
							Loading

اسم العضو:	كلمة السر:
حفظ كلمة السر	تذكيرك بكلمة السر?

المنتديات

المنتديات العامة والاجتماعية

نفوس وقلوب حائرة

صباحك سكر ... الجزء السابع عشر

اضافة موضوع

الرد على الموضوع

اطبع الموضوع
||

الكاتب

الموضوع

عفروتة شبيك
مشرف ادارى

Egypt
81499 مشاركة

كتب فى : - 24/12/2020 : 14:46:34

من وقت لأخر تهبنا الحياة هدايا تعيدنا لدواخلها ... تصحى الذكريات ... تنبهنا للواقع .. يتعالى النبض وربما صوت البكاء و الأحساس .

حمزة نمرة ابن الأسكندرية وليد الابراهيمية الجميلة قالوا عنه صوت الثورة ... لقبوه بفنان الشعب ... لاقى مالاقى منه الكثير من أبناء يناير .

الينارجية أصحاب الحلم ,,,

ربما نفتقد الحلم ليعود حمزة ويخبرنا لازلنا على قيد الحياة لازلنا نستطيع الحلم والنجاح .

حمزة نمرة كلما غنى كلما تذكرت مقولة أن الأصدقاء يشبهون بعض فلى وله صديق مشترك أرى فى صوت حمزة صوته واحساسه وفى وجهه ملامحه وفى كلماته كأنما يغنى عنه وله .

وهذا هو الفنان هو أن يكون صوت وسط الصمت أن يكون أحساسك الذى لا تستطيع التعبير عنه .

مولود سنة 80 ... أغنية تمد يدها من الثمانينيات لتمسك بجيلين السبعينات والتسعينات ليلتقوا سوياً أخر ثلاثة أجيال عرفت معانى أندثرت .

الوقعة الأخيرة أحتضنتنى و مر شريط من الوجوه الجميلة فى حياتى معها .

الانسان بمفرده لا شىء لا أحد يحيا وحيداً

شكراً حمزة نمرة الفنان والانسان .

عفروتة شبيك
مشرف ادارى

Egypt
81499 مشاركة

كتب فى : - 24/12/2020 : 14:59:03

وأستعيذوا

عفروتة شبيك
مشرف ادارى

Egypt
81499 مشاركة

كتب فى : - 29/12/2020 : 09:28:47

أعتذر له لتقصيرى ... لغيابى الطويل ... لعدم متابعتى

فيرد يكفى أن تكونى بخير يا صديقتى

يكفينى أن نتشارك الحلم والأمل

أكتب لتقرئى

صديقى بالخير دمت ... وانا أيضاً اتحدى لأظل

اكتب لتقرأ انت واصدقائى المعدودين ...

