Loading
مساعدة بحـــــث قائمة الاعضاء اشتراك بريدى جديد اليوم التسجيل ملف العضو الرئيسية
اسم العضو: كلمة السر:
حفظ كلمة السر تذكيرك بكلمة السر?


شبيك لبيك تى فى
 المنتديات
 صالون الثقافة والادب
 القصص والروايـات
 بنت عمى
 اضافة موضوع  الرد على الموضوع
 اطبع الموضوع
|| Bookmark and Share ||
الكاتب  الموضوع Next Topic  

عفروتة شبيك
مشرف ادارى

Egypt
81324 مشاركة

كتب فى :  - 10/09/2020 :  03:24:26  Show Profile





شبيك لبيك


_هتتجوزها ورجلك فوق رقابتك
=الى هو ازاى يعنى
_يبنى انا ابوك وعاوز مصلحتك
=يبابا انا عارف ان مريم إنسانة محترمة وجميلة وأنها كمان بنت عمى الله يرحمه بس مش معنى كده انى اتجوزها .. انا بعتربها زى اختى بالظبط
_يبنى انا مش هعيشلك على طول .. عشان خاطرى اتجوزها دى ملهاش غيرنا .. ويبقي كد ضمنت انها ف ايد راجل هيحافظ عليها .. وانا رجلى والقبر يعنى عاوز افرح بيكم قريب
=بعد الشر يبابا متقولش كد .. يووه طيب .. طب ف الاول خطوبه عشان نتعرف
_تتعرفوا اى انتوا متربيين مع بعض .. كتب الكتاب يوم الخميس الجاى .. وانا طبعت خلاص الجوابات وزمانها وصلت للناس وأصحابك
=بتحطنى قدام الأمر الواقع يعنى بتثبتنى .. الى تشوفه يا والدى اهم حاجة صحتك .. الزعل مش كويس عشانك
_لو اتجوزت مريم هكون مبسوط
=حاضر
*انا مصطفى عندى #1634;#1638; سنة والى بنتكلم عليها دى مريم بنت عمى الله يرحمه عندها #1634;#1634; سنة ومتربيين سوا ..
فتحت الواتس بعد مسبت ابويا .. كل الواتس عندى تقريبا مباركة على جوازى الى هو بعد #1635;ايام ..
جه يوم الخميس اشتريت البدلة وحضرت نفسي وابويا كان محضر العربيه والشقه كانت جاهزة وكل حاجة تمم ..
*خلصنا الفرح وركبت العربيه ومكلمتش مريم خالص .. وروحنا البيت
_إدخلى
=متشكرة ..
_..
*دخلت وقعدت على الكنبه
_عاوز اقولك على حاجة
=اتفضل
_بصي يمريم .. انتى طبعا إنسانة محترمة جدا واى حد يتمناكى .. بس انا بعتبرك اختى بس فاهمة ..
=لو كد اتجوزتنى لى!!
_مهو ابويا ..
=اه عمى .. كنت حاسه ..
_متفهميش غلط يمريم
=يعنى انت مش بتحبنى !!
_لا طبعا بحبك .. انتى مينفعش متتحبيش يمريم .. بس الى هو اختى بق
=ها واى كمان
_لا بس كد
=بس يجدع
_اه والله
=تمم .. عاوز اى دلوقتى؟
_مش عاوز حاجة والله.. انا طالب بس نمثل قدام ابويا اننا سعدا وكد عشان ميتعبش
=نمثل .. اه تمم .. بعد اذنك
_على فين
=هنام
_طب وانا
=مش انا اختك نام مكانك بق
_انتى عنيفه اوى لى
=اهو دا الى عندى .. تصبح على خير ..
..
مريم دخلت بس حسيت ان ف وسط كلامها الى بهزار كسرة .. حسيت انى كسرت فرحتها ف اليوم الى بتتمناه اى بنت
