ويكون ضهرك مستقيم وتبدأ تفكر في الشخص الي عايز توصل ليه الرسالة ولازم الرسالة تكون قصيرة وواضحة وتغمض عينك وتتنفس كويس وبعد ما توصل لمرحلة التركيز هتحط أيدك اليمين علي (جبينك) الي هيا مقدمة الرأس فوق عينيك كده وايدك الشمال في نهاية راسك عند (العقل) وتخيل الشخص الي عايز توصل ليه الرسالة وبعدها قول الرسالة الي انت عايزها واستني الإجابة..
الإجابه ممكن تكون بعدها علطول او بعدها بيوم او بساعات او تجيلك الإجابة وانت نايم علي شكل (حلم)..

والتخاطر بينجح بسرعه جدًا بين الناس المرتبطين..
وبيُقال ان الشخص لو بيفكر في حد كتير او بيحبه ارواحهم بتبقا متعلقة ببعض..


طيب عايز تتأكد التخاطر ده موجود فعلا ولا لا وبطريقة سهله ومباشرة ؟!

روح جيب اي شخص وخليه يقف قدامك واطلب منه يختار رقم من بين ال 5 و ال 10 مثلا وبعد ما يختار رقم اطلب منه انه يقول الرقم الي اختاره في داخله وبعدين ركز جدًا في ملامحه وقول انت كمان الارقام من ال 5 ل 10 جواك لحد ما تلاقي نفسك حاسس بشعور غريب تجاه رقم معين وبنسبة كبيرة هيكون هو الرقم الي اختاره الشخص التاني..

ودي طريقه بيستعملها ناس كتير بس بيقولك ده (سحر) وبتاع وهو اصلا بيبقا متمرن كويس جدًا علي التخاطر مش اكتر لأن الموضوع ليه تمارين..
واكيد قبل كده شوفت شخص ماسك كوتشينه وبيجي يقولك أختار كارت معين وانا هقولك هو اي..
والشخص ده لازم تعرف انه متدرب علي التخاطر ومش بيبقا ساحر ولا اي حاجه ولو أنت جربت التجربة الي قولتلك عليها دي هتنجح معاك..

ومن فتره كان في بحث من جريدة (الوطن) عن الموضوع ووصلوا لشوية تجارب وكلها تقريبا لبنات..
المهم في بنت كانت بتقول انها عندها 24 سنة نفذت الخطوات وعدي يوم والتاني ومحصلش اي حاجه وافتكرت ان التجربه فشلت لحد ما جي اليوم الرابع واتصل بيها الشخص الي كانت بتفكر فيه والي هو (حبيها او خطيبها السابق) وقالت البنت انها مكنتش بتصدق وبتقول ان التخاطر اي كلام لحد ما كلمها خطيبها بعد ما قعدوا فوق الشهرين بعيد عن بعض ومش بيتكلموا وصدقت وقتها..ولأن القصص طويله ف هسبلكم اللينك في أخر المقال وفي اول كومنت التجارب كلها..

والتخاطر بالنسبة للشيوخ والفقهاء اسمه (الكشف الجزئي)..
(وَيَسْأَلُونَكَ عَنِ الرُّوحِ #1750; قُلِ الرُّوحُ مِنْ أَمْرِ رَبِّي وَمَا أُوتِيتُم مِّنَ الْعِلْمِ إِلَّا قَلِيلًا)
وفي فرق بين التخاطر والاسقاط النجمي التخاطر هو شئ عادي ومجرد انك بتفكر في شخص مش اكتر..
عشان بس محدش يقولي حرام..

وانا مجربتش التخاطر ومش عارف هل هو صح ولا لا بس من كلام الناس اعتقد انه صح.. ولو حد جرب التخاطر قبل كده او حصله حاجه شبه الموضوع يكتبها في الكومنتات..
وانا مكنتش هكتب عن الموضوع اصلا بس لقيت اكتر من حد عايز يفهم وكمان الموضوع فجأه انتشر بين البنات بالذات وكله بقا بيعمل سيرش عن التخاطر وبيبقا تخاطر مع حبيبها او خطيبها لو بعدو عن بعض مثلاً..
ف بس يارب أكون قدرت أوصلكم الموضوع بشكل سهل وكويس...

ولو حضرتك معترض معايا اتفضل قول وجهه نظرك ورأيك في الموضوع تحت في الكومنتات وزي ما قولت قبل كده انا بتكلم عن نظريات وفرضيات مش حقائق او حاجه ثابته يعني..
وحقيقي انا مكنتش متخيل ان مقال (تناسخ الارواح) يعجبكم كده ويارب مقال النهارده كمان يعجبكم وبوعدكم ان المقالات الي جايه هتكون أحسن وأجمد واولهم مقال (الاسقاط النجمي)..
وزي ما عملنا المره الي فات لو وصل المقال 400 لايك قبل بكره هينزل مقال الاسقاط النجمي بكره..
ولو انت جديد هنا متنساش تعمل (فولو) و(سي فيرست) وتدخل تشوف باقي مقالاتي الي هتلاقيها كلها هنا علي الاكونت وان شاء الله هتعجبكم..
ومتنساش تعمل لايك وشير ومنشن لشخص او اتنين او تلاته يقراء معاك المقال..عشان البوست يوصل لاكبر عدد من الناس وعشان اللايك هو الي بيشجعني جدًا ان انا أكتب أسرع.. واستنوا مقال عظمه بكره عن (الاسقاط النجمي) وقولولي برضو تحبوا المقالات الجايه تكون عن ايه ؟!
وايه وجهه نظركم في موضوع التخاطر ؟!

#المصادر

1_https://www.google.com/url?sa=t&source=web&rct=j&url=https://ar.m.wikipedia.org/wiki/%25D8%25AA%25D8%25AE%25D8%25A7%25D8%25B7%25D8%25B1&ved=2ahUKEwjTqM32psDqAhUByIUKHayOB0EQFjAYegQIARAB&usg=AOvVaw2gokURG_JDM8I48lVQ0XcK&cshid=1594302529497

مصادر قصة (سارية وعمر بن الخطاب)...

#1633;_ الإصابة في تمييز الصحابة -ابن حجر العسقلاني - الجزء 3 - الصفحة 5

#1634;_ تاريخ دمشق - الجزء 20 - الصفحة 25

#1635;_ البداية والنهاية - ابن كثير - المجلد الرابع - المجلد السابع - صفحة 130.

#1636;_ تاريخ اليعقوبي - الجزء الثاني - صفحة 108.

بقلم أحمد ناصر
منقول




  Previous Topic الموضوع Next Topic  
 اضافة موضوع  الرد على الموضوع
 اطبع الموضوع
|| Bookmark and Share ||
أذهب الى:
 

منتديات || دردشة || احدث الاخبار || الرياضة اليوم ||مجلة زووم || عالم المرأة || المطبخ العربى || للكبار فقط

دنيا ودين || القرأن الكريم || عمرو خالد || دليل المواقع || خدمات الموقع || خدمات حكومية || المراسلة وابلاغ انتهاك

|| Bookmark and Share