عفروتة شبيك
مشرف ادارى

Egypt
81499 مشاركة

كتب فى : - 06/01/2021 : 22:08:01

ليه النغمة الجديدة بتاعت مانعلمش اطفالنا في مدارس راهبات !!! لما كنت فى المدرسة كانت الrégles غريبة و مزعجة ، كان كل يوم تفتيش و تفتيش بنخاف منه بمعني انى مينفعش البس توكة ملونة لازم تكون لونها ابيض ، الchaussures لازم تكون سودة و جلد مش قماش، رجلى مضمومة جنب بعض و مفيش حاجة اسمها تحطى مانيكير كان فيه علبة كده عند مكتب ال soeur فيها قصافة و اسيتون و كل اللوازم.
لما كنا بنشوف ال soeur نازلة و بدأت تتحرك علشان تفتش حالة من الرعب بتمسكنا ، اللى بتنضف ظوافرها و اللى بتشيل التوكة. و احنا طالعين على السلالم فى كل دور فيه Soeur واقفة ها "ارفعي رجلك من على الارض ، صوتك .." كانت cours الاتيكيت ممتعة جدا بنحس فيها بالرقى
لما كنا بنقعد فى ال classe ها demoiselle الحلوة بتقعد ازاى و رجلك بتكون شكلها اية.
كانت دايما ال soeur تقولنا المستيكة مش بناكلها غير فى مكان واحد بس هو اوضتك و انتى لوحدك.
يعنى اية اكون مثلا لابسة chemise و اشمره ، كانت بتقول اللى بشمر ده بيكون رايح يغسل المواعين او رايح يتخانق.
كنا بنفهم الsoeur عايزة اية من نظرة عنيها.
اتعلمت ان الصلاة دية اهم حاجة و اننا نخلى قدمنا ربنا فى كل حاجة و ده علشان كنا متعودين نبدأ اليوم بدعاء ان ربنا يقف جنبنا طول اليوم و فوق كل ده تعالوا اتفرجوا على نفس الsoeur اللى بنترعب منها وقت التفتيش فى رحلة و لا لما كنا بنروح نزور ملجأ بهجة و حب و فرحة تخليك تحب الدنيا. كل ده و الله محستش بية الا لما طلعت من المدرسة و لقتنى بنزعج من حاجات يمكن تكون عادية بس لا مش عادية، يعنى اية اشوف بنت ماشية تزحف فى الارض بالجزمة احنا مش فى مصيف و لا فى مصيف برضه تعملي كده، يعنى اية بتكلى المستيكة كده ، يعنى اية تفوت فرض ربنا ، يعنى ازاى تهزرى بالايد مع ولاد و مع البنات برضه ، والنظام والترتيب و الذوق المنظمين
كل لما بشوف الحاجات دى بقول أن البنات و الولاد اللى اتربوا فى مدارس راهبات طبيعين جدا الفكرة كلها انهم اتعودوا على شكل و ااسلوب معين بيفتكروا ان كل الناس كده و ده الطبيعى على فكرة.
فيه حاجات كده مينفعش تتعمل عشان شكلك و مظهرك قدام نفسك مش قدام حد تانى و علشان هو ده الصح.
كل اللى اقدر اقوله ان تربية الراهبات دية حاجة عظيمة اوى
و انا فخورة انى تريبة راهبات و ان جزء كبير من تعاملاتى و حياتى منهم ، هما اللى رسخوا فيا الحب و المساعدة
من غير مقابل زي ما هما عملوا معانا.

عفروتة شبيك
مشرف ادارى

Egypt
81499 مشاركة

كتب فى : - 07/01/2021 : 10:46:02

اتربينا نحترم ونساعد اللى حوالينا , اتربينا مانتعالاش على الناس لكن العجيب انهم اللى اتعالوا علينا . وبقينا أغراب واحنا الصح وبقى العادى هو الانحطاط .

يعلوا صوتهم عادى وينادوا على بعض من البلكونات , يقللوا منك عشان عندهم انحطاط فى الذات و يقولوا عليك باللى مش فيك يظلموك يهينوك وتسامح وتصبر وتقوم .
يبقى القلب بينزف الم وتفرق على الدنيا ابتسامات .

صباحكم سكر

عفروتة شبيك
مشرف ادارى

Egypt
81499 مشاركة

كتب فى : - 07/01/2021 : 10:50:13

لون جديد يا حمزة نمرة يا خطير

عفروتة شبيك
مشرف ادارى

Egypt
81499 مشاركة

كتب فى : - 18/01/2021 : 04:56:10

"صحتك النفسية أهم..من الدراسة والشغل والفلوس وأراء الناس وأمنيات عائلتك ومزاج أصدقائك.!
صباحك سكر

عفروتة شبيك
مشرف ادارى

Egypt
81499 مشاركة

كتب فى : - 18/01/2021 : 05:02:37

نتعلم ... نمر بمواقف .. تمر بنا وعلينا الحياة
ننضج
نتعمق
نتغير..
فلماذا ننكر التغير وكأنه تهمة؟؟