*مسكت الفون وقعدت اقلب وفتحت الواتس لقيتها اون لاين فبعتلها رسالة
_مريييم
=عاوز اى
_يخربيت دماغك .. اوعى تكلمى حد دلوقتى
=لى يعنى
_لى ايه .. هو المفروض اننا بعد الفرح نفتح الفون؟
=خلاص مش هكلم حد .. حاجة تانيه؟
_اه
=ايه
_افتحى الباب
=لاء
_عاوز اغير هدومى
=لاء نام كد بق ..
_مريم متهزريش
=مش بهزر وغلاوتك
_وحيات صاحبك دا انا جوزك يعنى
=لاء يعنى لاء
_خلاص براحتك يستى.. انتى بتعملى اى
=قاعدة .. شويه وهنام
_مش هتغيري
=ملكش دعوة بيا
_يرضيكى انام على الكنبه وبهدومى
=طب وربي يرضينى
_كنت حاسس
=طب يلا هنرش ماية
_كد كد انا مصدع وعاوز انام ..
=طب تصبح على خير
_وانتى من اهله ..
*نمت على طول على الكنبه.. فعلا الفرح كان صعب اوى واليوم كله كان مرهق ..
*الصبح
ترن ترن
*صحيت على صوت الجرس دا اكيد امى وناس جايه تبارك
خبط على مريم بس مسمعتش رنيت عليها والحمد لله سمعت
_يخربيت عقلك انتى نايمة بالفستان والطرحة .. عمليها ازاى دى
=بقولك بقولك .. لخص ..
_الناس برا غيري عما اغير وافتحلهم
=طيب طيب
*لبست بجامة وطلعت وسبت مريم تغير ..
*لقيتها امى وخالتى جايين يباركونا
_امال فين مراتك
=جايه اهى يا امى
*ف اللحظة دى بتطلع مريم .. هو انا اه عرفت بنات كتير اوى بس عمرى مشوفت واحدة ف جمالها .. طلعت مريم ولابسه برموضة قصيرة واول مرة كنت اشوف شعرها الطويل الناعم دا .. فضلت متنح كد وفاتح بوقى الى هو انتى بجد!!
_مصطفى مصطفى
=ها مين
_مين اى.. اقفل بوقك هتفضحنا
=يخربيت جمالك يشيخة
_نعم .. اعقل كد
=ايوة انتى حلوة اوى اكذب يعنى
_يبنى اسكت امك وخالتك قاعدين
=اي مش مراتى ولا اى
_اعقل بق بجد عشان مش ذوق
=خلاص ماشي زوق معاهم .. لكن تسبينى بهدومى دا زوق كد
*فضلت أمى وخالتى قاعدين ونفسي يمشوا عشان استفرد بالقمر دا .. جه الوقت إلى هما يمشوا
_رايحين فين خليكوا لازم تتغدوا معانا
=نعم يختيييي .. قصدى طبعا امال
*لا مرة تانيه بق الف مبروك يعرايس
_الله يبارك فيكم يرب
..
فضلت مريم واقفة على الباب لغايه ممشيوا
_متيجى هنا وانا احبك طيب
=انت شارب حاجة!!
_شارب من جمال عنيكى
=مصطفى انت اهبل؟؟
_افصلى اللحظة افصليها كمان
=انا جعانة
_لا خلاص اللحظة اتفصلت فعلا .. بس بقولك
=ها
_أنتى حلوة اوى بجد يعنى احلى واحدة شوفتها ف حياتى
=شكرا
_شكرا اى
=شكرا يعن وخلاص
_طب انتى واقفة لى .. تعالى اقعدى جمبي ولا تقعدى جنبي جمب امى وخالتى بس!!
=انا هدخل اعمل فطار ..
_طيب ماش مصيرك يا سمك تقع في السنارة
=افندم !!
_لا ولا حاجة خشى خشي
*بعدها بشويه سمعت صوت تكسير ف المطبخ ....
يتبع