عفروتة شبيك
مشرف ادارى

Egypt
81499 مشاركة

كتب فى : - 23/01/2021 : 07:07:37

"اللي يطبطب عليك بكلمه وقت حزنك طبطب عليه عمرك كله اوعى تبقى ناكر للجميل"
صباحك سكر

عفروتة شبيك
مشرف ادارى

Egypt
81499 مشاركة

كتب فى : - 23/01/2021 : 07:08:52

"‏لما البُعد يزيدك حب اتأكد ان حبك حقيقي"
غير كدة ماتصدقش
غير كدة دة اسمه اعتياد مش حب

عفروتة شبيك
مشرف ادارى

Egypt
81499 مشاركة

كتب فى : - 27/01/2021 : 22:16:08

أجمل حاجة في الدنيا صداقة الطفولة بتكون القلوب صافية ونقية ساكنها حب طاهر مُجرد من المصلحة والحقد والكراهية حب كده له طعم تاني له مكانة محفورة في القلوب مهما الواحد قابل في حياته مفيش أحلى وأجمل من صحاب زمان
ما يتعوضوش ولا بكنوز الدنيا كلها ربنا يخليكم ليا يا أجمل زهور و زهرات حياتي
دُمتم في حياتي

عفروتة شبيك
مشرف ادارى

Egypt
81499 مشاركة

كتب فى : - 28/01/2021 : 05:08:01

صباح الخير ... صباح جديد جميل على كل من يمر من هنا ... أو لم يمر
صباح الخير للعالم أجمع
صباح الأمل صباح الأخلاص صباح الحب صباح كل شىء جميل

الحمد لله الذى منحنا من الرزق الكثير فجل لنا أحبة ولنا فى قلوب أحبتنا المكان الجميل
الحمد لله الذى منحنا نعمة المحاولة ونعمة الصبر و المثابرة ... الحمد لله الذى منحنا تجارب وإن لم تكتمل ولكن تعلمنا منها الكثير .

صباحك سكر أيها العالم

عفروتة شبيك
مشرف ادارى

Egypt
81499 مشاركة

كتب فى : - 28/01/2021 : 05:37:56

25 يناير 2021
مرت 10 سنين ..
يوم صحى جواية الحنين
بكيته بألم بأنين ... بكيته أو بكيت نفسى فيه
وأسترجعت فى ذاكرتى شريط العشر سنين
لكن اللى فعلاً جميل أنى لما فتحت النت لقيت الإحساس دة عند مصريين كتير
ولقيت رسايل بتقولى فاكرة وأنهم فاكرين
ولقيت كلام صور و عبارات كنت هنا .. كنتى هنا كنا هنا

الذكرى أكدتلى أننا لسة عايشين لسة موجودين
و الأمل بيتولد من جديد

حانفضل فاكرين ولو بعد كمان عشرة او عشرين من السنين
ثورتنا حاتنتصر وحاتحقق أهدافها عيش حرية عدالة اجتماعية
حاتنتهى كل الخلافات حانرجع اييد واحدة تحضننا الميادين
وينتهى المخاض وتتولد من جديد البهية

عفروتة شبيك
مشرف ادارى

Egypt
81499 مشاركة

كتب فى : - 31/01/2021 : 18:32:13

‏- هل ترى تلكَ السماءَ يا صديقي ؟

" إنها تتسع لِجَميع تلك الامنيات والأحلام وإن رَفعتَ يديكَ وناجيتَ الله لن يردكَ خائباً كن على يقينٍ ، حدثهُ عما يجولُ في خاطِرك ، هو يعلمُ كيف يُسعد قلبك الحزين."