عفروتة شبيك
مشرف ادارى

Egypt
81324 مشاركة

كتب فى :  - 14/09/2020 :  13:13:51  Show Profile

البارت_الثاني

كنت قاعد ومستنى مريم تحضر الفطار ولقيت صوت تكسير ف المطبخ ..
_إيه دا .. انتى كويسه؟؟
=اه .. رجلى بتوجعنى اوى
_هه .. الى يشوفك وانتى داخلة يقول الشيف الشربينى .. تقومى موقعة الاطباق .. اى دا فيه دم
=مش كنت بتضحك .. ابعد بق
*مريم مشت قدامى ولقيتها بتتسند على الحيطة ورجلها بينزل منها الدم .. روحت شايلها
_نزلنى ..
=أهدى كد والنبي عشان إلى انتى عملتيه دا ..
..
*حطيتها على الكنبه وجبت قطن وبيتادين ولفتلها رجلها ..

_لسه بتوجعك!
=لا .. شكرا
_العفو يبنتى .. مريم انا شايف ان الجواز دا بوظ الدنيا بينا .. احنا كنا صحاب اوى وكل واحد فينا عارف كل حاجة عن التانى .. دا انتى حتى كنت عارفه انا كلمت كام بنت وعارفه عنى كل حاجه.. لكن دلوقتى حاسس اننا اغراب عن بعض والوضع دا مش مريح
=انت مبتفهمش ولا بتحس بحاجة ..
_ايههه!!
=زي مسمعت .. عمرك سألت انا وافقت على الجواز دا لي! عمرك قولت هى بتستحملنى لى .. هى بتسمعنى وبتعمل كل دا لى .. عمرك مسألتي نفسك انت بالنسبالى اى! .. دا انت بمصطفى الوحيد الى عرفاه.. فتحت عينى على الدنيا عليك .. كنت على طول صاحبي واخويا و... يوووه بص يمصطفى إلى انت عاوزه اعمله براحتك .. لكن انا تعبت والله وانت مش حاسس ولا فاهم اى حاجة .. دا انا كنت هموت من الفرحة لما عمى قالى أنه عاوز يجوزنا .. قولت معقول حس بيا .. لكن طلعت ف الآخر مش بتحس غير بنفسك وبس طول عمرك كد ..
*مريم قالت الكلام دا وهى بتعيط .. اول مرة افهم يعنى اى الواحد يعيط بوجع .. قالت الكلام وانا متنح وزعلان جدا .. معقول اقرب حد ليا اكون سبب ف وجعه بالطريقه دى .. مريم قالت الكلام دا وقامت دخلت الاوضه وقفلت عليها.. وانا لسه قاعد على الكنبه مش متوقع انها فعلا بتحبنى ..

_مريم .. افتحى .. انا عارف والله انى مش بفكر غير ف نفسي .. بس والله مكنتش عارف انك كد خالص .. انا اسف والله حقك عليا .. طب افتحى نتكلم .. وغلاوتى عندك افتحى ..
=خلاص يمصطفى لو سمحت سيبنى لوحدى دلوقتى
_مريم
=عشان خاطرى يمصطفى مش هقدر اتكلم دلوقتى

*قعدت على الكنبه وانا سامع صوت تمتمه عياطها .. قعدت يجى ساعتين ف الاوضه مبتخرجش منها ..

*لقيت الباب بيخبط ..
وفتحت
_اي دا ندا !! (ندا دى بنت خالتي الى جت مع امى )
=ألف مبروك
_الله يبارك فيكى .. ادخلى .. اتفضلى
=امال فين عروستك
_ها .. ثوانى اندلها ..
*قربت من باب الاوضه وانا خايف لتعلى صوتها وتبقي فضيحة والى ميشترى يتفرج يرب دا انا غلبان ..
_احممم مريم .. ابوس ايدك متعلى صوتك .. افتحى .. ندا برا .. بنت خالتى .. انا عارفه انك جدعة وبتفهمى ف الزوق اكيد .. صح

*بعد خمس دقائق بظبط مريم خرجت وهى برموضه قصيرة. .. وكانت قمر .. يخربيت جمالك ويخربيت غبائي انى سيبتك كل دا
_معقوله كل طقم اجمد من الى قبله
=..
_متعبرنا يمدمرنا
=..
_هستفرد بيكى امتى بق ها
=نعم !!
_دى الى سمعتها يعنى .. مريم عشان خاطرى واحدة واحدة انا مش قد القمر دا
=بقولك اى وربي انا مش طيقاك وخارجة اصلا عشان ندا
_ندا مين بس والله هاين عليا اقولها نايمة عشان تمشي
=مفيش نقطة ذوق .. اوعا
_لاء ..
=ابعد يا مصطفى لو قربت خطوة تانيه هصوت
_الى هو ازاى يعنى .. على اساس انى شقتك ولا جايبك من شارع الدول العربيه ولا هتحرش بيكى مثلا
=بس يسافل .. بجد ابعد
*فضلت اقرب منها لغايه مبقت على الحيطة وحطيت ايدى على الحيطة
_ها واى تان يمحترم
=بصي مش هسيبك
_طب بس بجد .. البت قاعدة برا
*مصطفى مصطفى انت روحت فين !
_شوفت بق حاسب عشان بجد مش من الزوق
=يعنى هى هتفضل هنا طول اليوم .. اكيد هتمشي .. شوفى بق مين هينقذك ساعتها