عفروتة شبيك
مشرف ادارى

Egypt
81499 مشاركة

كتب فى : - 31/01/2021 : 18:38:16

يا صديقى ... يا صديق كل الصباحات وكل المساءات

يا قلمى الحائر ولسانى الصامت وحريتى المسلبة وطموحى الذى لا ينكسر

يا صديق كل الأوقات ... الدموع والمسرات

لا تيأس ولا تبتأس ولا تقلق فالغد قادم والغد جميل ... جميل جداً كجمال صداقتنا

جميل بحجم أخلاصك ... جميل كجمال صمتك وقت صمتى وترقبك فى غيابى

وتحسسك موقع الكلمات على احساسى

جميل بقدر صبرك على تقلبات ألمى وأنهيار أملى

جميل بقدر كل ماقاسيناه وكل ما حلمناه وتبعثر وبعثرنا ولم تتبعثر صداقتنا

الغد جميل ثق فى الله أنه سيكون جميل جداً

عفروتة شبيك
مشرف ادارى

Egypt
81499 مشاركة

كتب فى : - 06/02/2021 : 05:21:27

وحاأخدها تحدى

عفروتة شبيك
مشرف ادارى

Egypt
81499 مشاركة

كتب فى : - 06/02/2021 : 05:37:59

لا تقلقوا ..
حتماً سنعبرُ في سلام ..
حتما سنزهر كالسنابلِ و الورود ..
و الوعود هي الوعود ..
و العهود هي العهود ..
سيضحكُ الوطنُ الحزين ..
و نعاود الحبَّ المُخبأ في القصائد و الدفاتر ..
سنلتقي عند المحطاتِ القديمة ..
بالشوقِ ، بالضحكاتِ ، بالعشقِ المؤصل في الدواخل ، بلا جفافٍ أو ذبول

صباحكم سكر

عفروتة شبيك
مشرف ادارى

Egypt
81499 مشاركة

كتب فى : - 09/02/2021 : 13:51:12

صباح الخير ...
أعلم أن الوقت ليس وقت صباج لكنه صباحى

وسيكون بإذن الله كما أريد ... أخترت قهوتى لأرتشفها معكم فرنسية بمذاق الحليب غنية

وها انا أحاول النهوض بكل ما أستطيع وأعلم أنى بمشيئة الله سأنهض وسأستعيد كل ما أريد

الحياة خلف النافذة مليئة بالسحب الغائمة والطرق المبللة
طقسى المفضل الحبيب

وهاهى أراها تأتى من أول الطريق أراها على مرمى البصر أعرف خطواتها جيداً
فمهما يبلغ بنا الأعياء ويتلاعب بنا الألم لا تخطىء أعيننا أبداً خطوات من نحب .
وكيف لا أحبها
وكيف لا أعشق روحها وخطواتها وطريقة كلامها وجدالها
حتى الموضوع الخلافى الأزلى بيننا أعشق فيه خلافها

هاهى تقترب شيئاً فشيئاً تعانقها نظراتى وتضمها نبضات قلبى
ترى ماذا ينتابنا عندما نلتقى من نحب ؟!
تتغير كيمياء المخ الأدرينالين والدوبامين

للحب أعراض منبهة تدفق الدوبامين والأدرينالين تغير مستوى السيراتونين يخلق الانجذاب والسعادة والنشاط

يجعلنا أفضل

ها هى قد أتت ها هى تثرثر ها هى تسأل بتكرار ماذا تفعلين

صديقة الطفولة والعمر وكل ما مر بى

صباحكم سكر

عفروتة شبيك
مشرف ادارى

Egypt
81499 مشاركة

كتب فى : - 10/02/2021 : 23:56:58

لن ينسانا الله

الحياة يوم عسر ويوم يسر

( الأيام دول تتداول الأحوال )

إذا نظرنا لحال العالم أجمع منذ 11 شهر فقط وقارناه بالحال الأن رغم وجود الأزمة لكننا تعلمنا فزال منها الكثير وأصبحنا أفضل حتى مع الأخذ بالتدابير ... كل شىء له أنفراجة فرب السموات ربنا الرحيم .

فالحمد لله أن الله ربى يدبر أمرى ويعلم خاطرى وخفايا قلبى

اليوم أفضل من الأمس بفضل الله وغداً أجمل من اليوم بإذن الله

ولن ينسانا الله

عفروتة شبيك
مشرف ادارى

Egypt
81499 مشاركة

كتب فى : - 14/02/2021 : 23:50:21

لننام لنرى كل ما نتمنى فى الأحلام

وليأتى الصباح ليحقق لنا الأحلام

يكفى أن نطمأن بالله

عفروتة شبيك
مشرف ادارى

Egypt
81499 مشاركة

كتب فى : - 18/02/2021 : 05:54:00

جميعنا نعلم الحقيقة لكن لسنا جميعا نعترف بها
صباحكم سكر

على مر الزمان ... سأبقى عفروتة شبيك لبيك وسيظل شبيك عالمى
ستظل مواضيعى تاريخى
سيظل اسمك بقلبى ما حييت

شبــــــيــــــــــك لبيـــــــــــــــــك

عفروتة شبيك
مشرف ادارى

Egypt
81499 مشاركة

كتب فى : - 19/02/2021 : 04:25:34

كل صعوبة أو خيبة أو حتى هزيمة واجهتك : لم تكن صدفة عابرة في حياتك .... كل حزن و إنكسار و ألم تشعر به في أعماقك : كانت إشارة لتعيد بناء نفسك ... مهما سقطت أنت لست بضعيف ، و لا أقل من غيرك ...خُلقت كاملاً مبدعًا نادرًا مميزًا في كل حالاتك ... توازن ، و انهض و اكتشف تفاصيلك ...الله لا يضعك بموقف يفوق قدرتك

ياااااااااارب

صباحكم سكر

عفروتة شبيك
مشرف ادارى

Egypt
81499 مشاركة

كتب فى : - 21/02/2021 : 07:33:24

يا صاحبي...
رغم الأميال والاسوار والسجان واثقة ان صوتى واصلك
ايه يعنى حدود ... ايه يعنى قيود
ايه يعنى الجوابات مش توصلك
اللى بالروح موصول وكلامنا بيطول وتانى بقولك واثقة ان صوتى واصلك وبسمع ردك وبضحك وبغني معاك ...
وبحكيلك..
معلش لو الحكايات مريرة
ومعلش لو التوهة سرقتني اخدتنى من ضلك
يا ....
يا حلم يا امل يا صادق مع نفسك والزمن
كل يوم وانت أطيب كل يوم وانت اصدق كل يوم وانت وانت صعب كسرك ....
صباحك سكر

عفروتة شبيك
مشرف ادارى

Egypt
81499 مشاركة

كتب فى : - 22/02/2021 : 22:47:06

يمنحناالله التجارب كى نطور من ذاتنا
لاشيء قادر علي القضاءعليك سوى نفسك
نضعف كي نستقوى بالله ونعود اقوى
سأعود بإذن الله أقوى
صباحكم سكر

عفروتة شبيك
مشرف ادارى

Egypt
81499 مشاركة

كتب فى : - 27/02/2021 : 04:06:57

عد الى الحياة للكاتبةالدكتورة جولسيران .... أو رواية عروس اسطنبول هى عن قصة حقيقية لكن المسلسل جسدها بشكل مختلف ورغم ان الكثير يعرف القصة الحقيقية ويعرف من هى البطلة الحقيقية لكن احب ثريا .... وقد كنت عندما اشاهده وانا من عشاقه واحب ابطاله كثيرا اهز راسي بشدة وكأنني ارفض ان اتذكر القصة الحقيقية .
وهكذا هى الحياة نهرب احيانا من الحقيقية ونعشق البريق ونريد منه ان يخطفنا فالحقيقة مؤلمة .
ولكنها الحقيقة.

الموضوع

صفحة سابقة

اضافة موضوع

الرد على الموضوع

اطبع الموضوع
||

أذهب الى:

منتديات || دردشة || احدث الاخبار || الرياضة اليوم ||مجلة زووم || عالم المرأة || المطبخ العربى || للكبار فقط

دنيا ودين || القرأن الكريم || عمرو خالد || دليل المواقع || خدمات الموقع || خدمات حكومية || المراسلة وابلاغ انتهاك

||