*انا ومريم طلعنا والصراحة طول القاعدة مشلتش عينى من عليها .. ناقصها الضحكة بتاعتها.. مريم على قد مهى جميلة بس ضحكتها الى بتحلى كل دا .. ملامحها كانت حزينة .. بس لسه بردو جميلة .. زى الوردة وهى وسط الشوك ..

*جه الوقت أن ندا تمشي
_استنى اقعدى شويه
=لا بق مرة تانيه .. الف مبروك
_الله يبارك فيكى يحبيبتى .. عقبالك يرب ..
*وندا مشيت

_كنا بنقول اى
=متهزرش .. انت ناسي انت عملت اى !!
_طب يستى حقك عليا
=متستفزنيش .. انا الى غلطانة انى ..
_انك حبتينى .. مش انتى عاوزة تقولى كد ..طب مقولتليش لى
=البعيد طور ومش بيحس
_الله .. دا حتى التهزيق منك قمر .. ثوانى .. انتى راحة فين؟
=هغير هدومى
_لا مهو حلو كد
=ملكش دعوة بيا
_منتى الى قمر ..
=طب ملكش دعوة ..
_طب انا داخل استحمى
=طب متدخل ..
_يعنى بعد اذنك ينفع اخد هدومى من الاوضه
=انت كتلة استفزاز ..
*دخلت استحميت .. ولبست بنطلون البجامة .. يعنى انا اجيب البنطلون وانسي القميص!! .. حطيت الفوطه حوالين رقبتى وطلعت ..

_مريم
=عاوز اى
_افتحى اخد القميص بتاع الترينج
=طيب
..
_ملبستش ف الحمام لى
=منا بقولك نسيت القميص
_طب يلا البس بسرعة واطلع ..

*شديتها ليا اوى لما لقيتها مكسوفه ووشها احمر اوى

_مش هتنقي معايا البس اى
=البس اى حاجة انا مالى
_مالك ازاى .. مش مراتى
=اه .. مراتك صح .. طب بعد اذنك بق
_راحة فين
=هاخد شاور انا كمان ..
..
*بعدها بشويه لقيتها جت وهى لابسه روب وشعرها ف الفوطة وماشيه براحة .. كنت ساعتها بربط زراير القميص
_لا بق كد كتير
=احترم نفسك بق
_يبنتى مش قادرة احترم نفسي قدام الجمال دا
=معلش ليك والله
_طب الفوطة دى تلزمنى
*شديت الفوطة وشعرها المبلول الطويل كانت حلوة اوى .. انا بجد لو خيرونى انى اتعمى عن كل ستات العالم وأفضل اشوف مريم هختار انى اشوف مريم بس
_هاتها
=تؤتؤ
_بطل بواخة
=تعالى خديها طيب
_مش عوزاها
*شديتها نحيتى ووقعنا احنا الاتنين على السرير
_ابعد كد
=حان الان موعد الاستفراد يرايق
_بس يجدع
=اى بالله

*ترن ترن
_ثوانى مين هيجى دلوقتى!!
=احمم .. اصل طلبت اكل من برا
_ودا وقته!!
=ههه ..
_اضحكى .. فعلا خبتى مورضتش على حد ليكى حق ..
*وروحت افتح الباب

يتبع ..

Go to Top of Page
   الموضوع Next Topic  
 اضافة موضوع  الرد على الموضوع
 اطبع الموضوع
|| Bookmark and Share ||
أذهب الى:
 

منتديات || دردشة || احدث الاخبار || الرياضة اليوم ||مجلة زووم || عالم المرأة || المطبخ العربى || للكبار فقط

دنيا ودين || القرأن الكريم || عمرو خالد || دليل المواقع || خدمات الموقع || خدمات حكومية || المراسلة وابلاغ انتهاك

|| Bookmark and Share